كلية العلوم الطبية التطبيقية - قسم العلاج الطبيعي

[Eman al-hindi]

المشاركة الأصلية كتبت بواسطة weddah يا هلا ايمان لسه شاغلك موضوع d.p.t افتكر انك فاهمته بس تبغيني اطمنك اش صار عليه والله اللي نعرفه من دكاترتنا انهم شغالين عليه وخلاص بيتفقوا مع الجامعات بره عشان يعتمدوه عندنا وبيحضروا المنهج حقه وهذي الاشياء وبيقولوا على السنة الجاية او اللي بعدها بالكثير تكون الشهادة موجودة عندنا ان شاء الله يارب يطلع كلامهم صح

هههه شايفة كيف ، ايوا فاهمته بس بدي أطمن
يا خوفي يسحبوا علينا بس *_*

[جود &&]

سلام عليكم
جزاك لله خير عالموضوع الرائع

حابه اسال لو دخلنا اي تخصص ( فيزياء- كيمياء حيوي -.....) في قسم العلوم نقدر نحول للكليه التقنيه مختبرات ؟؟؟

[bayan sait]

ايمان الهندي انتي زيي ياااارب منجد يكون في ال d.p.t طموحي

[bayan sait]

weddah بس عندي سؤال

اقدر ادرس بكالوريوس العلاج هنا في kau و اكمل واخد ال dpt من برره ؟؟؟!

[rano00nah]

المشاركة الأصلية كتبت بواسطة weddah ويوفقك ياارب ويكتبلك تدخلي القسم لأن أحلى شي لمن تدخلي قسم وانتي متحمممستله ونفسك فيه حتتحملي كل شي وتبدعي ان شاء الله مو زي لمن تدخلي القسم عشان ما لقيتي غيره او رغبتك الرابعة مثلا

يب صصح كلآلآمك . .

ان شا الله خيييرر =) ,.

شكرن مرآ ثآنيه دكتورهـ p=

[So0o0o0my]

المشاركة الأصلية كتبت بواسطة دلــوعـة أمـهـا جزاك الله خير وتسلم يداك على هذا الموضوع*-^ عندي أسئلة وراح أطفش والله يعينك الاول يقول إيش هيا موادها بالنسبة للمختبرات لانو أحب الاحياء أكثر من الكيمياء ولو كان كيمياء هل مثل مانخذو في الثانوي والتحضيري ذرة والطافة وبول والضغط ولا كيف؟ وماهي التخصصات إلي تشوفي فيها أحياء أكثر مادة لأني مررة أحبها ؟؟ العلاج الطبيعي أنا صراحة كنت أبغاه بس شفت عرض سوه لنا في اليوم الارشادي لاحظت غنو مررة المراة تقرب من الرجل بشكل غير لائق جدا هذا والله العرض ؟؟ومشكورة ثانيا وليا رجعه أكيد *-^

اول شي احب اشكر الانسة ود على موضوعها المميز صراحة اللي يسااعدكم تعرفو الكلية لانو كتير منكم مايعرف شي عن هاذي الكلية الجديده اللي اصلا بدوونها الطبيب مايقدر يسووي شي وعلى فكرة وظاايفها اكثر من الطب البشري

بالنسبة لسؤاالك عن المختبر المواد فيها نفس مواد الطب البشري هيماتولوجي براسايتولوجي كلينيكال كمستري اميونولوجي وغيرها

يعتبر قسم المختبر اكثر قسم يدرس هاذي المواد اللي تتعلق اكثر شي في دااخل الجسم يعني ماعندنا تركيز على الاشياء الي الخارج زي العظام العضلات وكدا

طيب بالنسبة لسؤالك عن الكيمياء والاحياء لا مو نفس الثانوي الي تقولي ضغط وذرة بس في سنة ثانية حيكون في ماده اسمها ام تي سكيلز يكون فيها حسابات اكثر شي وتخفيف لانك تحتاجيها في المختبر

الكيمياء بصفه عامة عبارة عن كيمياء سريرية وحيوية يعني مو ذرة وكدا الكيمياء عندنا عن الي في الجسم مواد صوديوم بوتاسيوم هرمونات غدد يعني يهتم بأرتفاع وانخفاض هاذي الاشياء يؤدي الى ايش وايش الاعراض وكذا نفس الطب البشري بالضبط الا الفرق هما يدرسوو العلاج لهذا الشي واحنا ندرس تحليل الشي هاذاا وكيف نكشف انو منخفض ومرتفع او طبيعي عن طريق سواائل الجسسم

الاحياء طبعا عندنا زي تدرسي ماده الطفييليات بس حيكون تفصيل وايش الامراض الي تسويها الديدان في الجسم وكدا يعني كلو من ناحية طبيه مو زي الثانوي من ناحية تعريفيه لا عندنا كلو من ناحية انو كيف تأثر على الانسان وهل يمكن علاجها وكيف تشخيصها

كل التخصصات فيها احياء لانها كلها طبيه بس اتوقع اقرب شي المختبرات بعدها العلاج والتمريض وبعدها الاشعة

موادنا انا اقولك هيا وانتي روحي اقري عنها وحكتبها لكي بالعربي

علم المهارات الطبية ،علم الاجهزة الطبية ،علم المناعة ،علم امراض الدم ،علم الطفييليات التشخيصي ،علم الانسجة ،علم الاحياء الدقيقة ( بكتريا وفيرووسات ) ، علم الاحياء الجزئييئة (dna) علم الكيمياء الحيوية ،علم وظائف الاعضاء،علم التشريح ،علم تحليل البوول وسواائل الجسم ،علم بنك الدم ،علم الكيمياء السريرية

وبالتوفيق ومن ناحية انك تقولي عالعلاج يقرب من الجسم وكدا ماباللك بالعميليات الجراحية اللي اخس والعن

وبعدين اي شي فيه مساعده انسانية هاذا فيه اجر يعني انتي اتحملي اي شي عشان تأجري في عملك والاقسام الطبيه من اشرف الاعمال لانها تساعد الناس ( ومن احياها فكأنما احيا الناس جميعا ) صدق الله العظيم اتمنى اكون افدتك الله يوفقك ويختارلك الي لكي فيه خير

دمتي

[THE HILL]

موضوع رااائع صرااحه
بس حبيت اسأل السكرب لازم تلتزمو فيه

وهل في ساعه بريك من 12-1 >> يعني محد يعطي فيها محاضرات ابدا ^^

ايش المواد اللي تدرسوها نبذه عنها ؟؟

نوعيه الاختبارات من متعدد والا كتابه ؟؟


انا سمعت انو اغلب الكيات الصحيه يذاكرو من شيتات >> ما عجبتني الفكره صراحه يعني احنا كذا حتكون دراستنا محدوده




واسسفه ع كثرة الاسئله :)

[weddah]

المشاركة الأصلية كتبت بواسطة جود && سلام عليكم جزاك لله خير عالموضوع الرائع حابه اسال لو دخلنا اي تخصص ( فيزياء- كيمياء حيوي -.....) في قسم العلوم نقدر نحول للكليه التقنيه مختبرات ؟؟؟

وعليكم السلام جود

تقدري اكيد بس التحويل بعد سنة ولازم المعدل يكون عالي

[weddah]

المشاركة الأصلية كتبت بواسطة bebabello weddah بس عندي سؤال اقدر ادرس بكالوريوس العلاج هنا في kau و اكمل واخد ال dpt من برره ؟؟؟!

اكيد ان شاء الله تقدري
dpt زي الدراسات العليا واكيد ممكن تكمليها بره سواء فتح في جده او لا

ويا هلا فيكِ =)

[weddah]

المشاركة الأصلية كتبت بواسطة so0o0o0my اول شي احب اشكر الانسة ود على موضوعها المميز صراحة اللي يسااعدكم تعرفو الكلية لانو كتير منكم مايعرف شي عن هاذي الكلية الجديده اللي اصلا بدوونها الطبيب مايقدر يسووي شي وعلى فكرة وظاايفها اكثر من الطب البشري وبالتوفيق ومن ناحية انك تقولي عالعلاج يقرب من الجسم وكدا ماباللك بالعميليات الجراحية اللي اخس والعن وبعدين اي شي فيه مساعده انسانية هاذا فيه اجر يعني انتي اتحملي اي شي عشان تأجري في عملك والاقسام الطبيه من اشرف الاعمال لانها تساعد الناس ( ومن احياها فكأنما احيا الناس جميعا ) صدق الله العظيم اتمنى اكون افدتك الله يوفقك ويختارلك الي لكي فيه خير دمتي

ألف شكر لدكتوور هيثم على تفاعله معانا وكتب كلام انا ما كنت اعرفه عن المختبر
واكيد كثير بيستفيدوا منه
يعطيك العافية هيثم ويوفقك ربي =)