شــــرح إحصاء ch2 ( الجزئيه الاولى )

[Majed7]

الــسلام عليكم .. مساء الخير .!

أخواتي العزيزات وأخواني اللي مو عزيزين ..

فيه شخص بالمنتدى طلب مني أشرح شابتر 2 في الاحصاء وحبيت إنو يكون الشرح في موضوع عشان يستفيد الكل هووون ( متخقق مع شرحي >> أدعيـ إنو واحد يفهم على الاقل ههههههه )

المهم خليني أبدأ أخربط لكم ^_^

______________________________________

-: عنوان الشابتر :-

Frequency Disribution and Graphs

( التوزيعـــــات التكراريه والرسومات البيـــانيه )


- مقدمــــه -


تعريف الـ frequency disribution هو :

the organization of raw data in a table form , using classes and frequencies .

معنى التعريف إنو يكون قدامنا بيانات غير مرتبه ونقوم نرتبها بالصوره اللي تناسب هذه البيانات .

لمن نشوف خانه الـ frequency على طول نعرف إنو معناها عدد تكرار العينه أو الرقم أو العنصر .. راح نشوف كيف مع الامثله .



* تنقســـم التوزيعات التكراريه - frequency distribution - إلى ثلاثه أقسام :

1- categorical frequency distribution .

2- ungrouped frequency disribution .

3- grouped frequency distribution .




أولا : التوزيع التكراري النوعي ( categorical ) : وهذا النوع أبرز ما يميزه إنو بياناته اسميه - غير رقميه - .. بمعنى آخر بياناته دائما ( nominal or ordinal ) .

أشهر مثال على هذا النوع اللي هوا فصيلة الدم ( type of blood ) .. و مثلا تكرار أسماء الطلاب في كلاس معين ( 6 طلاب اسهم محمد . 3 طلاب اسمهم أحمد .. ) .. أو تقدير طالبات جامعة الملك عبدالعزيز ( 10 طالبات ممتاز .. 8 طالبات جيد جدا .. 190 طالبه مقبول ( نذاله هههههه ) .. )


ناخذ مثال محلول ..




البيانات هنا ماهيـ رقميه ( يعني ماهي عباره عن أرقام نقدر نرتبها من الاكبر للاصغر أو العكس ) .. فـ على طول نصنفها مع الـ categorical .!

نشوف قدامنا 28 فصيله دم مكونه من أربعه فصائل بتكرارات مختلفه ( A : لها 6 تكرارات - frequencies -

.. B : لها 8 تكرارات .. O : لها 11 تكرار .. AB : لها 3 تكرارات )

^^

طبعا نعدها بشكل نظري من دون ما نشوف الاجابات قبل ..

وثانيـ شيء نطلعه الـ total ( عباره عن مجموع التكرارات ) : 6+8+11+3 = 28

الحين نبدا نرتبها على شكلـ classes ( اللي هيا كل فصيله دم عباره عن class ) .. وfrequencies و percents ..

معلومه أتوقع الكل يعرفها قانون النسبه المئويه ( percent ) = الـ frequency / الـ total والناتج نضربه في 100

فـ نجي نطلع نسبه الـclass= A .. تكرارها - frequncey - اللي هيا 6 .. ونسبتها 6 / 28 = 0.21 >> نضرب الناتج في 100 عشان تطلع نسبه مئويه = 21 %

ونطبق على الكلـ زي ما سوينا في A وكذا نكون انتهيـــنا حل هذا النوع بطريقه سهله ^_^


عشان نعرف إنو حلنا صح لازم يكون مجموع النسب = 100 % .. ومجموع الـ تكرارات = عدد البيانات كامله ( raw data )




سؤال ثاني :-



البيانات هنا رقميه ولا اسميه >> اسميه طبعا ..

فـ على طول نقولـ الجواب A >- ا categorical frequency ..

__________________________________________________ _


النوع الثاني من التوزيعات التكراريه : ungrouped frequency disribution :-

وهذا النوع بياناته رقميه ( discrete ) ونستخدمه لمن يكون الـ range بين البيانات صغير .. يعني في هذا النوع البيانات عباره عن أرقام متقاربه ومتكرره وراح نحطها بترتيب معين :)

مثلا : المبارايات اللي تسجل فيها 3 أهداف هذا الموسم ( 7 مبارايات ) و هدفين ( 8 مبارايات ) .. هدف واحد ( 12 مباراه ) .. ولا هدف ( 6 مباريات ) .!

نلاحظ إنو البيانات هنا عباره عن أرقام ( 3.. 2 .. 1 .. 0 ) وكل رقم له تكرار خاص فيه .. ولا ننسى إنو الـ مدى - range - تبع البيانات صغير فـ على طول يتبع نوع الـ ungrouped ..

لكن لو قلنا عدد المبارايات اللي تسجل فيها 30 هدف ( 3 مبارايات ) .. و99 هدف - مثلا لحد يصدق ههههه - ( مباراتين ) .. وهدفين ( 6 مبارايات ) >> هنا راح يتبع نوع الـ grouped frequency - لسى ما وصلنا له - لان الـ range كبير هنا .!



مثال محلول :




هذا المثال نوعه ungrouped لان البيانات : 1- رقميه .. 2- مداها صغير ( أكبر قميه - أصغر قيمه ) =8-4 = 4 >> المدى صغير ^_^

طريقة الحل هنا زي طريقة الحل في مثال الـ type of blood بس بتغيير الـ classes إلى الارقام المتكرره ..

فـ نشوف كم الـ 4 تكررت مره .. والـ 5 كم تكررت .. والـ 8 برضوا

وبعدها نطلع نسبة كل class بقسمة تكرار الكلاس على التكرار الكلي ( 16 ) .. وما أتوقع فيها أي صعوبه :)

لكن فيه جزئيه جديده في الحل أضافوها بالجواب اللي هيا الـ cumulative frequency : شرحها باختصار ..

لو كان عندنا قلم أزرق وأسود واحمر .. الازرق 3 أقلام والـ أسود قلمين والاحمر قلم واحد

الـ cumulative frequency لكل واحد فيهم ..

الازرق : 3

الاسود 2 + ( تكرار الـ class اللي قبله = 3 ) = 5

الاسود 1 + ( تكرار الـكلاسات اللي قبله = 3+2 ) = 6


يعني آخر كلاس موجود في الترتيب يساوي الـ total لكل البيانات ^_^


وإن شاء الله بعد هالتوضيح عرفتوا كيف جبنا الـ cumulative للمثال اللي فوق ..


وكذا نكون انتهينا من النوع الثاني ..

__________________________________________

باقي نوع واحد ( طويل ومفصل ) اللي هوا الـ grouped frequency distribution .. يبغاله وقت ولازم تكون معايـ كاميرا مرره واضحه عشان أقدر أشرحها على أوراق يكون أفضل :)

الكاميرا إن شاء الله أشتريها اليوم بعد العشاء لو حابين أكمل شرح الجزئيه الاخيره .. ولو تشوفوا الشرح مو واضح أعطونيـ خبر وريحوني ههههههههه

ولو حابين أكمل فـ إن شاء الله يكون فيه موضوع ( شرح إحصاء ch2 الجزئيه الثانيه ) بكره أو بعده بالكثير :)