~✿{ تجمـع طـآلبـآت الإنتظـآم : جدآول - حذف و إضـآفة - أستاذات و مــوآد : حيـآكُــن}✿~

[nour al3mr]

^
و عليكم السلام و رحمة الله و بركــآته

الله يسعدك بأفتحه إن شـآء الله :)

و البراكتكم عادة يتأخروآ برصدهـ على الأسبوع الثاني من الاختبارات و أستاذتك ممكن تقولك درجته

[xX мïşş şяàв Xx]

ونرجع للمعاناة حقت كل بداية ترم ونقول بسم الله

انا باقيلي 11 مادة ( فونولوجي, سيناكس, سمينار,مورفولوجي, سيمانتكس, علوم طبيعية, فكشن, مودرن, شكسبير, كرتسزم , تدريب 1 )

وحابة اقسمهم على 3 اترام واتخرج عشان مابا المعدل ينزل
والين دحين اضفت سيناكس, شكسبير, كرتسزم , سيمانتكس للترم الجاي باذن الله
سهل كدا ولا يحتاج اغير شي
+
حزيد مادة حرة محتاجة نصائحكم في غير مصادر وموسسات معلومات لاني اخدتها

[xX мïşş şяàв Xx]

المشاركة الأصلية كتبت بواسطة آميرة الحلاآ السلام عليكم انا الترم الجاي اكون في المستوى الخامس ومدري خايفة اخذ مواده .. فكرت ارفع معدلي واخذ ريدنق 2 فرنسي والفكر الفلسفي وماده حره بالنسبه لمقدمه في الترجمه والادب واللغويات ابي اعرف ملخص عنها وايش اسهل ماده من الثلاثة دي وشيكت على الادوس عن الاستاذات مقدمة في اللغويات ؛؛؛ ابرار مجدي ريدنق 2 ؛؛؛ شادن خزيم و عبير الفيفي مقدمه في الادب :: اشواق بصنوي ونسرين الحربي مقدمة في الترجمه : خديجة باوزير وخديجة عقبي ومنال التاودي ايه افضل استاذه منهم وكمان احتمال اخذ مادتين من المقدمات واكنسل ماده حره .. سااااعدوونيِ

دام ماخلصتي ريندينق اعتقد ماحتقدري تاخدي الادب
على العموم نصيحتي لك
ريدينق عبير الفيفي صح مو قد كدا واتغير اسلوبها بس افضل من شادن بمراحل
الادب اشواق بصنوي وانتي مغمضة اقدر اقولك افضل استاذه في كل القسم
لغويات ابرار مجددي ممتازة وتضمني الدرجات معاها بس شدي حيلك
ترجمة خديجة باوزير رائعه بمعنى الكلمه والماده معاها كانت لعب ومافي واجبات واسئلتها سهله

[Light ~]

بنات انا للاسف رسبت بالادب وحسبي الله عليها ،
بسالكم انا نزلت مادتين فكشن ودراما عادي اخدها ولا لازم اعدي الادب؟

[nour al3mr]

المشاركة الأصلية كتبت بواسطة xx мïşş şяàв xx ونرجع للمعاناة حقت كل بداية ترم ونقول بسم الله انا باقيلي 11 مادة ( فونولوجي, سيناكس, سمينار,مورفولوجي, سيمانتكس, علوم طبيعية, فكشن, مودرن, شكسبير, كرتسزم , تدريب 1 ) وحابة اقسمهم على 3 اترام واتخرج عشان مابا المعدل ينزل والين دحين اضفت سيناكس, شكسبير, كرتسزم , سيمانتكس للترم الجاي باذن الله سهل كدا ولا يحتاج اغير شي + حزيد مادة حرة محتاجة نصائحكم في غير مصادر وموسسات معلومات لاني اخدتها

سينتاكس - فونولوجي - فكشن - كريتسزم
شكسبير - مورفولوجي - سيمانتكس - مودرن
سيمنـآر - براكتكم - علوم طبيعية ~> ترم التخرج

و الله يوفقك :)

المشاركة الأصلية كتبت بواسطة light ~ بنات انا للاسف رسبت بالادب وحسبي الله عليها ، بسالكم انا نزلت مادتين فكشن ودراما عادي اخدها ولا لازم اعدي الادب؟

الله يعوضك خيــــر و لا يضيع تعبك
مع مين أخذتي الأدب .؟

ما أنصحك تجمعي الفكشن مع الدرامـآ
و أوقات الطالبة اللي سبق و درسة الأدب لكن ما اجتازته يتغاضوآ عنها لكن إن انتبهوا لجدولك يحذفوا المادة

[xX мïşş şяàв Xx]

المشاركة الأصلية كتبت بواسطة light ~ بنات انا للاسف رسبت بالادب وحسبي الله عليها ، بسالكم انا نزلت مادتين فكشن ودراما عادي اخدها ولا لازم اعدي الادب؟

الافضل تاخدي بويتري مع دراما او فكشن لانو فيها قرايا الا لو انتي من الناس الي تقرا عادي خديها سوا لانها سهله واستازاتها ماشاءالله كلهم جيدات

[xX мïşş şяàв Xx]

احب اضيف على كلام اختي نور لدودو خالة رورو
انو مس نجوى في الريسيرش مرا اتغيرت دا النرم اخدتو معاها كان رائع ووابدن لاكرف ولا واجبات
يمكن كلها على بعض ماتجي 7 واجبات وسهله جدا
واسئلتها سهله
الاستازه رائعه بكل مافي الكلمه من معنى انصحك تاخدي معاها

[nour al3mr]

^
الله يعطيك العافية و يسعدك
د. نجوى وجودها بالقسم من نعم الله و ياليت في منهـآ كثيـــــــر :))

[انا رورو انا]

المشاركة الأصلية كتبت بواسطة xx мïşş şяàв xx ونرجع للمعاناة حقت كل بداية ترم ونقول بسم الله انا باقيلي 11 مادة ( فونولوجي, سيناكس, سمينار,مورفولوجي, سيمانتكس, علوم طبيعية, فكشن, مودرن, شكسبير, كرتسزم , تدريب 1 ) وحابة اقسمهم على 3 اترام واتخرج عشان مابا المعدل ينزل والين دحين اضفت سيناكس, شكسبير, كرتسزم , سيمانتكس للترم الجاي باذن الله سهل كدا ولا يحتاج اغير شي + حزيد مادة حرة محتاجة نصائحكم في غير مصادر وموسسات معلومات لاني اخدتها

مادة حره سهله خدي نصوص سياحيه باللغه الانجليزية دكتورة وصال ابو العلم (قسم تاريخ )
المادة عباره عن كلمات لها علاقه بالسياحة بالللغه الانجليزية جدا تافهه
اختبار دوري واحد فقط
واختبار شفوي عباره عن انك تقراي كم كلمه من الكلمات الي درستيها فقط
وبحث عن احد مناطق المملكة باللغه الانجليزية طبعا هي حتعطيكم المواقع الي تجيبي منها معلوماتك
و بريزنتيشن على نفس المنطقة الي عملتي فيها البحث
و طبعا تفاعلك معها بالكلاس عليه درجات والكلاس كله عباره عن انك ترددي وراه الكلمات الي اخذتوها بالكلاس يعني من جد مافيه اي تعب هالكورس ابببببببد وتضمني باذن الله ال a+
واحلى شي فيها الفاينل تصححه فنفس يوم الاختبار وتنزل درجاتكم بدري

[nour al3mr]

^
الله يسعدك معلومة تهمهم كثيــــــر :)