ما هي أفضل التخصصات الجامعية المطلوبة وظيفياً [البنات فقط] ؟!.

[طالبة طب قريبا]

شكرا اختي على مساعدتك تصدقي معاكي حق خلي الشغل على جنب حدرس الي انا احبه بس زي ما قلتي هنا في السعودية محدودة الاشغال عشان كدا مشغول بالي لاني انا مقيمة في جدة واخرتي وشغلي هنا عشان كدا لازم افكر كويس قبل لا اختار اش ادرس

[طالبة طب قريبا]

thanx m!ss oudy a3t8d eno 9a7 kalmek bs zy ma 8olt mosba8an eno ana 7d5l 3zooz law aba 6b '3er keda 7a8dm bara oo lazem tktobi esh 7tdsi fel application 7a8 bara 3ashan keda me7tara.8a3da a8dm bara fe 7al ma 8drt ad5l 3zooz la sm7 allah
oo inshallah 5eer tslmi mara thania 3al help:)

[No_0ne]

المشاركة الأصلية كتبت بواسطة طالبة طب قريبا وبعدين انا درست في مدرسة عالمية واعرف واحد دخل عبدالعزيز وشايف السنة التحضيرية سهلة جدا لانو ماخد كل شي مسبقا في المدرسة تريبا ...عشان كدا مرتاحة وانا بتكلم عن طب ...الحمد لله

طيب حتى حنااا كثير مننا خرجين ثنوي عالميه و مطوره و حكومي ...
كمان الصعوبا الي بتكلم عنها مو بس في المواد انا شايفا المواد بمحتواها سهل ... لكن المشكله باللغه + ضغط الدراسه يعني دوام من 8 الى 3 او 4 غير الاختبارات و ... الخ من الاشياء الي ما هتعرفيها الا لو تجربي التحضيري بنفسك...

[اللؤلؤه الورديه]

بحكايه الرواتب مااحب أقيد نفسي بيها أو حتى أفكر كم وكم ....

مو حكايه تهجم أو شيء من كذا لاكن أحسن شيء إنكم ماتركزوا ع مثل هادي الأشياء وتفكروا كتير فيها

الفلوس ياما غيرت نفوس

وبالتوفيق
ويارب كلنا تتحقق لنا اول رغبه
^^

[rano00nah]

^
^

+1





من جد يلآ التخرج و الشغل يجي ههه أفكر في الروآتب ؟! ><


طالبة طب قريبا
الله يوفقك و تدخلي اللي تبغيه و اللي فيه خير لك =$

^.^

[بيو كيميائية ^_^]

المشاركة الأصلية كتبت بواسطة طالبة طب قريبا شكرا اختي على مساعدتك تصدقي معاكي حق خلي الشغل على جنب حدرس الي انا احبه بس زي ما قلتي هنا في السعودية محدودة الاشغال عشان كدا مشغول بالي لاني انا مقيمة في جدة واخرتي وشغلي هنا عشان كدا لازم افكر كويس قبل لا اختار اش ادرس

طيب أنتِ مقيمـه يعني مو سعودية

والغير سعوديين مايدرسون طب في جامعاتنـا

إلا إذا كانت الأمـ سعودية

شوفي ياحلوة أنتِ فكري عدل شوفي ايش ميولكـ بالضبط هل فعلًا طب وإلا

وبعدين الجامعة شيء مختلف جدًا عن الثنوي إذا دخـلتِ راح تعرفي

أنتِ من ردودكـ حسيت ميولكـ مو طب أنتِ تبي تدخليه عشان الوظيفة والراتب لكن ماتبي عشان السنوات الطويلة صح ؟؟

راجعي نفسكـ زين وإعملي إختبارات تحديد ميول وأقري أكثر

وترا على فكرة فيه ناس يدرسوا طب ويتخرجوا ومايتوظفوا ماينجحون في إختبار الهيئة

وأيضًا فيه ناس تدخل وتوصل سنة رابعة وخامسة وتتطلع ماتقدر تستحمل أكثر <<شفت كثير كذا للأسف

[رهين لحظة]

يمدحون الآي تي =) ..
اذا انك من هوآة الحـآسب ..

[الكثيري5]

أنا إلي فهمت انو يهمك يكون راتبك عالي وظيفه كويسه
وهذا شيء عادي الكل يفكر فيه بس يبغالك تشدي حالك لانو
الوظيفه الممتاز وراتبه عالي ماراح تأخذيها بسهوله لازم
تتعبي عشانه
طيب المجالات إلي يشتغلو فيه البنات في السعوديه محدوده
وهذا طبيعي جدا بحكم طبيعة البنت نفسها والدين و....و....
وانا اعتقد انك اذا تبغي تحققي رغبتك الافضل تدخلي طب
ودخولها يبغالوا شد حيل يعني يفضل تأخذي التوفل في الاجازه
وهذا راح يساعدك كثييير في الدراسه
وبعد كذا المواد الباقيه بدري نتكلم عنها ذحين
المهم اذا تبغي تدرسي سنه تحضيريه خذي التوفل


وبالتووووووووفيق

[طالبة طب قريبا]

شكرا يا جماعة ملاحظة انا فعلا ابغا طب وطول عمري ابغا اصير دكتورة بس ما ابغا اضيع سنين عمري في الدراسة وبعد كدا اطفش او اتعب عشان كدا محتارة
بس من عند الله التوفيق وفعلا ناوية اخد التوفل في الاجازة بس عفوا تعرف فين اقدر اقدم عليه؟ومتى بالزبط اخده؟؟
وشكرا:)

[طالبة طب قريبا]

شي كمان عندي واسطة لانو اتنين من اعمامي سعوديين وواحد فيهم دكتور منصر العمودي يدرس عندكم في الجامعة فباذن الله اني ادخل طب ومني سعودية ماهي مشكلة عندي...:):):)