ارقام باصات لطالبات مكه

[معلمة مكه]

انا كلمت الخالد والمطرف وفعلا مايوصلوا الا داخل مدينه جده .. وكلمت ابو سرهد في بداية شهر رمضان وقال ان اخر باص يمشي من مكه الساعه 8 الصباح وهذا مايناسبني لأن دوامي يبدا الساعه 12 الظهر وقال لي اذا معاك طالبات وعددكم 10 تقريبا راح نوفر لكم باص على الساعه 12 الظهر والرجوع 4 ونصف العصر ..
ولكن عندي سؤال ..
هل دوام التربية الخاصه مثل دوام الماجستير ..؟؟ يعني المحاضره تبدا 1 الظهر وتنتهي 4 العصر ..؟؟؟
اذا نفس الدوام خلوني اشوف سواق خاص افضل من الباصات وارد عليكم ...

[سكررر]

بسم الله الرحمن الرحيم
السلام عليكم ولرحمة الله وبركاته
انا كمان انقبلت في التربية الخاصة وانا من مكة وودي في باص خاص نكون مع بعض تكفون خلونا نتفق ونروح مع بعض00
ولكم جزيل الشكر00

[meme_3223]

http://www.skaau.com/vb/showthread.php?t=245126

هذا موضوع ممكن يفيدكم ..

[ابوعمار4]

الاخوات اللواتي مواعيد محاضراتهم من 1-4 زوجتي ايضا محاضراتها في نفس الموعد وتبحث عن وسيلة مواصلات مع مجموعة منالطالبات وجزيتم خيرا

[ندودة]

السلام عليكم
انا للأسف مو تربية خاصة .. بس ليش ما تجربوا أبو سرهد ..
خذوا ترم واحد لأنه بـ 2600 اما إذا تبغوا تجربوه شهر بــ700 بس إذا شهر إنتوا بعدين ما يعجبكم صعب تدورا بديل خلال كم يوم أو أسبوع .. فترم احسن لكم وارخص أنا أخذت الرقم وشفت الموقع وراح اجرب إن شاء الله ..
وفي كمان نقل إسمه المتميزون على ما أعتقد ذكرتوا رقمه ..
وإذا راح تجيبوا سواق مثلا ..
راح تسقدموا و ياخذ وقت .. وعبال ما يعرف مكة بس أرحم ولا كان ضيع جدة من دخلاتها وشوارعها ..
طيب واحد جاهز من فين تجيبوه تعيس الحظ ذا اللي من زمان ادور عليه انتم عندكم هو ؟!!
إنكم توكلوا واحد صعب جدا جدا ..
خذوا باص وإذا أتأخر ولا عاكس عندكم الإدراة طلعوا حرتكم وهم يشفوا شغلهم ..
فكروا بالأسوأ عشان يكون عندكم بديل مو لما تواجهوا مشكلة ما راح تقدروا تتصرفوا ..
ولو جبتوا سايق خاص واتنكبتوا فيه إش راح تسوا ؟!!
لاقدر الله طبعا ..
دحين عبال ما تكونوا مجموعة وعبال ما تلاقوا سايق مناسب إذا كنتم تبغوا سايق خاص ..
تعتقدوا راح يكفيكم الوقت إذا الإستقدام ياخذ 3 شهور أو أكثر ..
وإذا كان تعبان ولا مريض لا قدر الله (( سامحوني على تشائمي بس أكيد في يوم راح يحصله ظرف
لازم وحدة من المجموعة تعرض مساعدتها في الأوقات الحرجة يعني كلكم تروحوا معاها إما مع اخوها .. ابوها أي أحد ..
وإذا ما حصلتوه عندكم أبو سرهد في إشتراك لمدة يوم واحد 70 ريال هذا يعتبر حل بس لازم تتكلموا من بدري وتنتبهوا للوقت خصوصا أيام الإختبارات ما تتفوت ...
هذا مع دعواتي للجميع بالتوفيق ...

[جَنـاحُ حُـلمْ .. !]

طيب احنآ اللي بعيد عن مكه وجده شنسوي نبي سسسكن خآآآص
بنآت اش آفضل سكن خاص في جده من ناحيه الخدمات والاسعار

[Tooleen]

بنات التربية الخاصة عددنا الى الان سته { انا طبعا و سكر و شانيل و بنت الخيال و rapunzel وصحبتها } تمام , طيب المطلوب الان كل وحده فينا تبحث عن سواق بسيارته و قريبا راح نشوف
نتايج بحثنا و ياااارب نلاقي لنا واحد منضبط عالمواعيد و يعرف الطرق مزبوووووط >>> اثرتي عليه يا ندوده و على فكره الباصات والله تعب و مافيها راحه و بعدين انتي من جدك نستقدم سوااااق
ليييييييييييييييييه عشان ايييييييييييييييييه ههههههههه مافي اكثر من السواقين الموجودين بالبلد
ع العمووووووووم موفقين و ان شاء الله ربي بييسر لنا امورنا زي ما يسر لنا قبولنا

[mooonah]

ابو ســـــــــــرهد حيوفر باص يتحرك الساعه 12 ومواعيد العوده في باصات في اوقات مختلفه :
الساعه 1
الساعه 2ونص
الساعه 3ونص
الساعه 4ونص

[mooonah]

http://www.skaau.com/vb/showthread.php?t=244761

[شااانيل]

تولين دوام التربيه الخاصه صباحي الا مسائي؟؟

وانا ارسلت ايميل للمطرف قالي ما يوصل الا داخل جده فقط

اما الخالد ما اعرف عنه.. والمشكله ذحين مع رمضان والاجازه

ما اعتقد شركات الباصات ترد علينا بالساهل . ياليت لو وحده تعرف سايق ثقه

بسرررررررررعه تكلمه قبل ما ينحجز واهم شي يكون على الموعد

مو يجلس كل يووووم يجيبلنا عذر انا الصراحه ما اعرف سايق خاص يودي جده

ياليت يا بناااات تتحركون بسرعه

يااااااااااااااارب سترك