للي درس تحضيري وانقبل طب بشري .. يدخل

[al-sha7ro0ora]

اهلين ...
عدت من جديد <<<< هههههههه
لا والله بس انا مره مهتمه بالموضوع عشان انا نفسي في طب بشري ويارب ربي يوفقني ويوفق الجميع يارب
طيب ابغى احد يرد عليا يكون في البشري كيف دراست البشري ؟؟؟ وهل تعرفوو كم دحين صارو يبغو نسبه لطب البشري؟؟؟

وحبيت اقول لك اخت موجي انتي ماوضحتي القاموس اللي انتي اشتريتيه مثلا مكانه او اسمه زي كدا معلومات نقدر نتسدل عليه؟؟؟
وابغى اسألكم كمان او ابغى انكم تقولو ليا شو احسن شيء نعمله في اول اسبوع خصوصا انتوو عارفين انوو حنداوم السبت وفي ناس يقولو انوو بس اول يوم نختبر وبعدها مانداوم ؟؟؟ وانا صراحتا مو عارفه << طبعا غير انو حأروح نستكشف المكان زي الكشافه وزي كدا ؟؟ بس انا قصدي انتوو شو تنصحوني اعمل في اول اسبووع

[al-sha7ro0ora]

اهلين ...
اخت امان بس حبيت اقول لك على شيء ...
او اصحح لك شيء من بااب المساعده ...
(حتجيب المعدل العااااالي بالراااااحة <<< ماء شاااااء الله ما بغى احسدك )<<< اختي انتي كتبتي ماء شاء الله
هيا تكتب ... ماشاء الله .... اوكي بس حبيت اقول هادي المعلومه لك

[al-sha7ro0ora]

معليش غلط مطبعي ...

اخت اماني

[طالبة تايهه]

شكرا لكاتبة الموضوع
والشكر ايضا لمن رد على الموضوع
أفدتونا كثييييييييير

صراحة لما قرأت الردوووودخوفتوني من خطة ب

لانو انا كنت متفائلة بس اعرف صاحبتي درست سنة تحضيرية
وجابت معدل 4 وشوي عليها

وما دخلوها اي تخصص بالصحة فتحطمت

والحين اتحطمت اكثر تقولوووووخطة ب صعبة

[M!ss Mojy]

المشاركة الأصلية كتبت بواسطة حبي للوطن سؤالي الاول يعني المصطلحات بالانجليزي صح ولا لا ؟؟ اكيد صح بس لازم اعرف معناها بالعربي والانجليزي ولا ماهو لازم ؟؟ مثلا مصطلح heart معناه عربي قلب وكذا يعني ؟؟ اتمنى فهمتي <<<<<<< لأني ما اعرف اشرح كثير

شوف خيو هما اكيد ماراح يسآلوك في الاختبار ايش معنى هذا المصطلح بالعربي

بس يعني كيف راح تفهم الدرس وانت مو عارف معنى هذا المصطلح

الي ابغى اوصلك هوا

زي مثلا اخذنا في الاحصاء pie chart

ممكن مااكون عارفه معناها الحرفي بالعربي بس اهم شي اكون عارفه مدلول هذا المصطلح

انو pie chart يستخدم لتمثيل البينات مع علاقة الجزء بالكل بالنسب

<< فهمت عليا

[M!ss Mojy]

وحبيت اقول لك اخت موجي انتي ماوضحتي القاموس اللي انتي اشتريتيه مثلا مكانه او اسمه زي كدا معلومات نقدر نتسدل عليه؟؟؟

اممممممممممممم اشتريته من جرير

شوفي ياعسل انا رحت هناك ومو عارفه ايش اخذ او ايش احسن

بس سآلت الرجال الي هناك وعرض لي كل القواميس الي عندهم وقلت له انو انا ابغى اتخصص طب

بآيش تنصحني ؟ واعطاني هوا

ان شاء الله احط لكم صور القاموس هنا

[M!ss Mojy]

المشاركة الأصلية كتبت بواسطة al-sha7ro0ora طيب ابغى احد يرد عليا يكون في البشري كيف دراست البشري ؟؟؟ وهل تعرفوو كم دحين صارو يبغو نسبه لطب البشري؟؟؟ والله لسه مابدآنا في دراسة البشري عشان اقولك بس ان شاء الله الي اكبر مننا يفيدوكي وبالنسبة للنسبة المطلوبة في البشري جابونا على هذا السؤال في الصفحات الاولى وابغى اسألكم كمان او ابغى انكم تقولو ليا شو احسن شيء نعمله في اول اسبوع خصوصا انتوو عارفين انوو حنداوم السبت وفي ناس يقولو انوو بس اول يوم نختبر وبعدها مانداوم ؟؟؟ وانا صراحتا مو عارفه << طبعا غير انو حأروح نستكشف المكان زي الكشافه وزي كدا ؟؟ بس انا قصدي انتوو شو تنصحوني اعمل في اول اسبووع شوفي اول اسبوع راح يكون حووسه بشكل الله يعينكم يعني اول 3 ايام تقريبا مافي شي بس انتي شيلي جدولك معاكي عشان تعرفي الكلاسات والمباني مرره كويس عشان لمن يبدا دوامكم ماتحوسي وعلى فكرة في استاذات يعطوا محاضرات اول اسبوع ويحضروا كمان فانتبهوا

واي استفسارات اخرى نحن هنا

[M!ss Mojy]

المشاركة الأصلية كتبت بواسطة طالبة تايهه شكرا لكاتبة الموضوع والشكر ايضا لمن رد على الموضوع أفدتونا كثييييييييير صراحة لما قرأت الردوووودخوفتوني من خطة ب لانو انا كنت متفائلة بس اعرف صاحبتي درست سنة تحضيرية وجابت معدل 4 وشوي عليها وما دخلوها اي تخصص بالصحة فتحطمت والحين اتحطمت اكثر تقولوووووخطة ب صعبة

احنا مانبغى نخوفكم ولا شي

بس مواد خطة ب كبداية يعني تعتبر ثقيلة ودسمة نوعا ما

لكن صدقيني ممتعة جــــــــدا خاصة للي يبغوا يتخصصوا طب

يعني الكيمياء والاحياء مواد ممتعة ولكن يبغالها شدة حيل شوي

وانا اعرف من صديقاتي بنات كانو خطه ب ودخلوا طب وجابوا اعلى المعدلات ماشاء الله

يعني كل واحد بياخذ نصيبه سواء في خطة أ او ب

بالتوفيق جميـــعا

[bero]

حبيبتي الله يوفقك يارب وتدخلي كليه الطب


انا اقلك بس خليكي مع الاستاذات في المحاضرات ولا تفوتي ولا كمله يقولوها بالزات في الفيزياء

والاحصاء


واهم شي حلي التمارين اول باول

وخليكي مع الاوراق مررررا مهمه اللي في المكتبه

واذا احتجتي اي شي

تحت الخدمه

لوف يوو والله يوفقك يارب

[al-sha7ro0ora]

مره شكرا صراحتا موجي وبيرو ...
وان شاء الله ربي يكون معانا انا الحمد لله مو خايفه مره لانه كل سنه بيقولو لك انو السنه الجاياا صعبه
وعلى هادا الحال نكبر ونتخصص بس ان شاء الله نجيب المعدل المطلوب << هوا دا الكلام ..
وشكرا على تنبيهك ليا انوو ممكن ناخد محاضرات اول اسبوووع ...
ويارب التوفيق للجميع..