مبروووووووك نزل الجدول

[بنوته...]

ياحبيبتي طموحه
والله حتى انا مني عارفه ايش اسوي اسماء الكتب مانزلت لسع والدورات متأخره والله حاله

حبيبتي طالبه مقهورة
وياكي ياقلبي وبعدين ماطلبتي شي
انا بقول لك
السنوات الجايه خليها على ربك
دحين لسع نحنا في السنة التحضيريه
ولمن نخلص راح نفهم زي ما عرفنا دحيبن صح قلبو
خليكي على المنتدى طول 4 سنوات وبتستفيدي كتير
بالتوفيق

[طموحه ولكن!]

هلا فيكوا .. بس لانه اخاف انوا مالحق عليها احتمال انا اولد في نهايه واحد على بداية شهر 2 واخاف انو اولد وانا ماختمت شي من مواادي يالله الله يريد الي فيه الخير وييسر ولا يعسر .. وان شاء الله الاسااتذه مايقروا معانا يارب ونرتاح من هم السنه التحضيريه ونحول انتظاااااااام امين

[طالبة مقهوره]

بنوته مشكووووره ما تقصري
طيب انتي قوليلي كيف نعرف يعني من فين بالضبط من المنتدى يعني ؟؟
مو معقوله اكيد في شي في موقع الجامعه يقول متى نبدأ ؟؟
أكيد في شي رسمي يوضح متى بداية الدوام ؟؟
سامحيني بنوته عارفه اني طفشتك

[بنوته...]

قلبي قلت لك عادي خدي راحتك
كولنا تايهين
اسمعي في بنات من المستويات التانيه
المستوى التالت وما فوق
راحوا الجامعه وشافوا اننا معاهم بالجدول
نصنا مع الاداب ونصنا مع الاقتصاد
وبكدا عرفنا نحنا باي وقت نروح
وكمان اكيد بينزل بالاودس مو معقولة ماينزلوه
بس لسع في تحديثات بالاودس عما قريب ان شاء الله

[طالبة مقهوره]

الله يعطيك العافيه بنووووته و الله ريحتيني
مشكووووووووره

[عندي سؤال]

يا حلوين مواعيد الدورة التأهيلية دحين والسنوات الجاية كلها راح تنزل في التقويم الأكاديمي تبع الانتساب

وكمان يحطوا لكم أيقونة في صفحتكم في الـ odus

يعني تراجعوا موقع الجامعة هو لسه ما حطوا تفاصيل تقويم الانتساب لسه يللا الأسبوع اللي فات حطوا تبع الانتظام وأنت إن شاء الله راح ينزل لكم

استهدوا بالله وكله راح يمشي صح

[albtran]

مبرووووووك للجميع ها ياللة اللة اللة بالمذاكره شدو حيلكم من حالحين عشان تسهل المراجعه عليكم .
نتمنا لكم التوفيق والنجاح .

[AL-KHALDI]

الحمد لله نزل جدولي

انا انتساب وخطة أ

ونزل لي المواد بالجدول 5 مواد

عربي انجليزي ثقافه حاسب رياضيات

بس وش المطلوب مننا الحين؟؟؟
احنا انتساب؟

[بنوته...]

البعض يقول لك اشتري الكتب
وهدا اللي انا بسويه
والبعض يقول لك استني الدورات التأهيليه
وبما انك خطة أ ممكن تستني عادي
لكن خطة ب لازم يبدأو لانو مافي وقت

[AL-KHALDI]

يعني خلاص نشتري كتب الحين

بس انا من الخبر الشرقية

وش المكتبات اللي تبيع الكتب المقررة ؟؟