الى جميع طلاب وطالبات التحضيريه الدخول والتفاعل >>>أريد حل

[حربيه 1412]

وربي غباااء ظلم وحراااام

ناس ماتفكر همها نفسها

تبغى تتطور على حسابنا تططور طل بوجهم

[بحر الأمل!]

مو ذنبنا انو ماحد درسنا أو مناهجنا كانت زفت في المدارس لو دخلوا لنا من أول انقليش وكثفوه لنا وأعطونا فيه أساسيات واضحه كان احنا بلابل فيه دحين.. بس أولى متوسط ولسه يعلمونا ايه بي سي...... وثاني متوسط يعلمونا كيف نكتب ولما وصلنا الثانوي القرامر حقت المتوسط تنعاد علينا والتعابير يحفظونا هيا وبعض المدرس تعطيهم تعبير واحد يحفظوه ويكتبوه يوم الاختبار وبعدين يجونا في الجامعه يختبرونا تحديد مستوى ويوزعون عشوائي وفي الأخير الاختبار موحد ومن برا الكتب .... ايش يبغونا نذاكر ان شاءالله ومن وين نذاكر ؟؟؟ لازم يكون فيه تفاعل كبيييييييييييييييييييييييييييييييييييييييييييييييي ييييييييييييييييييير حتى لو نعمل لهم مظاهرات عآآآآآآآآآآآآآآآآآآآآتي المهم نعمل لهم ضجه عشان ما يخلونا فئران تجارب عندهم!!!!

[::rose::]

بصراحة انا اللي اشوفه ما في عدل نهائيا
على اي اساس يقسمونا اذا كانت الاسئلة موحده ..
بعدين ليفيل 1 دروسهم غير عن ليفل 4 يعني الدروس تختلف بين المستويات التانية كيف يوحدوها ..
بس ما بيدنا شئ
ما نقول الا
حسبي الله ونعم الوكيل ..

[memo99]

لا تعليييق بجامعة عزوز الي في رأسهم حيسووووو

[baby g!rl]

....صراآآآآآآآآآآآآآآح‘ـــــــــــــــــــــــة صدمة...

أنا سمع‘ــــــــــــــت ع‘ـــــــــــــــــنووو...بس اتوقع‘ــــــــــــــتوا اشاآآع‘ـــــــــــــــــــــــــة..مبالغ‘ــــة ...بس ماج‘ــا في بالي انو من ج‘ــــــــــــــــــد..

بج‘ـــــــــــــــد مو صاح‘ــــــــــــــيين..والا مستوى أول يختبروون مستوى رآآآآآآآآآآآبع‘؟؟...*_*..راآحوا فيها..!!


ع‘ــــــــــــــــجبتني فكــــــــــــرة الموظاهاراااآتـ...،،^_^

[لحن الحياهـ]

لا لا لا
مو معقول
؟؟
اعتقد كل مستوى ولهـ اختبار
مو معقولهـ كدا
مو للدرجهـ دي
حرام عليهم

[raneem f a m]

والله مايصير يعني بنات ليفل 1 او 2 او 3 مادرسوا الكتب حقت مستوى 4 واصلا الاختبار حيكون 70٪ من ليفل 1 و 2 و3 و30٪ من ليفل 4 و 5

أين العدل ؟!

[raneem f a m]

المشاركة الأصلية كتبت بواسطة لحن الحياهـ لا لا لا مو معقول ؟؟ اعتقد كل مستوى ولهـ اختبار مو معقولهـ كدا مو للدرجهـ دي حرام عليهم

والله هما كذا بيدمرونا ويحطمونا
وانا اتأكدت اليوم بنفسي من المسؤولات لمادة الانقلش وقالوا انو الاختبار موحد لجميع المستويات

[لحن الحياهـ]

حرام عليكم مو ناقصني صدمات
وربي رحت فيها
ياناااس
وربي مايصير
لازم نسوي شي
الاختبار ما باقي عليه شي
صدقوني
والله مايصير
انا متغربه عن اهلي
على اساس احقق حلمهم
وبالاخر يحطمونا وربي حموت
ياااناااس
تكفوون خلونا نعمل شي
وربي مايجي كدا وربي حرام
ايش الظلم دا
وربي ظلم واكتر من الظلم
طيب ليش اختبرونا اختبار تحديد مستوى لعب بعقولنا يعني
ولا ايستهبلو على روسنا ولا ايش
هما اكيد حصل بمخهم شي
ولا يبغوا تطور وحضاره ويبغونا نواابغ بالقوه
التطور والحضاره والنواابغ
ماتجي كدا
لازم يبداؤ من الصفر
عشان يحققو اللي هما يبغوه مو كدا
تكفوووووووووووووووووووووووووووووووووووووون
خلونا نعمل شي
بليز طلبتكم

[متطلع]

الناس ليش زعلانة ؟؟؟

يعني بالله عليكم تبغوا اختبار المستوى الأول أسهل من المستوى الخامس ؟؟؟ طيب لو واحد جا في اختبار تحديد المستوى وغلط نفسه ؟؟؟ فكرت أسويها صراحة ، حيحطوه في المستوى الأول وهو المفروض يختبر مع الخامس ، يعني يجيب فل مارك وهو نايم ...

وبالله عليكم كيف تبغوهم يحطوكم في الكليات وفي ناس أحسن منكم في المجموع ؟؟؟ يعني واحد ما يعرف كلمة إنجليزي يجيب فل مارك وواحد كان اختباره جدًا صعب وخبص ، والأول يخش كلية محترمة والتاني مع نفسه ؟؟؟ فين العدل ؟؟؟

وكيف تبغوا التقسيم يكون عادل إذا ما اختبرونا نفس الاختبار أصلًا ؟؟؟ على أي أساس يختبروكم حسب مستواكم ؟؟؟ لازم يختبروا الدفعة كلها اختبار واحد ويعرفوا مستواكم عشان الأفضل يتسكن في الكليات الكويسة !!!

بالنسبة لتحديد المستوى ، كان في صالحكم ، صح إن المنهج مختلف ، لكن الاختبار ما حيكون عن المنهج ، الاختبار حيكون إنجليزي عامة زي تحديد المستوى ، يعني مو زي أيام الثنوي لازم تحفظوا الكتب ، لأ ، دحين لازم تعرفوا اللغة لأنه الاختبار في اللغة عامة !!!

وهذا اللي عندي ، يا ريت تبطلوا تسخط لأن هذا هو العدل ( في وضعنا الحالي كسنة تحضيرية ) واللي يقول : إيش ذنب اللي كان الإنجليزي حق مدرستهم تعبان ؟؟ أقوله : ليش ما غيرت مدرسة ولا ليش ما رحت معهد ولا اتصرفت وسويت شيء ؟؟؟ جي دحين تتكلم ليش ؟؟ لا تلوم إلا نفسك وبعد كدا اتعلم من بدري لأن العلم قوة ... Knowledge is Power ...


تحياتي ، وأنا ما أقصد شخص معين بكلامي ، بس كنت بوضح اللي انتوا شاكين فيه ... وأنا ما كتبت كدا إلا لأن الرد اللي فوقي يحزن صراحة !!!