استفسار عن ارسال الملف بالبريد...

[faisal99]

ضيفي عنوانك بالكامل اسمك ورقم جوالك والسكن بإختصار العنوان كامل

عفوا الرسوم بـ 5 ريال بريد مسجل ثالث يوم ويصل لهم

من فضلكم دقيقة تريدون اي بريد ام المقصود اللي بشطر الطالبات حددو

والله ولي التوفيق

[shada_Ak]

ضيفي عنوانك بالكامل اسمك ورقم جوالك والسكن بإختصار العنوان كامل عفوا الرسوم بـ 5 ريال بريد مسجل ثالث يوم ويصل لهم

اكتب اسمي وعنواني على الظرف من برا

ايش دا البريد المسجل؟

[faisal99]

المشاركة الأصلية كتبت بواسطة shada_ak اكتب اسمي وعنواني على الظرف من برا ايش دا البريد المسجل؟

نعم من برا اكتبي .. اسمك - عنوان السكن - جوالك .. ثم اسئلي موظفه البريد اذا هناك نقص بالعنوان (مكانها في اعلى الظرف بالركن الايسر)
وعنوان العمادة في اسفل الظرف بالركن الايمن .. وانتبهي الخط يكون واااضح

البريد المسجل سعره حسب وزن الاوراق وفي الغالب بـ 5 ريال
الفرق بينه وبين البريد الممتاز هو ان المسجل تصل الاوراق في ثالث يوم من الارسال اما الممتاز خلال 24 ساعة وتصل وارى ان هناك وقت الى 8- 4 - 1431هـ اخر تسليم الاوراق
انا جاهز لمساعدتكي اذا اردتي .. فيصل الحربي

[shada_Ak]

اهاا البريد المسجل دا يعني في البريد السعودي اروحلهم واقلهم بريد مسجل

[SmBokE]

اهاا البريد المسجل دا يعني في البريد السعودي اروحلهم واقلهم بريد مسجل

يب ^^

<><><>

قاعد ادور مكان افضفض فيه بس بخصوص حركة الرسائل دي ... :d

انا ارسلت أوراقي من يوم الاتنين الاسبوع الماضي ... بريد مسجل
ظرف يعني ,و عنواني و عنوان بريدهم على الظرف وكل شئ حلو و جيد
في العادة , انا متعود ارسل اي شئ بريد ممتاز , بس خرشولي حقون البريد اللي عندنا
انو ما دام انا برسلها على صندوق بريد تاني , ما اقدر ارسلها ممتاز

المهم ما علينا , ممتاز ولا مسجل , في النهاية النتيجة وحدة
وارسلت على البريد المسجل وكل شئ , من اسبوع تقريبا ...
وكل يوم اشيك و يقلي لم تصل الأوراق , على يوم السبت

دخلت موقع الجامعة هنا , اشوف الامور كيف ماشية
قالولي على حركة التشيك من موقع البريد , و دخلتها و كاتبلي
انو البريد وصل الجامعة يوم الثلاثاء , طيب لو وصل يوم الثلاثاء
مرت تلاته ايام , ليش ما استلموها من البريد , مندوبين عمادة القبول ؟

المهم , كأني قرأت احد كاتب الهرجة تاخد اسبوع
قلت عادي اعطيهم يوم كمان , لله يا محسنين ... و دا كلو وانا على اعصابي
المهم , خلص يوم الاحد و كملت اسبوع على ارسال اوراقي بدون نتيجة ...

اليوم الصباح رحت وحدة القبول , و في عيني شرر ... :d
المهم , دورو في الوحدة وزي كدا , و ما حصلو ملفي ...

قالولي ممكن , انت حطيت بريد الطالبات لانو يوم الثلاثاء وصلتهم تلاته ملفات شباب ارسلوها على بريد البنات
قلتلهم لأ , انا ارسلتو بريد مسجل و كتبت البريد بنفسي و اتأكدت منو مرتين , و مسكين الموظف جلس يدور
حق نص ساعة وانا قاعد على رأسو الين فقد الامل في الحياة و ما لقى شئ

قلي خد بإيصال البريد , وروح البريد شوف لو وصلهم
ولو وصلهم مين المندوب اللي استلمها من البريد ...

قلت طيب , و رحت البريد تبع الشباب , اللي ورا كلية الانجليزي
ولقيت المفاجأة الجيدة , لقيت ملفاتي و دستة ملفات محطوطة عن البريد
قالولي ايوة وصلنا من يوم الثلاثاء , و اتصلو على عمادة القبول
على اساس يشيلوها وزي كدا , قام عمادة القبول الموظف المندوب في اجازة !!!!!!

المهم , رجعت اتضاربت شوية و مشيت
بس الفكرة , انو كيف يبدأو التسجيل
ويخلو المندوب تبع الملفات في اجازة ؟
طيب ليش ما يوظفو بديل عنو عبل كدا

وانا ليا اسبوع على اعصابي ... تبا للي كان السبب في القلق دا كلو

بس الحمدلله , ارتحت لمن شفت ملفي في البريد
وقلي تبع وحدة القبول , استني بكرة او بعدو
وبتلاقي في حسابك تبع الجامعة ان الاوراق وصلت

فـ اللي ارسلو , و ما وصلت ...
خليهم يحتفظو بيصال البريد , و يشوفو متى وصلت
ولو وصلت , يراجعو وحدة القبول بعمادة الدراسات العليا

وشفت ملفات عند الموظف , واصلة بالبريد الممتاز
وحتى الفيدكس , قلي تقدر ترسلها بأي شركة يعني

كونوا بخير
كان معكم
سمبوكي

[وهج بسمتك]

ارسلت ملفي من الثلاثاء اللي فات وعدا اسبوع ولم تصل الاوراق

كتبت على واجهة الظرف العنوان تبع عمادة القبول بدون مااكتب اسمي وجوالي ؟؟؟؟؟


اروح ارسل ثاني


بكره بروح الجامعه وبسئل عنها الله يعين

[SmBokE]

ارسلت ملفي من الثلاثاء اللي فات وعدا اسبوع ولم تصل الاوراق كتبت على واجهة الظرف العنوان تبع عمادة القبول بدون مااكتب اسمي وجوالي ؟؟؟؟؟ اروح ارسل ثاني بكره بروح الجامعه وبسئل عنها الله يعين

لو معاكي ايصال البريد , ادخلي على موقع البريد وشوفي وصلت الجامعة ولا لأ
لو وصلت الجامعة , ديك الساعة روحي الجامعة واستفسري عنها ...

بدل تضربي مشوار على الفاضي ...
وبعدين , اتوقع كتابة الاسم مهم عشان يعرفو الظرف تبع مين
بس الجوال , مو مهم كتير , و ما يحتاج ترسلي تاني ...

لأن الموظف تبع وحدة القبول , لمن كلمتو وقتها
وحسيت انو ملفي ضاع , قلتلو ارسل تاني ؟
قلي ما يحتاج , اكيد يا في البريد او عندنا

[shada_Ak]

ولقيت المفاجأة الجيدة , لقيت ملفاتي و دستة ملفات محطوطة عن البريد قالولي ايوة وصلنا من يوم الثلاثاء , و اتصلو على عمادة القبول على اساس يشيلوها وزي كدا , قام عمادة القبول الموظف المندوب في اجازة !!!!!!

ماشاء الله تبارك الله الموظف في اجازه

دا التخلف اللي في جامعتنا مدام الموظف في اجازه ليش مافي بديل

ولا بلاش حكايه البديل يوفروها يستلمو مناوله من الطلاب

بدال ما تقعد دسته الملفات كدا

والله عيب جامعه ايش كبرها مافيها تنظيم عييييييييييب

[SmBokE]

ماشاء الله تبارك الله الموظف في اجازه دا التخلف اللي في جامعتنا مدام الموظف في اجازه ليش مافي بديل ولا بلاش حكايه البديل يوفروها يستلمو مناوله من الطلاب بدال ما تقعد دسته الملفات كدا والله عيب جامعه ايش كبرها مافيها تنظيم عييييييييييب

والله لـ الأمانة , قلي تبع البريد انو في موظف تاني للعمادة
بس الموظف التاني ما بيجيهم << جا يكحلها عماها :d

جالسين يقولوا ليا , اشتكي لعميدهم وزي كدا
بس الصراحة حقون وحدة القبول ناس طيبين و متساعدين كتير
هي المشكلة , انو هم بيتواصلو مع حقون الاتصالات والمندوب
يجي من وحدة الاتصالات و يجيبها البريد و يعطيها وحدة القبول

شغلانة طويلة عريضة , وترا هرجة البريد حسب كلامو
ما جات غير السنة دي , قبل سنتين كانت مناولة باليد

واحس اني جلست هناك , ادق حنك كتير الين اخدت كل المعلومات :xd:

[راسين]

الحين صديقتي ارسلت اوراقها يوم السبت العصر ببريد مسجل
والصراحة هي خائفة ما تدري كيف تسال عن الورق في الانترنت على موقع البريد
وتتوقعوا كم يوم ويوصل
هي قالت انها ممكن ترسل اوراقها مرة ثانية يوم السبت الجاي
يعني تعطيهم فرصة