اللي درس نظم معلومات ادارية واللي حيدرسه في الصيف ممكن سؤال

[loletaaaaa]

المشاركة الأصلية كتبت بواسطة جنون انسانة هيا المادة وحدة بس انتو في ادارة اعمال بيكون رقمها غير عننا في ادارة عامة هيا نفس المادة نظم معلومات ادارية في شعبة B1 لا معاكي ياقلبي اصلا لو معاكم انا اللي رح ابكي...

كيف ماده وحده؟؟؟؟؟؟؟؟؟
يعني مافي امل انو ماتدينا هيا
واكيد بتدينا؟؟؟؟؟؟

[جنون انسانة]

بس شفنا انه في شعبتين في نفس الوقت..
يعني اكيد في لخبطة وان شالله يغيروها من شعبتنا
مو انتي حاطة في شعبة الادارة ولا؟؟

[H@nEEn]

اااامم عشان عندي بحوث عمليات كمان يعني الماده دسمه شويه

ومعايا ادارة محليه ,,وباااقي مكان وااااحد بس في شغبة نظم مع منى ..محتاااااااااااااارة :(:(

[جنون انسانة]

يعني انتي ياحنين زي انا منزلة ادارة محلية ونظم معلومات
وباقيلي مادة كمان محتارة بين اني انزل بحوث عمليات او اني انزل ثقافة؟؟؟
شوري عليا انتي كمان..!!

[جنون انسانة]

واذا تبغي تنزلي نظم الحقي على الاقل المكان اذا ماتبغيها
احذفيها بعدين. انتي عارفة ياحنين انه ممكن نكون زي بعض في كل الشعب...

[loletaaaaa]

احنامعاكي مع منى الرفاعي
امكن 10بنات
اقولك سجلي احتياط لوماتبيها السبت احدفيها

[loletaaaaa]

جنون وحنين انامعاكم بس في نظم خساره

[جنون انسانة]

من جد خسارة ياليت في كل المواد

[.,.نيــــــــــــــــــــران.,.]

ياحبايبي صح إن النظم شعبتين بس كلنا الادارة والاداب في غرفة وحدة

لوليتا نزلي ثقافة نصيحة مني ماعليك لو إنها 5 ايام اقنعي امك مااظن تلاقين مادة من 11 ل 1 والحرة مو هين ينضاف ماتدرين وش يصير يمكن تتمتلى الشعبة وللا يكتفون

حنين ضيفي النظم اتوكلي على الله وصلي استخارة

مواد الصيف أهون وأسهل من الدوام العادي والقرار بيدك حسب قدرتك

دمتم بحب

[H@nEEn]

شوفي يا عيني انا اتقصدت اني اخد مواد صعبه في الصيف عشان لا انضغط في الاترام الجايه

اخدت ادارة محليه عشان السمستر الجاي عندي 18 ساعه وهيا ضمن الخطه السمستر الجاي وما حبيت يكون عندي ضغط ومستحيييل احذفها


بالنسبه لبحوث عمليات ,,فزي منتي عارفه من متطلباتها رياضيات واحصاء,,يعني اكيد الماده دسمه ويبغالها تركيز شويه عشان كدا حسيتها صعبه واخدتها

اما الماده التالته برضو كنت زيك محتاره بين نظم وثقافه لكن قلت ,,الثقافه مااشي حالها سهله يعني وبعدين لا تنسي انها ساعتين يعني ابغا اخد 9 ساعات كامله ,,ومااعتقد في مشاكل لو اخدنا الثقافه في وقتها <<<استنتجت الحل بعد معضلة الثقافه ههههههههه

اما النظم من متطلباتها حاسب100 يعني اامم يمكن تكون يبغالها فهم عشان كداا يمكن اخدها

فيعني برايي الثقافه ملحوووق عليها ضيفي بحوث عمليات ازا بدك