الأولمبياد التي حصلت الاسبوع اللي راح شي حلو بس ليش صار فيها كذى؟!!!

[دنيا القوي فيها حكم]

مرحباً من جديد

نجي للخبر الجديد اللي جبتوا لكم واللي يدل على أن المنظمات يستاهلوا العقاب هذا بالإضافة لتصويت بعض العضوات وشاكرة للجميع لأن كان فيه ظلم

التحكيم

وهذه الأخبار أكيدة طبعاً واللي تبغى تتأكد تسئل الفرق الأخرى
في البداية أنا قلت إنسحاب الفرق الأخرى وهذه المعلومة غلط لأنه فيه فرق بين الإنسحاب ورفض المشاركة
بكل أسف أنه سبب رفض الكليات الأخرى كان التحيكم لأن المنظمات كانوا حاطين التحكيم نفس مدربات السلة يعني مدربة لفريق السلة وكمان حكم في المباراة!!! (( هذا في قانون مين؟! وفين العدل؟! )) ورفضوا باقي الكليات طبعاً كيف تكون حكم ومدربة بنفس الوقت وفي النهاية أيش التغيرات اللي عملوها بس غيروا المدربات خرجوا من التحكيم وجابوا الحكم اللي ما تعرف تحكم زي ما شفتو وتبين بعد ذلك إنها صديقة لهم ومدربة فريق السلة سابقاً (( بنات نادي جدة)) وجابوا طالبات من الجامعة مساعدات تحكيم وكمان مايعرفوا يحكموا طالعين نازلين تشجيع وبس يعني نفس المشكلة مازالوا من الجامعة عشان كذى خرجوا من البطولة مع العلم إنه فيه حكم معتمدة بشهادة وموجودة كمان والثانية عندها شهادة ومو معتمدة يعني (( لو حطوها مساعدة حكم وجابوا الحكم المعتمدة ))
ولمن قالوا للمنظمات عن الحكم المعتمد رفضوا من غير سبب مقنع
أكيد عشان يكون على قول المثل (( دِهّنا في مكبتنا))

وكمان فيه شغلة تبادل أسماء الفرق يعني لازم كل فريق يعطي للفريق الثاني أسماء اللاعبات اللي في الفريق
طبعاً أتحفظوا على أسماء اللاعبات وهذا مو من حقهم
والخبر أكيييييييييييد
يعني للآن بصراحة مو المفروض يتعاقبوا وخصوصاً أنه العدل مفقود والأمانة والظلم اللي حصل مو علينا بس حتى برى وأشياء كثيرة حصلت لمتى رح نسكت عن الظلم وعن حقوقنا مو لأني أبغى أقطع رزقهم لا والله بس أنا أبغى الإنصاف وهذا كله للإحقاق الحق
يعني لو أنتو وقفتوا معايا ضد الظلم رح نمنع هذا الشيء يصير مرة ثانية ورح ينحط كل شخص في مكانه الصحيح

واللي تبغى تتأكد تقدر تروح تسأل كلية إدارة الأعمال ودار الحكمة وكلية عفت

وشكراً للمتابعة
وأشكر كمان كل اللي صوتوا للآن وإن دل يدل على وقوع الظلم على الكثير وكمان إن معايا حق والحمد لله لأني ما ظلمت أي أحد بكلامي ومسؤولة عنه أمام الله قبل العباد

[نـ ج ـود]

الحمدلله على سلآمتكـ أختي دنيآ القوي

أجر وع ـآفيه يآآآرب ^-^

اعذريني يمكن اتأخر بالرد شويه لأنو مآفي نت عندي

<دآخله من شبكة مدري ميين وبس تقطع :p

بس متآبعه ردوودكـ وحرجع احط ردي قرييب ان شآءالله :)

دعوآتكـ يتصلح النت <حآله مسستعصييهـ:(

[دنيا القوي فيها حكم]

الله يسلمك يارب
الله يعافيك من كل شر
معذورة ياعزيزتي وأتشرف بمشاركتك
وأشكرك على المتابعة وأنتظر مشاركتك

[دنيا القوي فيها حكم]

مرحباً من جديد

اليوم جبت أخبار جديدة عن الأولمبياد
الخبر عن تنس الطاولة
كما ذكرت سابقاً أنه أقيمت مباريات تنس الطاولة بسكن الطالبات بحجة أنه لا يوجد طاولات تنس وقت الأولمبياد وقد قالت الأخت نجود أنه كان فيه تدريب لتنس الطاولة يعني أنه توجد طاولات لتنس الطاولة
والسؤال كان: لماذا أقيمت بطولة تنس الطاولة بالسكن؟!
لقد أحبت جامعتنا أن تظهر جانب ملاعب السكن في الأولمبياد وهذا شيء جميل ومقبول ولكن لماذا لم تقام بطولة تنس الريشة هناك بدل تنس الطاولة لأن ملعب تنس الريشة لم يكن مناسب لإقامة البطولة فيه وملعب الريشة الأساسي كان مجهز لعرض اللوحات والرسومات لذلك كان من الأولى أن تقام بطولة تنس الريشة في السكن
والسبب الرئيسي الذي جعل المنطمات يقيمون بطولة تنس الطاولة في السكن هو بسبب منع كلية دار الحكمة من المشاركة في تنس الطاولة بحجة أنهم أكتفو بعدد الفرق وأكرر منعوا وليس رفضوا المشاركة مع العلم أن بطولة تنس الطاولة لم يكن فيها سوى جامعة الملك عبد العزيز وكلية العلوم والتكنولوجيا فكيف كانوا مكتفين بعدد الفرق!! وهذا يدل إن أسباب المنع شخصية
لذلك أقاموها في السكن وهذا سبب يضاف إلى الأسباب الخاصة بتنس الطاولة
وهذا إن دل يدل على أن الأولمبياد كان فاشل بسبب المنظمات ((السيدات)) وأصبح مثل (( الفازة - من بعيد تشوفيها حلوة وتجذبك ومن قريب تشوفيها مليانة شقوق ويختفي بالنسبة للنفس المشاهد سحرها اللي جذبه في البداية))
يا جماعة لمتى رح نستمر بوضع الشخص الغير المناسب في المكان الغير مناسب ليش نعطي السلطة لناس ما يقدروها ولا يراعو حق الله فيها وينسوا أنهم محاسبين قال عليه الصلاة والسلام (( كلكم راعٍ وكلكم مسؤول عن رعيته ))
وكما قال أيضاً عليه السلام ((أعطي الأجير أجره قبل أن يجف عرقه)) يعني من متى صار الأولمبياد وللآاااان ماصار له أي حفل تكريم مع العلم أن الطلاب أنتهو من التكريم من زماااااااااان وللمعلومية أن كأس المراكز الأولى موجود عندهم يعني أيش يستنوا؟! يستنونا ننشغل بالأختبارات وننسى موضوع التكريم أيش رح يستفيدوا من التأخير, وهذا يدل أكثر على عدم أهليتهم لعمل أولمبياد ناجح
أي بطولة تقام من أصغر فئة (الأبتدائي) لأكبر شيء ((بطولة كأس العالم)) في النهائي بعد ما تنتهي المباراة يبدأ على طول التكريم (( ما أعرف متى رح نطٌور؟!))
وروحوا شوفوا وضع الخيمة لا تدريب ولا هم يحزنون ولاحظت شيء آخر

كان فيه مجموعة من الطالبات اللي كانو ماسكين تحكيم في الأولمبياد (( وما ننسى أنهم كمان كانوا ماسكين التشجيع)) والتسجيل وكانو دائماً بالخيمة الرياضية, موجودات هذه اليومين في المبنى الخامس والرابع وأستغربت لوجودهم مع العلم أن الخيمة مفتوحة ومافي أي دورة أو نشاط تابع للخيمة في هذه الفترة لكن سأبحث عن هذا الموضوع وأجيب لكم خبر عنه

أتمنى متابعتكم لي مازال في جعبتي الكثييييير

[.,.نيــــــــــــــــــــران.,.]

>> متابعة

[دنيا القوي فيها حكم]

أهلاً بكي أخت نيران وأسعد بمتابعتك

[دنيا القوي فيها حكم]

مرحباً من جديد

ونكمل باقي النقاش عن الأولمبياد

نتكلم شويا عن تنس الريشة واللي صار فيه (( يعني ولا بطولة رياضية للأسف كانت على مستوى مقبول من العدل لو 50% ))
الكليات اللي شاركت في تنس الريشة كما ذكرنا جامعة الملك عبد العزيز وكلية دار الحكمة وكلية العلوم والتكنولوجيا
فاصل بسيط
أبغى أتكلم شويتين عن كلية العلوم والتكنولوجيا بصراحة ماشاء الله عليهم صح مايعرفوا يلعبو لكن أخلاقهم وروحهم الرياضية عالية جداً على كل المهزلة اللي صارت من التحكيم ضدهم والتقليل من الشأن والكلمات اللي سمعوها من طالبات الجامعة ومن التشجيع مثل (( آعدين ليه ما تؤومو تروحو )) لكن ظلت الإبتسامة والأخلاق حتى بعد الهزيمة وكانوا يباركوا للفريق بطريقة رائعة جداً وسلمو على العميدة بكل فخر بأنفسهم لأنهم استمروا وأتحلو بالصبر والروح الرياضية على عكس باقي الفرق ومع ذلك ما قالو اسم الكلية إنها أخذت الثاني أبداً أو حتى قالو إنها شاركت بالبطولة مع انو من حقهم (( شايفين الفرق!! ))
على كل حال
نرجع للأولمبياد
طبعاً تحكيم الريشة كان خذني جيتك
وطبعاً أولا التحكيم كان من نفس الجامعة (( حسيت محد يفهم بالبلد غيرهم أيش حب الذات هذا يا ناس!!))
والمضحك جداً جداً جداً انو وحدة من مساعدات التحكيم تطيح الريشة وتسألها الحكم الأساسي تحسب ولا لا؟؟ تقول: والله ما أعرف هيا إن ولا آوت.... هل يعقل!!!
وأزيدكم من الشعر بيت الحكم الأساسي جالسة تحكم بقوانين قديييييمة طبعاً دار الحكمة كانو فاهمين وعلقوا إن الأحكام مرة قديمة ومن حقهم طبعاً ولا حياة لمن تنادي والأكثر من ذالك يصير خطأ معين مثلاً وما تعرف عنه شيء تقوم تتصل بالجوال على أحد يفيدها عن التحكيم المناسب!!! يالسخرية القدر
إذا ما تعرفي لا تحكمي أعطي الخباز خبزه أو جيبي اللي تتصلي عليها تحكم بدل عنك وأنتي خليكي مكان اللي ما تعرف إن ولا آوت (( شوية عدل ياجماعة )) يعني الفرق الثانية أيش رح تقول عننا
وفريق كلية العلوم والتكنولوجيا ما كانت حتى تعرف تتضرب الريشة يعني خسرت نفسها وفريقنا حاط رجل على رجل لكن وقت ما لعبت كلية دار الحكمة كسرت الجامعة تكسيييييير ليش لأنهم أصلاً يلعبو مو زي جامعتنا اللي جابت وحدة تلعب وهي أصلاً سقطت حملها قبل فترة بسيطة ياناس أيش الظلم هذا ما يعرفوا إن هذا يشكل خطر على صحتها وممكن معد تقدر تنجب بعد كذا وهذا دليل أكبر وأكبر على عدم الأهلية والمعلومة اللي أذهلتني إنها تعرف المنظمات شخصياً عشان كذا حطوها تلعب مع العلم إنها فوق السن القانوني ياناااااااااااااااااااس!!!! والله حرام كل هذا وعشان أيش اللي تسووه؟!!
واللي مو مصدقة كلامي تقدر تتأكد بنفسها
صدقوني لو إن هذا الكلام يخص شخص واحد كان ممكن سكت وما أتكلمت بس للأسف أنظلم الكثييييييييييير وهذا شيء ما يرضي أحد
والدليل على صدقني طبعاً اللي تابعوا الموضوع من البداية أكيد قرأو أنو كان فيه ردود عنيفة تتهمني بالكذب واللي أستغربته أنو كان لساهم قوي بالظلم لأنهم هاجموني من غير ما يتأكدو من صحة كلامي ولكن لو لاحظتم ما ردوا ولا علقوا أبداً وأنا متأكدة أنهم أتأكدو من صحة كلامي لأنهم ماردو وكلامي مثبت بأدلة بس اللي زعلني إنهم تأكدو إن كلامي صح... مو المفروض أنهم يقولو إن كلامك صح وأحنا نعتذر عن الإساءة اللي صدرت مننا ولا ثقيل الإعتذار على لسانهم؟! ولا لسانهم ضعيف في الحق؟! ولا ما يبغو يبينو نفسهم غلطانين لأنهم عايشين الحياة بالسب والعربجة؟! وعذراً عالكلمة بس ضايقني الأسلوب ولو أعتذروا بالعكس هذا الشيء الصح وأولاً وأخيراً هذا موقع يسمح بحرية التعبير وشاكرة له وممتنة لأنه ساعدني في إظهار الحق وإبداء الرأي والنقد البناء لما حدث في الأولمبياد وكان هدفي إحقاق الحق عشان كذا ما أهتميت لسبهم وأسلوبهم
بس المهم إن اللي متابعين متأكدين من صدقي وللأسف كل مابحثت عن موضوع الأولمبياد بالتحديد ألقى عيوب أكثر معناه إنه مليااااااااااان لسى أشياء ما نعرفها

[دنيا القوي فيها حكم]

مرحباً من جديد

طبعاً قالولنا أنه في دوري رح يسووه الجامعة لطالبات الجامعة
والشيء المضحك طلب المدربات من الطالبات أنهم يسوو فرق لأنفسهم عشان الدوري اللي يبغون يسوونه (( الطالبات يسوو الفريق فين دور المدرب؟!! راتب وبس ))
طبعاً الطالبات ما تدربوا أبداً وداخلين دوري على طول وكمان كل الألعاب!! يعني مهزلة الأولمبياد بس على ألعاب أكثر ونطاق محدود طبعاً لاتنتظروا كأس أو أي شيء لأنهم دخلوا بدوري قبل ما يكتبوا آخر صفحة في البطولة
(( الله يستر ليكون فريقين بس ))
ياجماعة هؤلاء مدربات تعطى لهم مسؤلية طالبات؟!! للتذكير هؤلاء بنات ناس يعني لو أصيبت وحدة رح يتحملو المسؤولية؟!!
يعني بصراحة وبلاش مجاملات المفروض المسؤولات اللي عندهم حس المسؤولية يتدخلو بلاش يتركوا المرعى ترعى كذى مافي مدرب واعي يدخل فريقه دوري من غير ما يدربهم أو تكون عندهم أساسيات!!! وإذا يقولو إنهم دربوا الطالبات خلاص خلوهم يلعبو لو مع فريق العلوم والتكنولوجيا بكل الألعاب عشان نشوف نتائج التدريبات المكثفة كما قالو سابقاً ونتمنى لهم التوفيق ... بصراحة مدربة السلة أتغيرت شوية أشوفها بدأت تدرب يعني فيها بذرة خير طيب مدربة الطائرة وينها ما أشوفها تسوي شي ومافي شي مهم بالخيمة يشغلها عن التدريب
وللفائدة هذا رابط قوانين سلة أتمنى يستفيدوا منها بدل مهزلة تحكيم الأولمبياد عشان سمعتنا كمان بين الكليات الأخرى

http://www.fiba.com/downloads/Rules/...lRules2008.pdf

وباقي القوانين رح أحاول أوفر قوانينها وأبحث عنها لأنها مو موجودة عندي

[من لايمنع الشر.. يحبذه]

اهلا وسهلا اختي الكريمة

بصراحة لم أكن أتوقع أن الموضوع بهذه الجدية .. وتوقعت أن الأسباب أو الأدلة التي تحمليها في جعبتك قليلة وتعد على الأصابع ..
لكن كل يوم أو يومين أجد أن هناك مشاكل وأسباب واقعية ومنطقية تحثك على كتابة موضوع كهذا ...


أرجو من المسؤولين تثبيت الموضوع حتى يتم رؤية الموضوع من جميع جوانبه الأخرى التي تريد ذكرها صاحبة الموضوع كما قالت :: (( أنها كلما أراد الإثبات وجدت مشاكل أكبر ))



وشيء آخر أريد قوله لك : دنيا القوي فيها حكم ..
مادمتي على حق .. ولسانك حق .. ولم تظلمي أحد .. فتوكلي على الله .. الله معك اينما كنت .. وجعلك جبلا لايهتز أمام كل من أراد ظلما لأحد ..

ربما تكوني أنت صاحبة الحظ الوفير في تغيير أفضل جامعة لدينا .. وأيضا صاحبة الحظ في تغيير سلوك المسؤولين الغير أكفاء ..

والساكت عن الحق شيطان أخرس ..جدا سعيدة بوجود أناس مثلك لايخافون من قول الحق ..



أفيدينا بكل جديد .. وأنا أتابع الموضوع ..

لكي مني إذا انتهيت من تجميع المعلومات .. أن أوصله لأصحاب الجهات العليا .. كي يقوموا بالإجراءات اللازمة ضد كل من قام بالخطأ ..

[دنيا القوي فيها حكم]

مرحباً من جديد

تعديل: وباقي الألعاب رح أحاول أوفر قوانينها

وشاكرة لكلماتك أخت من لايمنع الشر يحبذه التي أسعدتني

وزي ما وعدتكم جبت لكم قوانين كرة الطائرة
http://www.fivb.org/en/volleyball/Ru...xtfileOnly.pdf

وجاري البحث عن قوانين الألعاب الأخرى...