عاجل تجمع طلاب المستوى الثالث

[kfa2000]

السلام عليكم
بصراحة الدكاترة حيرونا
موقع الجامعة حاط المناهج وأسماء الكتب مع أسماء الكتاب
بعض المواد ( المحاسبة، مباديء إدارة، مباديء قانون تجاري، والثقافة الإسلامية) كتبها هي نفسها المذكورة في صفحة مفردات المواد
أما الإقتصاد الجزئي والتحليل الكمي لهم قصة مع الكتب
الإقتصاد الجزئي:
إسم الكتاب حسب صفحة مفردات المواد في موقع الجامعة :: مباديء الإقتصاد ( التحليل اجزئي) للدكتور ماجد عبدالله المنيف
لكن الدكتور اللي يدرسنا ،، معتمد على كتاب :: المختصر في مباديء التحليل الجزئي
الفرق بين الكتابين
إن الكتاب الأول فيه أشياء محذوفة ( طبعا ما عرفتها بسبب اننا ما بندرس منه)
وهذا الكتاب يشرحلك الفكرة من ناحية فلسفية ( من وجهة نظري دقيقة) ويدخل في المعادلات وما إلى ذلك
يعني لو تبغى تفهم المسألة نظريا ،، هذا الكتاب،، اما من ناحية المعادلات والدوال فهو بيشرحها كويس ،، هذا الكتاب طبعا
الكتاب الثاني إللي هو المختصر
كله معانا،، طبعا مختصر، مافي الأشياء المحذوفة من الكتاب الأول
بالنسبة لي بدأت في الكتاب الأول من قبل الدورة،، على أساس أني اراجع من المختصر بعد كدة ،، هو صحيح انك حتتعب من القراءة في كتاب الدكتور نايف، لكن تستفيد انك ما ترجع للفكرة بعد ما تترسخ في عقلك من التكرار بالتنويع.
ندخل في التحليل الكمي
برضو نفس هرجة الكتب والمفردات
الدكتور يقولك كتاب هو كاتبه ( التحليل الكمي : مباديء وتطبيقات في الإقتصاد والإدارة) تأليف د. علي حسين قدح
ومفردات المادة تقولك كتاب ثاني ( أساسيات التحليل الكمي في الإقتصاد والإدارة) د. عبدالعزير أحمد دياب و د. جمال عبدالباقي واصف
الدكتور اللي يدرسنا اللي هو نفسه صاحب الكتاب الأول شرحه سريع ،، تحس انه متفاني في التعليم لكن بالسرعة اللي يشرح بيها ما تفهم،،، طبعا كتابه كله معانا،، لأنو مختصر وما دخل في الأشياء المحذوفة من الكتاب الرئيسي
ايش عرفني إنو في شي محذوف من الكتاب الرئيسي هو ان الكتاب ملياااااااااااان
والكتابين شرحهم صعب وما تفهم منهم إلا بصعوبة،،، (( بأدورلي على مدرس))
بس كتاب الدكتور علي قدح يتميز بإنه يحتوي على طرق إستخدام الآلة في حل المعادلات ( طبعا كاتب إسم ونوع الآلة إللي بيشرح طريقتها) casio fx-991ES
ويقال إن الدكتور جمال واصف هو أفضل واحد يشرح المادة دي،،، ما تحتاج كتاب لو بتدرس عندو،، وانو حيدرس في الدورة التأهيلية الثانية فقط،، هذا ما قيل لي

أتكلمت كتير في غير فايدة بس هذا من شعوري بالإحباط وخوفي على المعدل من هذا الترم اللي يعتبر عنق الزجاجة

باقي موضوع المحاسبة وإيش محذوف منها
إليكم ملف المفردات وفيه مكتوب إيش محذوف بالتفصيل
وفيه حاجة محذوفة كمان بس ماهي مكتوبة في الملف اللي هي ( الجرد المستمر) شوفها في الفهرس وانبرش عليها
طبعا اسم الكتب وكل شي عنها تلاقيه في صفحة المفردات
أحط كل المفردات أحسن

[kfa2000]

أها
نسيت كمان مباديء الإدارة
المقرر اللي علينا
الأبواب الأول والثاني والثالث ( ما عدا الفصل الثامن من الباب الثالث)

ودمتم سالمين

وبالتوفيق بإذن الله

[Tallness man]

باقي مادة ماتطرقت لها


مبادى العلوم السياسيه نفس المشكلة لان الكتاب بالمفردات شكل

والمكتبات تقول نفس الشي لكن الله يكون بالعون من هالجامعه

[hamoode11]

السلام عليكم

ياشباب عندي مشكلة في الجدول
نازلة لي 6 مواد وماعرف هل احذف منها شيء او اخليها مثل ماهي

ياريت احد يقدر يساعدني

[ام لقمر]

شكلي داخله عرررررض لقروب كله شباب
بسسسسسس
سؤال المحذوف والطلوب لكم ...مثل البنات ؟؟؟

[قلم212]

المشاركة الأصلية كتبت بواسطة ام لقمر شكلي داخله عرررررض لقروب كله شباب بسسسسسس سؤال المحذوف والطلوب لكم ...مثل البنات ؟؟؟

أقوووووول ياليت زيـكم يا أم لقمر ما شاء الله عليكم أشوف المحذوف عندكم كتيررررررررر


بس عسا الله يسهلها ونتوفق ياررررب

[البرنس الذهبي]

القانون التجاري هل فيه شي عنه

[ابو عريب]

المشاركة الأصلية كتبت بواسطة kfa2000 أها نسيت كمان مباديء الإدارة المقرر اللي علينا الأبواب الأول والثاني والثالث ( ما عدا الفصل الثامن من الباب الثالث) ودمتم سالمين وبالتوفيق بإذن الله

الله يجزاك خير واذا فيه معلومات عندك تكفى الله يرحم واليك تخبرنا

[kfa2000]

السلام عليكم

معليش يا جماعة أمس نسيت حاجة تخص المحاسبة

طريقة القيد المزدوج
الدكتور يقول إنها ممكن تجي في الإختبار يا اما تطبيق عملي أو يحطها لك ومعاها أسئلة إختيارات
ويقول،، إنها لو جات في الإختبار بأي طريقة عملية او نظرية،، بيكون عليها من 30 إلى 35 درجة

هذا اللي فاكره و اعذروني ترى الدنيا عندي ملخخخخخخبطة،، وقت ما افتكر اي شي أكتبه



بالنسبة للزميل اللي يقول انو عندو ستة مواد وماهو عارف يحذف منها ولا لا
في أعتقادي انه ستة مواد كويس ولا تحذف شي إلا وتضيف مكانه شي ثاني،،،،، لأن كل الأترام الجاية من 6 مواد ،، يعني تحذف مادة دحين من غير ما تضيف بديل،، حتلاقي المادة تستناك في أحد الأترام الباقية وتصير 7 بدل ستة.
ادخل على صفحتك في الخدمات الإلكترونية ،، واختار الخطة الدراسية للقسم عشان تعرف ايش عندك من مواد في الأترام الجاية....
وبالتوفيق لك وللجميع

[البرنس الذهبي]

القانون التجاري هل فيه شي محذوف اتمنى الاجابة