وظائف بجامعة الملك عبدالعزيز

[جرح الغلا]

بنات انا رحت الجامعه اليوم وما حصلت أي نتيجة اول شي رحت الادارة الطبية وما رضيت الامن تدخلني تقول ابدا هنا ما في تقديم روحي الادارة العامة ( مكتب العميدة ) اذا في تقديم يكون هناك ورحت ودخلت بالقوة كمان لقيت مبنى الادارة العامة مقفل وفية اصلاحات وما فيه احد طبعا و بعدين رحت العيادة وسالت الموظفة قالت ما تعرف واتصلت تسال ( ما ادري مين سالت ) وقالت لي روحي نفس مكان تقديم الاولاد ورحت هناك والامن يقول هنا ابدا ما فيه بنات يدخلون ( الادارة العامة بنين ) ونزل ابوي يسال ما احد يعرف ما خليت احد وسالته .

عموما عرفت اليوم بعد ما رجعت من الجامعة من الاخت smile flower انه موظفات الادارة العامة بعضهم موجودين في كلية العلوم والبعض في المكتبة المركزية واللي تروح بكرة تسال هناك وترد علينا والله تعبت من اللف والدوران .

الله يوفق الجميع

[شقاوة طفولة]

ياريت يا بنات الى تروح و تعرف فين مكان تقديم البنات تبلغنا عشان نعرف لأن الى الان ما عرفنا اذا تقديمنا في نفس مكان الاولاد و له في مكان ثاني !!!

و بالتوفيق للجميع ان شاء الله...

[مادلينا]

up
لعيونكم

[sofaten]

بليز في احد من البنات عرف مكان التقديم

[مادلينا]

يا جماعة معقولة ما في أحد قدم وعرف مكان التقديم للبنات ؟؟؟؟؟؟؟؟؟؟؟؟

[قلب البحار]

سلام عليكم

يابنات اليوم رحت وسألتلكم عن تقديم البنات قالي نفس المكان اللي فيه تقديم الشباب
اناعلى فكرة شفت آباء كثير بس الله يعينهم مررة مو منظم المهم المكان زي ماهو مذكور الادارة العامة بالجامعة امام القبول والتسجيل , فالله يعين اللي عندها اخ أو ابوها يروح ويقدملها المطلوب الشهادات والخبرات والدورات وصورة من كرت العائلة او البطاقة الشخصية وخليه يجيب 4 صورة ( البنات ما أدري لازم صور او لا احنا لازم ) بس اول ياخد استمارة وتتعبأ بعدين يقدم الملف ونتيجة الفرز انشالله بعد رمضان وانتو طيبين وأي استفسار انا مستعد

ودعواتكم أخواتي لي بالتوفيق

[المستبدة]

اهلا بنات انا اليوم رحت الجامعة ولقيت التقديم في كلية العلوم مكتوب هناك للتقديم على الوظائف المعلن علنها في الجرايد ومكان التقديم قبال القرطاسية اللي في كلية العلوم دار حافظ .. اهم شي لازم تاخذوا الأصول من كل الأوراق .. موفقين ياااااارب

[sofaten]

الله يعطيكم الف الف عافية
وان شاء الله يكتب لنا فيها نصيب

[مادلينا]

المشاركة الأصلية كتبت بواسطة المستبدة اهلا بنات انا اليوم رحت الجامعة ولقيت التقديم في كلية العلوم مكتوب هناك للتقديم على الوظائف المعلن علنها في الجرايد ومكان التقديم قبال القرطاسية اللي في كلية العلوم دار حافظ .. اهم شي لازم تاخذوا الأصول من كل الأوراق .. موفقين ياااااارب

جزاك الله كل خير

وبالتوفيق للجميع ان شاء الله

[شقاوة طفولة]

المشاركة الأصلية كتبت بواسطة المستبدة اهلا بنات انا اليوم رحت الجامعة ولقيت التقديم في كلية العلوم مكتوب هناك للتقديم على الوظائف المعلن علنها في الجرايد ومكان التقديم قبال القرطاسية اللي في كلية العلوم دار حافظ .. اهم شي لازم تاخذوا الأصول من كل الأوراق .. موفقين ياااااارب

طيب في استمارة نعبيها و له بس نسلم الاوراق !!