برنامج تدريبي بـ 40ساعة تعليم مستمر ..

[بحرالبطالة]

الف الف شكر

[بنت العمودي]

الف شكر لكِ ..

بجد فرصه للمتخرجين ..

الله يوفهم يارب ويوفقنا

[الم دنياي]

مايقبلو تخصص علم الاجتماع ><

قهرررررررررر :(

[شووشوو جده]

برنامج حلووووو

[مزون عابرة]

طالبات وصلتني خبريه
انه مركز مطمئنه عندهم استعداد يعملوه بجده ولكن يبغو عدد كافي ,
يعني تقريبا 100 او 150 طالبه

بس بتصل عليهم اتأكد
ثانيا البرنامج هذا 50% نظري يعني 22 ساعه تقريبا
واحنا مـشـّبعين نظري فـ نشرط عليهم يكون فقط 6 ساعات نظري والباقي عملي
واذا رضيو نعمل تجمع ونشوف :)

وش رايكم؟

[عصامي]

الله يعطيكم العافية
البرنامج اللي في المستشفى الالماني باقي موجود اللي بـ3000 الاف ؟

[مزون عابرة]

تقريبا انتهى ,

لـكن سمعت انهم راح يعملو ثآني ,
ولسه ما تحدد الموعـد

[بيبرس 5]

الله يجزاك خير ورحم الله والديك

[إيحاء المطر]

المشاركة الأصلية كتبت بواسطة مزون عابرة طالبات وصلتني خبريه انه مركز مطمئنه عندهم استعداد يعملوه بجده ولكن يبغو عدد كافي , يعني تقريبا 100 او 150 طالبه بس بتصل عليهم اتأكد ثانيا البرنامج هذا 50% نظري يعني 22 ساعه تقريبا واحنا مـشـّبعين نظري فـ نشرط عليهم يكون فقط 6 ساعات نظري والباقي عملي واذا رضيو نعمل تجمع ونشوف :) وش رايكم؟

مزووون اتصلت عليهم وسجلوا اسمي

وقالت حديك خبر لو قررنا نعملها في جدة أولو كنا حنعملها مرة تانية في الرياض

بس لاتقترحي عليهم يقللوا عدد ساعات النظري

ارجعي اقريها مزبوووووط

وراح تلاحظي انها مرررررررا مووووهمممة

الأسبوع الأول وفيه يتم التركيز فيه على النظريات العلمية التي فسرت السلوك الإنساني والتي هي القاعدة المحورية في تفسير السلوك المرضي. الأسبوع الثاني المدخل للسلوك المرضي مع التركيز على النظريات النفسية التي فسرت السلوك المرضي والتي هي أساس الممارسة المهنية لعلم النفس ألسريري (القياس، العلاج والوقاية)، منظمناً التعريف بالأمراض والأعراض والتصنيفات من المنظور النفسي. الأسبوع الثالث ويتمركز حول التقييم النفسي بشقيه الكيفي والكمي وصولاً للتشخيص النفسي والتعاطي مع المعاناة النفسية شمولياً (conceptualization and formulation). الأسبوع الرابع ويشمل العلاج النفسي مع التركيز على العلاج المعرفي السلوكي والعلاج النفسي بتحليل التعامل (interpersonal psychotherapy) بصفتيهما من أفضل وسائل العلاج النفسي فعالية.

لاحظي إنها أشياء مادرسناها في الجامعة أبدنننننننن

ولا راح ندرسها في مكان تاني .. إلآ لو ربي راد يمكن في الماستر ولاشي زي كدا

ولاتنسي الدكاترة اللي حيقدموا الدورة راح يكونوا على مستوى عالي من الخبرة

وراجعي ايش مؤهلاتهم ..

وأساساً إحنا لازم نتشبع من معلومات زي كدا عشان لما أوقف أشتغل وأدخل الميدان العملي

أقل شي تكون عندي خلفية .. وبالتالي راح تكون عندنا ثقة في نفسنا أعلى

فكري قلبي مزبوط في الكلام اللي قلت لك

[إيحاء المطر]

المشاركة الأصلية كتبت بواسطة عصامي الله يعطيكم العافية البرنامج اللي في المستشفى الالماني باقي موجود اللي بـ3000 الاف ؟

انتا لسا مااتخرجت .. الأفضل إنك تتخرج أول

لأنو أنا باقي ترم ورحت أقدم في الأمل قالوا ماحتستفيدي من الشهادة قبل التخرج

دا النظام الجديد اللي نازل

يعني عندك أي دورة او خبرة .. قبل ماتستلم وثيقة التخرج ماحيحسبوها لك

لما تجي تقدم على وظيفة

نظام مررراااا غبي وفاشل وهمه يعيق الطلاب أكتر