إخواني أخواتي ........مشاعركم........يومين وتبدؤون الحياة الجامعية

[نبض الحيآه]

المشاركة الأصلية كتبت بواسطة مودي قود افتر نون بصراحة مافي اي حماس او نشااط هع نفسي اداوم معا اذان العصر وارجع بعد ما يسلم الاماام

لووووووووووووول لا تعليق ع شعورك يعني اذان عصر كمان مو فجر


<<<مممم بصراحه من دحين حااااسه بالتعب من الجدول

[miss doody]

خايفة مراا ومتوووترة
ومع كذ1 متحمسة ومبسوطة انو صرت بالجامعة لانو حلم وتحقق الحمدلله


اتمنى لنفسي ولكل طلاب وطالبات الجامعة
بالتوفيق

[ṓῸὁȡỊ₲]

بالنسبة لشعوري مع بقاء يوم لدراسة اقدر اقول :
50%تفاؤل مع حماس و40%توتر و10%خوف

[السندوي3]

وربي متخور ويارب وفقني وحقق امنياتي .....

[مودي قود افتر نون]

كيف نسوي اول اسبوعين كلهاا يوم مفتوح والاسبوع الثالث اسبوع تمهيدي والرابع تعارف وناخذ اجازة الحج ولما نرجع ناخد اسبوع المرور بعدو الشجرة ونصير نداوم مرة وحدة ع الترم الثاني هع >> مرا مالو نفس

[Nada YK]

اول شي السلاام عليكم جميييعا

<<< بتكتب وهيا بـ تضحك ^^ انا اقلكم ليش ؟!!

اللي متخوفة من الجامعة ( زي احساسك لمن طلعتي من المتوسط ورايحة للسانوي ) بزيادة حبتين بس

الدكاترة ( زي المدرسات ماتضمني انهم يكونو كلهم كويسين ) يعني الدكاترة + المدرسين = يبغو يعطوكي

المفيد ويعلموكي !! حنشووف الطيبة وحنشوف الفلة ووو على دا الحآل . واعتقيد على قد مانعمل حيردولنا

ازا تعبنا واجتهدنااا <<< بإذن الله ماحيضيعو هادا كلوو ^^ وحنلاقي اللي يبسطنا ويسرنا

وانا من دحيييين ( صاحبة كل وحدة فيييكم ) =) << شاطرة ترا دورو عليا خخخخخ

ياااارب يجعلها بدااية خير وبركة ع الجمييييع

[sweet apple]

مشاعري بصراحة
امممممممممممممم
احس نفسي كبرت ودخلت مرحلة جديدة في عمري من بدايت الاجازة ونا استنى الجامعه بس ماانكرخوفي وتوتري لانو شي جديد في حياتي ولاانكرحزني على ايام الثانوي وعلى صحباتي إن شاء الله تكون ايام حلوة ونعرف كيف نستغلها بالتقرب من الله والدراسه والانشطة التطويريه الله يوفق الجميع...................

[Kaira]

يا حلوين ويا حلوات ليش كل دا الخوف والتوتر @_@
ترى هية كلها سنة وتعدي زي كل السنوات إلي قبلها حتى أسلوب الأستازات في البعض قمة الاخلاق والامتياز والبعض
العكس الله يهديهم ..
انتو شدو حيلكم بس وربي يوفقكم تعدوها على خير ..
كمان أحب أنصحكم انكم مرح تقدرو تقيمو الجامعة في أول يوم أو تاني يوم أو أول أسبوع ..
ممكن تخلص السنة وتعطو تقييمكم وتقريركم الكامل عن الجامعة والسنة التحضيرية
أنا مثلا أخدت فكرة سيئة عن التحضيري والجامعة والأستازات والتدريس في بداية السمستر الأول وكانت نفسيتي
مرررررررة زفت ومو طايقة ولا شي
لكن الحمدلله انو الفكرة دي ما استمرت معاية وقاومت كل الضغوطات واللهم لك الحمد والشكر عدا السمستر الاول
بخيرو وشرو وربي عوضني بالسمستر التاني إلي كان أروع سمستر وأحلا لحظاتي كانت فيلو =) ..
فطبعا لازم تواجهو الصعب وحطو في بالكم انكم داخلين مغامرة بحلوها ومرها لا تحطو في بالكم انها بس دراسة
وضغط ومدري ايش لأنكم حتتعبو كدا لكن لو أتخيلتوها انها كمغامرة وتحدي راح ترتفع معنوياتكم بإزن الله ^^
عالعموم
ربي يوفقكم ويسهل دربكم كلكم ومن سار على الدرب وصل وكل شي يجي بالجد والاجتهاد منكم بعد توفيق من رب العالمين ..

[دموع..|]

انا خوف ع إحباط ع توتر...
خايفه من فكرة الانقلش بكل المواد وخايفه برضو من مادة الانقلش نفسها
مو عارفه شو اعمل وقت المحاضرة وكيف اكتب وافهم لاني مو من النوع ذا ,,,
وبنفس الوقت ابي تعدي هالسنة بسرعة البرق....................
يارب قل لأمنياتي كوني

[a7laa sara]

المشاركة الأصلية كتبت بواسطة moo0oog انا اول مشاركه ليه في المنتدى انا بصراحه الموضوع عندي ايزي لانها جامعه لااكثر ولا اقل ليش الخوف مدري وكمان انا ماعندي صاحبات في الجامعه اتمنى القي ليه صاحبه

اول مشاركه واحلى مشاركه يختي عليكي نفس خطتي وكل حاجه نتقابل اول يوم ونسير احلى صحبات..