شكوى من قلب محرووق.. عن السكن الداخلي للطالبات فرع الشرفية

[R O Y A L]

الله يعينكم والله ماساتكم مؤلمة . لااكل ولا شرب ولا حرية اختيار لوقت الطعام . فعلا حالتكم حاله . حاولو توصلون للعميدة او اي شخص يكون عنده حل للمشكلة وربنا يوفقكم .

[غيمة حزن]

ان شاء الله يكون في فعل مو بس كلاااااااااااام

الله يعينكم

[سندريلا العلم]

حسبي الله ونعم الوكيل
الله يكون في عونكم وينصركم

[بيكاسو]

يا اختي الله معنا فمن علينا والله حرام وش ذنب الطالبه طيب لما تروح عن اهلها وتغترب وتدرس وما تلاقي كل الظروف مهيأه لهاوالله عيب واحنا في عام 2010 وداخلين 2011 ولا اتصلح حالنا يارب بس كلامك يوصل للمسؤول عن السكن ويحس بكلامك من قلبه ويارب يوفقك بدراستك وشدي حيلك وخذي العلم واتركي الاشياء التانيه وركزي كيف ترتقي بنفسك وياااارب تنحل مشكلتك ومشكله كل الطلاب والطالبات اميييييييييييييييييييييييييين

[عضوه حلوه]

شكراً ليكم كلكم :)

من جد ردودكم تسليني وتريحني

ان شاء الله يا رب ينسمع صوتنا ويتبدل الحال

ع فكره..

انا رسلت لوزير التعليم العالي

شرايكم؟؟

[d.o.d.o]

200 ريال ياخذوها عشان السكن وليش مايكون مجانا يعني مررررررررره محتاجين

بعدين انتو عندكم نت ولا كيف تكتبو بالمنتدى>حسيت انكم بسجن ولله

الله يعينكم يارب

[خـ ج ـل]

لاحول ولاقوة إلا بالله الله يصبركم

[samara-oo]

d.o.d.o ياهلا فيك ولله النت مافي الله يخلي الكونكت ولا بعض البنات جايبيين موباييلي ومافي شبكه الله يكون بعونهم
ان شالله نحصل رد احس اكثر شي الاكل والاسعآآآآآآآر

[تشيدام]

الله يفرج همكم مشكلتكم في ضروريات الحياة مهي مشكلة سطحية بس انتو لاتنشغلو عن دراستكم وشدو حيلكم والله يعوض صبركم خير وان شاء الله نسمع اخبار وقرارات سريعه بخصوصكم زي سرعه قرار العباية

[عضوه حلوه]

امس والله بكيت
واليوم جلست ابكي!!
الوضع مره سيئ وصعب اطلع من السكن

امس//

كنت ابغى اغسل ملابسي < من اسبوعين ما غسلت

الحمام اللي جنب غرفتنا فيه غسالة اوتوماتيك لكن نحتاج توصيلتين عشان نوصلها بكهربا 220 من غرفة قبال الحمام..
الحمام فيه بس 110
للأسف،، التوصيلة الثانية خربانه < البنات يلفوا الاسلاك ويحطوها بالكهربا مباشرة!
والغرفه البنات فيها نايمين

فــ رحت للحمام اللي بالشقة اللي قبالنا فيه غسالة عادية

للأسف،، كانت بنت توها اخذت دش والماي ما يتصرف ويروح المجاري! كان يطلع بره< اترك ليكم المجال عشان تتخيلوا الفيضان اللي بالحمام!

.. وهذي مشكلة اعتدناها بهالسكن ..

فــ حملت توصيلة الكهربا وملابسي والصابون ونزلت الطابق الأول

< الله يجازيهم خير ويرحم والدينهم اللي تعاونوا معايي >

وشبكت الغسالة الصغيرة بكهربا 220 بالمطبخ
للأسف،، ولف المطبخ خربان ما ينزل منه الا ماي قلييل
اضطريت رايحة جايه اعبي ( طشت ) ماي من الحمام واحمله للمطبخ واكبه بالغسالة! 3 مرات كل مره!

الغسالة صغيرة.. خلصت غسيل ملابسي بـ 4 دفعات!
كل دفعة احمل الطشت 6 مرات! .. 3 مرات عشان الماي والصابون .. و 3 مرات عشان اشطف الملابس!!

بحسبة بسيطة مرره

المجموع 24 مره نقلت فيها ماي للغسالة بواسطة ( الطشت ) !!

وكل ما اخلص شوية ملابس احملها واركب لغرفتي وانشرهم ع منشر الملابس

والله تعبت من الركبه والنزلة ع الدرج

واليوم بكيت لانه//

اني اخلص محاضرات كل سبت واثنين واربعاء الساعة 10 ونص
الباص ما يجي الا الساعة 12

واليووم ما مشى الا الساعة 2 وشوي!! ليييش؟؟
لانه ما فيه بنات كفايه < على قولة السواق!!

مو ذنبنا انه البنات عندهم محاضرات.. او تمارين.. او ببساطة ما يبغوا يطلعوا هالوقت!!

جد قهررر