اللي حضر اليوم السبت هام

[A N G E L]

المشاركة الأصلية كتبت بواسطة tahatalal2006 عندي لك طلب صغير أبغي أسماء الكتب لكن أنا مساري علمي خطة ب تتوقع نفس الكتب ولا تختلف

شوف يا حبيبي
الجدول حقك
انا اعتقد انتا عندك مهارات اتصال
وكيمياء
واحياء
واساسيات حاسب
وانكليزي
اذا صح قولي
انا اديك اسماء الكتب او اقولك فين تروح وبكم كلها

[عذب الكلم]

يعني يا صبايا اليوم ما اختو حاجه لانه امس فرفرت الجامعه وما اخذنا حاجه ولا شفت رقعة استاذه
انا خطه ب وانشا الله ما اختو شي اليوم لان العيال جدا متحمسين وباديـــــــــــن فطمنوني ايش صار اليوم لاني نايمه في العلالي

[A N G E L]

المشاركة الأصلية كتبت بواسطة عذب الكلم يعني يا صبايا اليوم ما اختو حاجه لانه امس فرفرت الجامعه وما اخذنا حاجه ولا شفت رقعة استاذه انا خطه ب وانشا الله ما اختو شي اليوم لان العيال جدا متحمسين وباديـــــــــــن فطمنوني ايش صار اليوم لاني نايمه في العلالي

انا عارف اني داخل عرض
بس سووري ملقوف شويتين

انتي نامي في العلالي بس روحي اشتري الكتب اللي عليكي
واعتقد بكرة حتبدا الدراسة الفعلية ان شاء الله
سوري على المداخلة
ببااي

[M!ss Mojy]

انا بس السبت رحت الجامعه اليوم مارحت لان مافي شي اصلا بكره ان شاء الله بروح

بس بسـأل من وين اعرف الكتب ؟؟ عشان اشتريهم

ولا لازم انتظر الاستاذه تجي وتقول لنا

[A N G E L]

انا عن نفسي ما استنيت
قالو روحو اشترو الكتب
وعندنا لوحة اعلانات
مكتوب فيها اسم كتاب الانكلش
ولما رحت مكتبة الجامعة
حاطين ورقة فيها اسماء كتب الانكليزي والفيزياء والاحياء والكيمياء والرياضيات
ولو تبي تشتريها
تلاقيها في مكتبة الجامعة
وجرير
وفي مكتبة اسمها المريخ
والعبيكان
بس كدا
وعلى حسب جدولك
وخطتك تعرفي الكتب
لو ب اظن كيمياء واحياء وانكلش
ومهارات اتصال واساسيات حاسب << ودي اخدتها من جرير
اما الكيمياء والاحياء مو عندي لاني خطة أ بدالها عندي فيزياء ورياضيات

[M!ss Mojy]

حتى انا خطه أ نفس المواد الي عندك

يعني بكره اروح مكتبه الجامعه واشوف الكتب ؟؟

طيب يمكن الاستاذات يطلبوو كتب ثانيه

[A N G E L]

ما ادري
بس انا اخدت الكتب اللي في الجدول واللي مقررة عليا
وهيا الرياضيات واسمو كالكليس
ومرررررررررة كبيير
والفيزياء معروف اسمو فيزياء هههههههههه بس بالانكلش كل شي
واما الانكليزي
4 كتب من جرير
بس المكتبة جمب مبنى 125
اذا تعرفي اسمها الشقري اظن
والحاسب والتاني مهارات الاتصال كلو اخدتو من جرير مع الانكلش
انا حروح اليوم المكتبة تاني بتاكد انو هيا نفس الكتب دي حقت الترم ولا لا

[tahatalal2006]

طيب عادي أروح مكتبة جرير وأقول لهم أسم المواد عندي في الجامعة وهم يعطوني الكتب
وكتاب الرياضيات اللي تقول عليه أحس أنه غالي

[A N G E L]

جرير امكن فيها
انا رحت شفت الفيزياء والكيمياء والرياضيات والاحياء في مكتبة الجامعة
انا لما جيت اخد الفيزياء والرياضيات
الاتنين بس ب 250 ريال

[M!ss Mojy]

مشكوور عالافاده

وعجبني اسم كتاب الرياضيات ههههههههههههههههههههههه

الله يعيننا كل الكتب بالانجليزي بنروح في دهيه هع