مقال جميل ارجو القراءة (طالب جامعي بمقام فلبينية)

[Bandar Abdulaziz]

المشاركة الأصلية كتبت بواسطة zezo_gangsta بسم الله الرحمن الرحيم بصراحه الموضوع جدا جدا ممتاز حبيت ابدي راي في الموضوع انا بصراحه ماانكر والحمدلله يعني ندرس ببلاش وفوقها ناخذ مكافاةهذا خير من ربي بس بما انهم ماقصروا واعطونا المكافات اقلها مايقصرون بزيادة لان بصراحه من جد في ناس محتاجه للزياده ذي خاصه يعني الكتاب لها مبلغ السيارة ولها مبلغ هذا وانا قاعد في بيتي (الحمدلله ) بس لو نشوف حالة اللي مستاجر للدراسه يعني للبيت صرفيه (مستاجر وغير كذا غسل الملابس والاشياء اللي زي كذا ) وللاكل صرفيه وللسيارة صرفيه والكتب صرفيه والانترنت صرفية للهوم ورك والمتطلبات الثانية بصراحه ماتنفعه ولا تكفيه المكافاة و زي ماقلنا اعطوا الموظفين زيادة بصراحه من حقنا نطالب زي ماهم ياخذون يعني اقلها مساواة بينا وبينهم وانا سمعت ان الزيادة بتكون من شهر واحد وهي زيادة تقريبا 30% اذا ماخاب ظني (علا وعسى) وفي النهاية حبيت اكرر على الموضوع انه جدا ممتاز الله يوفق الجميع تحياتي

لك التحية أيضا عزيزي

[Bandar Abdulaziz]

المشاركة الأصلية كتبت بواسطة nooodh2011 السلام عليكم ورحمة الله وبركاته كل سنه وانتم طيبين والله الموضوع مرررررررررره حلو الله يديه العافيه اللي كتبه واللي نقله جزاه الله الجنه بصراحه خلونا واقعيين شوي والله لو زادو المكافات ان الدكاتره لينجلطو وغير كذا علموني وش استفدنا من الزيادات اللي تجي الشعب غير الغلا انا افضل يخلون المكافأه زي ماهي لكن الكتب تكون مجانيه ويخلون مكافائتنا بحالها لان في عوائل اللي معيشها المكافأة والمفروض الطلاب والطالبات لمن يسجلو الجامعه تاخذ منهم استبيان عن حالتهم الماديه واللي يحتاج تنزله مع المكافاه زياده لان حرام كل الطلاب ياخذونها في طلاب محتاجينها اكثر وجزاكم الله الف خير وهذي وجهة نظر ويارب تتطبق

وياك وكل مسلم إن شاء الله تحلم يتركون الكتب مجانا ولى زمن توزيع الكتب المجانية أصلا هم صرفوا مكافأت ألا عشان الكتب
وترا فكرتك جميلة اتمنى ان ترى النور قريبا

[Bandar Abdulaziz]

المشاركة الأصلية كتبت بواسطة سراج منير أنا في رأيي يخلوا الكتب مجانية

هم ماسمعوا رأي وزارة التعليم العالي عشان يسمعون رأيك ولا رأي فلان وعلان

[Bandar Abdulaziz]

المشاركة الأصلية كتبت بواسطة بريد الاحساس أنا ضد الكاتب ... الدوله تصرف ملايين على الطلاب ... أحس ان العبء عليها كبير ... شوفوا الدول الثانيه كيف تسوي في الطلاب ... مثلا أمريكا ... " أغلب الطلاب الجامعيين يشتغلون عشان يوفروا سعر الكتاب " يعني نحمد ربنا تجينا المكافآت من غير تعب ... واللي يبغى زيادة ... ممكن يشتغل ... وجهة نظر ...

أكتفي بما رد به أخويj-wolf

[Bandar Abdulaziz]

المشاركة الأصلية كتبت بواسطة j-wolf السلام عليكم ورحمة الله وبركااته بصرااحا أهني ها الكااتب والله بصراحا كلام ماهو خيالي كلام من الواقع واقتباس ما نحن عايشين عليه أهنيكـي اني والكاتب وشكورين على هيك مقالات فرداسكو مع احترامي الشديد لو اتكلم عنك صفحه ما تكفي أٌأقرأ زي الناس وبعدين اهرج ولا اقولك وفر هرجك احسسن الكاتب ما بيتكلم عن الاختصار ولا قال لا تصرفو كثير يا طلاب الجامعه بيتكلم عن ازمه ماليه وواقعيه بنعيشها واتكلم عن كل وقارننا بخادمات فلبينيات اوك ثانيا وزارة التعليم العالي يا حبيبي ماهي بخسرانا ريال واحد ولا تجلس تكتب ميزانيات انتا ما تدري عنها وتحسسني اننا في بلد فقير

العفو عزيزي ياعيني على الناس الفاهمة ماشاء الله لاحول ولاقوة الابالله
ارفع القبعة لشخصك الكريم واشكرك على الردود الملجمة على بعض الناس أثناء فترة غيابي عن الموضوع

[Bandar Abdulaziz]

المشاركة الأصلية كتبت بواسطة بلاسس مقال جميل سلنت يداك ولكن لم لم يتناول الكاتب معانة طلاب وطالبات الانتساب ايضا نحن نمر بظروف قهرية ندفع كل سنة 6000 ريال مجموعة سنوات الدراسة 30000 اضرب في 3000 طالبة يسوي 90000000تسعة مليون ريال سعودي

الله يسلمك شكرا على الأطراء بامكانك أختي مراسلة الكاتب لمناقشة معاناتكم عبر خدمة البلاك بيري الرقم مايحضرني للأسف اطلعي على جريدة الجزيزة وتشاهديه تحت المقال
كان الله في عونكم

[lujain.alsagh]

ya5do al 840 w m8ablha y7trmo al6alb bs ...

[بلاسس]

شكر موضوع يستحق القراءة ممكن لو سمحت ايميل الكاتب حتى يصبح على تواصل مع الطلاب والطالبات
اتنمى اخي ان تنزل موضوع عن معانة الانتساب من مقالات الكاتب

[ψ ĹűĉifẽЯ ψ]

بـ صرآحة بـ أقول رأيي و أتمني مآ أحد يزعل .. العآلم يتدينون عشان يدرسون .. و أنتم تدرسون و تأخذون مكافآت و كل شي .. و المطعم الجامعي بـ 5 ريآل .. اللي بيستخدم المكافأة صح بتكفيه .. و بعدين ترآ زيآدة المكآفئة مآ هو شيء سهل ، الدولة تصرف ملآيين على المكآفئة إذآ كآن بس " عزوز " تصرف شهريآ لـ طلآبها مآ يقآرب 35 مليون ريال .. .. تبقى وجهة نظري .. خآلص تحيآتي ..

اخي، المملكة دولة غنية وشعبها قليل. 35 مليون لا تعتبر شيء بالنسبة لها. أين المشكلة في زيادة المكافئة؟ إذا كانت في ان الدولة لا تستطيع، هذا ليس صحيح، أما إذا كانت في أن الدول الأخرى لا تعطي، فهذه ليست مشكلة. ولو قارنا في ماتعطيه مملكتنا وماتعطيه الدول الأخرى، صدقني ستخسر مملكتنا. أخي الحبيب، المكافئة وجدت لتكفي حاجة الطالب وتجعله متفرغ تفرغاً كاملاً للدراسة.

[_OCTOBER]

لالا اسمحلي اخي الكريم
يقلك المثل ارضى بقدرك لايجيك اقرد منه
سواء زادت المكأفأه او مازادت- الحمد لله ع كل حال ع القليل والكتير .......لاتسئل او تستنى زيادة من احد
بدل ماتضيع وقتك بالحن -زيدو المكافأه زيدو المكأفاة قم اشتغل وطلع قرشك بنفسك او اصبر وشد بدراستك وربك ادرى
الناس بتدرس وتشتغل وتتخرج باوضاع الله لايوريك وساكتة ومستورة والكل صابر

اما تقولي
840
ياعمي نعمة وتفك ازمه اخذها واحمد ربي لانه في غيري مو محصلها
تقولي فلوس كتاب ومدري ايش شكله؟
ارجع اقولك غيرك محصل لقمتة بالقوة ويطق الثلاثة والاربعة الاف بالترم بالديون والشحتة وهو يقول ياكريم ...وكله يهون ع العلم
وناس تقول اعطونا زودونا

ولو تجي ع الحق
لوكانت في زيادة المفروض تروح للاخوننا اللي بلانتساب
هم احق مننا ...ولاكيف؟


وجهة نظر مخالفة


-------------

طالب جامعي بمقام فلبينية

حتى العنوان مؤسف بصراحة ..