متى تنتهي ظاهرة احضار الاسئلة للقاعات ياشباب عيب والله مالها داعي

[zakaria_asere]

للرفع للتذكير لعل وعسى

[غريب 2000]

والله يازكريا يوم الاحد ...نفس الطريقة واحد بورقة الاسئلة يتمشى داخل القاعة...والمشكلة الاختبار جاء مطابق له تماما..هل ذهب الحياء

[abusami39]

للاسف ماراح تنتهي لان بعض الطلاب مايفكر الا بنفسه واليوم باحد القاعات اغلب الطلاب معهم الاسئله ويكتب الحل على الطاوله ماهو فاضي يذاكرها

[zakaria_asere]

وش ذا واحد يتمشى بالاسئلة في القاعه والثاني يحل على الطاوله طيب وش الحل
يصراحه الله يعين الدفعات الجديده شكل الامور بتتعقد عليهم

[غريب03]

بصراحة البارح ان يوم شفت الشباب الي في اول القاعة حز بخاطري شيئين
الاول \ النموذج متوفر ولم تصلنا نسخه منه بشكله الأصلي
والثاني \ طريقة وجودها بهذه الطريقة بملاحظة الجميع ، وقلت الله يستر مايشوفها أحد واحد حطها بعد ماخلص منها في اول القاعة والثاني في آخر القاعة .
وش بيصير وضع الاختبار لو تم ملاحظتها وموقف مدرس الماده المحرج

بس مقدر اقول إلا ياقلب لا تحزن

.

[ابو سيف 11]

هذا المفروض انه يحرم من الماده او يعطى صفر

ياخي في كثير ناس زيه الله يصلحة

[فهد العنزان]

الحل تتبنى إدارة الجامعه تطبيق نظام جديد اعتبارا من الترم القادم المنع التام من البوابه في كل مبنى هذا الحل النهائي وبلاش حركات الطلاب الي ماله داعي مرررررررررة الترم الماضي اختبرت وتعمدت تغير كل قاعد بكل اختبار ولقد شاهدة بكل قاعه الكثر من الطلاب الغير مبالين امام الدكاترة أو المراقبين في القاعات ........... الله المستعان
الحل يا أخوان المنع من قبل إدارة الجامعه بالتعاون من الآمن في المبنى من بوابة الدخول وسوف تنتهي هذه الظاهرة بأذن الله .
موفقين

[zakaria_asere]

المشاركة الأصلية كتبت بواسطة فهد العنزان الحل تتبنى إدارة الجامعه تطبيق نظام جديد اعتبارا من الترم القادم المنع التام من البوابه في كل مبنى هذا الحل النهائي وبلاش حركات الطلاب الي ماله داعي مرررررررررة الترم الماضي اختبرت وتعمدت تغير كل قاعد بكل اختبار ولقد شاهدة بكل قاعه الكثر من الطلاب الغير مبالين امام الدكاترة أو المراقبين في القاعات ........... الله المستعان الحل يا أخوان المنع من قبل إدارة الجامعه بالتعاون من الآمن في المبنى من بوابة الدخول وسوف تنتهي هذه الظاهرة بأذن الله . موفقين

هلا بشيخ المنتدى بشرني كيف اختباراتك
عموما اعتقد ان الحل اللي ذكرته رائع وش الفرق بين الجامعه والثانويه يااخي في الثانوي الطالب مايدخل المدرسه ومعه المذكرات المفروض الجامعه توقع تعهد على الطالب بعدم ادخال اي اوراق للقاعه

[غريب03]

ياجماعة الخير ..
تراكم بتضرون انفاسكم اذا زاد الامر عن حده انقلب ضده
وبتضرون الناس الي بعدكم يستفيدون من الاسئلة
ان اشوف الوضع ماصخ واجد الاسئلة موجوده في القاعات بدون ان يكلف نفسه يخفيها بوضع كتاب فوقها او يقلبها

وياقلب لا تحزن

[عبدالرحمن هليل]

الله المستعان
يوم الخميس اختبرنا ادارة الجودة الشاملة وفيه واحد جالس في الصف الاول في بداية الفصل وفي النص واخونا في الله قاعد يقرا الاسئلة بكل ثقة وجاء بعدها الدكتور بيوزع الاوراق والله قعد يطالع في الاسئلة اللي في يده ويطالع في الاسئلة اللي مع الادمي ........ وبعد ماسلم الورقة ما اخذ ورقته معاه خلاها في القاعة ومشى