مــبــروك للـصيــادلة الــجـدد .. ~

[مشمشانا]

كانو سمعت الاكل مني هههههه

لا تخافي من الفيران دحين السنة دي مافيها فيران
و المشرحة مافي مشرحة حقيقة لنها خربانة بس راح يجبو رجل و يد و عظام بس ما تخوف شوية تقرف
و بالنسبة للهدوء اللي عندنا نتيجة انو كل الكليات الصحية ماعندهم الا بريك وحيد من 12 ل 1 باقي الوقت كلو محاضرات فما راح تلاقي احد يتمشى او فاضي وقت المحاضرات

[THE HILL]

مشمشانا احسسك زيي تخافي من الدم وفيران ومدري ايش


يب الاكل منك يختي والا ما نستاهل



يلا وربي مرا متحمسين نشوفكم ان شاء الله

[Qotaiba HBK]

المشاركة الأصلية كتبت بواسطة مشمشانا و المشرحة مافي مشرحة حقيقة لنها خربانة بس راح يجبو رجل و يد و عظام بس ما تخوف شوية تقرف

دقيقة ايش اللي رجل ويد وعظم ومدري ايش ذحين اللي اعرفه كل تعاملنا مع الجرذ < ترى لسى ما استوعبت الهرجة

س/ انتوا قد شرحتو في ثاني ( يا ثالث ) .. ؟

[ريحانة المصطفى]

آخ بس
نفسي أكون زيكم متحمسه بس ماني قادره
صحيح مقتنعه بالصيدله بس مو راغبه يكون تخصص ليي بس هذا الله كتبه ليي وأدري فيه الخير ليي
أحاول أرضى فيه ساعات القى روحي راضيه وبواصل وبكمل وببدع بالتخصص وساعات أقول بأسحب
ماني عارفه شسوي !!

[rarba]

المشاركة الأصلية كتبت بواسطة qotaiba hbk دقيقة ايش اللي رجل ويد وعظم ومدري ايش ذحين اللي اعرفه كل تعاملنا مع الجرذ < ترى لسى ما استوعبت الهرجة س/ انتوا قد شرحتو في ثاني ( يا ثالث ) .. ؟

شوف, اناتومي يعني تشريح, من دون جثة, ما صارت, المشرحة يعني المكان المخصص حق الجثث اللي تشوف زيو في الافلام, بس السيل خرب الفريزرات وكل شي,
المهم, هما (الدكاترة) صاروا يجيبولنا اجزاء من الجثة على حسب كل محاضرة ايش حناخذ فيها, وترى على فكرة انت بس تشوف وتسمع (وتشم ههههه) بس ما تمسك بيدك الاشياء وتشرح.
وسنة ثانية مافيها فيران, الفيران في سنة ثالث اظن (الله يستر, قرف)

[ميعاد]

المشاركة الأصلية كتبت بواسطة qotaiba hbk دقيقة ايش اللي رجل ويد وعظم ومدري ايش ذحين اللي اعرفه كل تعاملنا مع الجرذ < ترى لسى ما استوعبت الهرجة س/ انتوا قد شرحتو في ثاني ( يا ثالث ) .. ؟

ماادة الاناتومي لها معمل , تنزلون تتعرفون عالاعضااء مااتشرحوون بنفسكم ..

احنا كنا نتفرج عالدكتوره وهيا بتوورينا هههه حتى كنا كل وحده جااالسه تقوولنا لييه مااتقربوا مااتبغوا تتعرفوا ..

الفار مااحتتعاملوا معاااهم ابدا في ثااني , احنا دحين حيكون عندنا الله يستر بس <<<

[ميعاد]

هههههه ابرار نفس الاراااء

[rarba]

المشاركة الأصلية كتبت بواسطة ميعاد هههههه ابرار نفس الاراااء

هههههههههههه من جد نضحك, شكلنا اتحمسنا

[ميعاد]

المشاركة الأصلية كتبت بواسطة ريحانة المصطفى آخ بس نفسي أكون زيكم متحمسه بس ماني قادره صحيح مقتنعه بالصيدله بس مو راغبه يكون تخصص ليي بس هذا الله كتبه ليي وأدري فيه الخير ليي أحاول أرضى فيه ساعات القى روحي راضيه وبواصل وبكمل وببدع بالتخصص وساعات أقول بأسحب ماني عارفه شسوي !!

كل امر الله خيير , ممكن دحيين انتي تسألين نفسك يااربي اش هو الخيير..

لكن صدقييني مع الايااام بتقووولين الحمدلله انو انقبلت وصدقيني حتحبينها <<<

بس دحين صلي لربي واستخييري , عشااان الله يريح قلبك ..

والصيدله متعه صدقييني اعطي نفسك فرصه وابتسمي ..

خليييك رااضيه بالقدر , واتفااااائلي ...

[rarba]

المشاركة الأصلية كتبت بواسطة ريحانة المصطفى آخ بس نفسي أكون زيكم متحمسه بس ماني قادره صحيح مقتنعه بالصيدله بس مو راغبه يكون تخصص ليي بس هذا الله كتبه ليي وأدري فيه الخير ليي أحاول أرضى فيه ساعات القى روحي راضيه وبواصل وبكمل وببدع بالتخصص وساعات أقول بأسحب ماني عارفه شسوي !!

اولا يا عزيزتي, مافي احد 100% فرحان , او متحمس 24 ساعة, حتى اللي دخلوا رغبتهم, هية الحياة كدة, تقلبات, كلنا نمر بمراحل نفسية مختلفة ونتخيل لو انو احنا كنا في مواقف مختلفة كان حيصير كدا وكدا وكنت حاكون كدا وكدا.....لكن في النهاية, لازم الواحد يؤمن باللي اختاره ربنا ليكي, وترى ليكي خيارات مختلفة, تقدري تكملي, وتقدري تخرجي, حطي في بالك انو انتي دايما ليكي الخيار, ومنتي مغصوبة على اي شي, وكوني واثقة بنفسك اهم شي, وخذي الموقف اللي انتي فيه بروح التحدي, انا اقدر اصير احسن في دا المجال,واثبت لنفسي قبل غيري انو تفوقي في هذا المجال يكون ناتج عن حبي له كمان<<هذا مثال, وانا الصراحة أؤمن بيه, ولا تستبعدي الشي دا فهو ليس مستحيل,,,(لانه انا باقول عن تجربة, مع وحدة من المواد تعتبر اصعب مواد السنة واتحديت نفسي وجبت فيها والحمدلله اعلى علامة, مافي شي مستحيل, اظن انا الوحيدة اللي صرت احب هذي المادة ههههه)
افتكري قوله تعالى:
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}
وشوفي هذا, فيه كلمات حلوة