انطباعكم عن اختبار نظرية التنظيم والله قاعدين ندعيلكم طمنونا ...

[سلطان مباركي]

تكفى اللى قدر ياخذ نموذج أ ينزلها بسرعه عني حطيت 19 صح و11 خطأ والظاهر أني حاملها

[ابـ ريان ــو]

المشاركة الأصلية كتبت بواسطة %وجهة نظر% الله كريم ويوفق الجميع بانتظار ابو ريان يجيب العلم الطيب وهو عادته اول ما يطلع من الاختبار يخش المنتدى قبل يركب سيارته (( انتظرك بالشقه يابوريان وياليت تجيب معاك عشاء اليوم انا مغديك لوزين )) مشكور اخوي سمني بنفسك وموفق في كل امورك

غديتني اندومي وانت الصادق وانا بعشيك من البيك

هههههههههههههههههههههههههه

[صقر الشمال]

الحمدالله والشكر اولاً
بالنسبه الاسئله اسهل من العام الماضي وهذ يدل عا دكتور الماده العام الماضي كمال فلمبان
وعتقد تغير السنه هذي في فرق واضح
طبعاً انا نموذج أ وعتقد الكل شاف الاسئله مافيها تعقيد كثير اللي مذاكر جيد براحه يعديها
الله يكتب للجميع النجاح يارب
وفي النهايه اكرر الشكر الخاص الي الاخ رائد ماقصر ودعيلك من القلب
اخواني فكرو في مواد بكره افضل من كثر النقاش بدون فائده

[msk207]

المشاركة الأصلية كتبت بواسطة zanetti للأمانة كانت الأسئلة سهلة جداً + مكررة من أسئلة سنوات سابقة ,, ودكتور المادة هو ياسين شعبان وهو من وضع الأسئلة وليس كمال فلمبان ,, باختصار من راجع نماذج الأسئلة للسنوات السابقة لنظرية التنظيم سوف يحصل درجة عالية بإذن الله ,, الحمد الله والشكر الله ,,

اتوقع الدكتور عدنان بالخيور هوة لي حط الاسئلة

[جنتل]

الأسئله مكرررررره لأسئلة الاعوام السابقة
الي ذاكر الأسئله الي نزلت بالمنتدى بدون مايذاكر المذكره بإذن الله اموووره طيبه

[Nabil h]

الحمد لله كانت جيدة

[mast]

الامور طيبه والله يوفقك اخوانا الباقين

[فهد بن سعيد]

نموذجي أ , بالنسبة للصح والغلط كان عندي 12 صح و18 غلط . نبغى العلم الاكيد

[منتسب داهية]

اخواني السلام عليكم ورحمة الله :-
أما بالنسبة لاختبار اليوم والله كاان سهل بالمره حقيقة ,,, كانت اغلب الأسئلة من الترم الماضي خاصة اذا جينا للأسئلة اللي من 30 اللى 50 لنموذج أ ,, الله يجزاه خير الدكتور وبيض الله وجهه من هو فهو والله انه لحية غانمه ,, ماقصر مع الطلاب ,, واللي ما قرأ الأسئلة حقت الأعوام السابقة وش يبغى الدكتور يسوي له .. كلمة حق بأقولها الدكتور ما قصر ,, أسئلة مكرره .. يعني لو ماقريت غير الأسئلة أتوقع تعدي .. والسلام عليكم

[أسير سدير]

أسئله حلووه ... ومكررّه من الاعوام السابقه بنسبة100% ... حتى الخيارات مكرره بالحرف الواحد ..
ماقول الا الله يوفقّه دنيا واخره ..