::] ظهور عَلني [::

[* تركي *]

/




- ههههه ، خل نعلق بخور العيدان القديم











::

[تـفـاااحـه]

^^^


يا بابا دا البخور ما ينفع اخاف ينسطلو علينا ونتورط روح غيرو ...

جيب من داك البخور الى فيه مستكه وحاجات كدا زرقا وحمرا ومرسوم فيها عيون ومدري ايش ..

[صوت الفجر]

^^

ولايهمك إللي تطلبيه أهم شي تكون القصه مُخيفة وماتخليني أنام





..

[نــورهـ]

^^

- أهم شيء ما تنامي !! قوية ماشاء الله عليك يا صوت الفجر ،،

- ننتظر الحكاية متوسطة الرعب :)،،

[* تركي *]

/

المشاركة الأصلية كتبت بواسطة تـفـاااحـه ^^^ يا بابا دا البخور ما ينفع اخاف ينسطلو علينا ونتورط روح غيرو ...

- هههههههه. صدقيني تعودوا عليه ، والي ما قد جرب صح رح ينسطل بس بيعوّد يحضّر نفسه ههههه.




::

[الصقر 02]

ـ عن سعد بن أبي وقاص قال : قال رسول الله صلى الله عليه وسلم :
" يا ابن الخطاب والذي نفسي بيده ما لقيك الشيطان سالكاً فجاً قط إلا سلك فجاً غير فجك "

انّــه عمر - رضي الله عنه -



ــــــــــــــــــــــــــــــــــــــ

من القصص

أحد أعمامي في الديره يقول كنت راجع للبيت في الليل
يقول يوم قربت من البيت والا ذاك الخيل ( الحصان ) يمشي جنبي والديره ما فيها خيول
يقول ما تعوذت من الشيطان ابغى اشوف وش عنده << مرووق
يقول أبد يمشي جنبي وانا بالسياره الين وصلت البيت ويوم وصلت ما كأن ربي خلقه

ـــــــــــــــــــــــــــــــــ

وجرت العاده عندنا انك اذا خلوت الدهر يوما وجاك حجر فلا تخاف
أرم حجر عادي تراهم الحين مروقين ويمزحون معاك


واقروا المعوذات وآية الكرسي
وحكّوا سنونك لا تعيب وروسكم لا تشيب

[m!Ss.7lawa]

تركي .. مع نفسك هآآ

تفآحة : هوآإ إنت بآقي مآشتشتي .. هههههههه مآشآء آلله عليك حتى آلبخور آللي يحبوهآإ

تعرفيهآإ ..

تركي هوآإ إنتو لسى تعرفوآإ دآإ آلبخور آلله يذكروآإ بآلخير يآآآآه عليه من عآم جدي شرشف ع قولتهم

[* تركي *]

/



- طَيب أنا بحكي لي شخصياً ، وحصلت معي قريب ، يمكن بالحج. أنا عادة أنام بالدور الأول وعادة مايكون معي حد الشقة دوم فاضية. المهم ، هذه الشقة معروفة فيها شيء فيها حس خفي ياما تضيع علينا اشيا فيها وياما اشبك شاحن الجوال بس اطلع فوق اشرب موية ارجع احصله مفصول وزي كذه يعني. وقتها كنت نايم وسبحان الله كن حد صحاني ، صحيت مفجوع بنفس الوقت بنفس الوقت الي انفتح فيه باب الغرفة بشكل بطيء وطلع صوت صرير متقطع. الشقة كلها مظلمة بعد ما انفتح الباب على طول الحمام بالجهه الثانية اشتغلت لمبته !!. والله يا جماعة حصل معي هالموقف ، قمت طفيت لمبة الحمام ورجعت قفلت الباب وكملت أحلى نومة




::

[صوت الفجر]

//

ماشاء الله الصقر تحت الطلب

يرمون حجاره ماشاء الله يعرفون يمزحون
طيب محد فيكم صًورهم ابغى اشوف




..

[تـفـاااحـه]

اوووووووووووووووووووووك ...


بسم الله نبداء ...






ترا والله والله والله ما بكدب والي ناوي يقولي خرطي من دحين يقلب وشووووو ...

^^^
بمزح طبعا




المهب قبل كم سنه عمتى كانت ساكنه عندنا بنفس الحي بس الشارع الى ورانا ...
وكنا يومها رايحين عندها زياره .. واحنا دوبنا نازلين من السياره عند المدخل وفجاء اسمع واحد يصرخ صريخ مو طبيعي ويقول اوووومي اووومي الحقو على يا ناس .. زي الى مايتلو احد .. وربي صريخ من قلب .. وانا صرت التفت حولين نفسي ابا اجيب مصدر الصوت مو عارفه لانه كان مرا عالي .. ولقول لاهلي سامعين شي وهما ولا هنا ولا حد داري ويقولو لاء .. وانا احلف واقسم وهما لاء ...


المهم طنشت وطلعت عند عمتى وحكيتلها بالي سمعتو وبرضو اهلى مصرين انه ما سمعو شي ..
وانا وربي وربي ليومكم دا فاكره الصوت يرن بادنى ومستحيل اكون بحلم ..
المهم عمتى فهمت ولفت الهرجه وضيعتنى ونسيت ..




وبعدها بكم سنه عمتو نقلت من البيت وقالتلنا الحقيقه انو اصلا الشارع الى فيه بيتها كان معشعش منهم .. ومبهدلينا حتى بالبيت لدرجة تكون لحالها ساعات وتسمع خبط ورقع بالمطبخ تروح تصرخ فيهم وتقول بس خلاص اهجدو ومن دي الحركات .. لمن مره كانت هيا وعمتو التانيه سهرانين وفجا من عند الباب يقولو شافو راس غريبه تطل عليهم الى خلتهم ينقزو من مكانهم ...













بس ما خافو لانهم اصلا من الناس الى تشوف ... الحمدلله ما طلعتلهم ولا كان زماني انهبلت ..