بناااااااااااات لازم نحتج !.....

[سـارونهـ]

لا حبيبتي مو الكل يرضى يعدل الدرجات
في بنت معايا في شعبتي جابت في الثقافة 6 لأنها ضللت النموذج غلط

ولما طلبوا انهم يغيروا لها الدرجة قالو مانقدر خليها تتحمل غلطتها

بالله هذا مو ظلم

يعني ايش ذنبها إنها ضللت غلط يمكن ماانتبهت

لكن مانقول إلا حسبي الله ونعم الوكيل
وبيلقوا حسابهم يوم القيامة

[روووني]

في هذا مررره حرااام وظلم انهم مايرضو يعدلو الدرجه لانها ممكن تكون مع رجه الاختبار ورجه المشرفه ماانتبهت للنموذج بس هذا ترا من ظلم الاستازات مو من ظلم التصحيح الالي
قبل كم سنه كانت اختي في الكليه وكان تصحيحهم يدوي كانت شاطره ماشالله عليها وتحل بس كانت درجاتها واطيه مررره لانهم كانو طالبات مررره كتير كانو مايصححو الورق الاستازات والله لدرجه انو في اختبار مادخلتو كان عندها ظروف وراحت اليوم اللي بعدو تعطي العذر للاستازه لقت مكتوب جنب اسمها انها جابت 15 من 30 هي كيف جابتها وهي اصلا ماحضرت الاختبار وكل صاحباتها درجتهم اقل منها وبعدين كيف مداها تصحح الاوراق وتطلعها على طول اليوم اللي بعدو حتى لو كانت سوبر وومن مامداها
فأنا عشان كده ادعم التصحيح الالي واشوفو اعدل بس يبغالو تركيز واهتمام كبير وشديد

[سـارونهـ]

صح انا معاكي في انه التصيح الألي عادل
بس هذا مايمنع انه ممكن يغلط
إذا الإنسان يغغلط كيف آلة ماتغلط

وغير كذا في استاذات مايرضوا لنا نشوف اوراقنا
يمكن نكون حلينا صح بس ضللنا غلط .. صح ولا لاء

في احتمالات كثيرة
ولازم الأستاذات يهتموا بالموضوع
مو يسووا اللي يريحهم على حساب درجاتنا

وبدين بيني وبينك أن احس نظام السنة التحضيرية
أخس نظام طبقوه في الجامعة

الله يعدي السنة دي على خير

[روووني]

هوا مو اخس نظام وبس هوا الاخس نظام
وبعدين ليش الاستازه ماترضى توريكم الاوراق ؟؟
والله احنا الحمدالله كل استازه ترضى تورينا اوراقنا
ازا مارضيت روحو لرئيسه القسم لانو غصبن عنها تجيب الاوراق مو براحتها

ياويلهم من ربي

[سـارونهـ]

انتي عارفة عندنا أستاذة التحليل الكمي
نروح لها وقت ساعاتها المكتبية مانلقاها
وتقول لاأحد يجيني يقول أبغى اشوف الورق
مع انها هيا رئيسة القسم
يعني نروح نطلب الأوراق من مين .....؟
مو شي يقهر

يختي الله يستر علينا من جد نكبة هذه الجامعة
الله يستر لايطلعوا نظام تاني ويطلعوا البنات برا الجامعة

بحجة ايش ... مافي مكان
ليه قاعدين على قلوبهم
مو الكلاسات فاااااااااااضية

وبعدين هما بس يدوروا اي شي عشان يكرهوا البنات في الدراسة

الله يعين بس

[روووني]

احنااستازه التحليل الكمي حقتنا شرحها صح على قدها بس ورت البنات اوراقهم
وفي بنت غلطت في رقم النموذج وجابت10 وراحت راجعت ورقتها طلعت 28
على طول غيرتلها الاستازه الدرجه
انتو مين يدرسكم؟؟

[سـارونهـ]

احنا تدرسنا
أستاذة نسرين البنوي

[فرفوووشة]

المشاركة الأصلية كتبت بواسطة روووني يا بنات لا تسيرو سلبيات ليش انتو كده بس تغلطو الجهاز والاستازات ليش ماتعترفو انو الغلط منكم اما مازاكرتو مزبوط

طيب ايش رايك رحت كلمت الدكتوره ابغى اراجع ورقتي في التحليل لاني متاكده من حلي
تقول عندي ورقه الحل حقة التظليل!!!! يعني بالله ايش ابغى فيها؟
حسبي الله عليهم وبس

[روووني]

بصراحه انا الحمدالله مامرت علي ولااستازه زي كده
الله يعينكم طيب ليش ماتروحو تشتكو يمكن يفيد فيهم حسبي الله عليهم
احنا كل وحده تبغا تشوف ورقتها على طول يوروها اياها نموذج الاسئله والاجوبه حقتها ونموذج مصحح
والاستازه كمان توريها وين غلطها وكيف الحل الصح

انا في كلامي اللي قلتو مااقصدكم انتو اللي لكم مواقف مع الاستازات لاني حاسه انك زعلتي من كلامي
انا اقصد اللي يدخلو ويرمو الغلط على الجهاز المسكين ولا على اي شي زي كده لانو بجد انا اشوف اشكال و الله الحمد
يعني مثلا زي اللي تقولك اختبار الانجليزي في غلط في التصحيح
من سابع المستحيلات انو الجهاز يغلط وازا في غلطه صدقيني حتكون من الشخص نفسو مو من الجهاز لانو مبرمج على كده وبعض الاغلاط اللي الشخص يوقع فيها مثلا ماحدد النموذج صح او لخبط في الاجابات او ماحدد الاجابه صح
وكل الاغلاط دي الجهاز مالو فيها اي دخل
هوا ايش دخلو انو في بنت ماحددت مزبوط وماانتبهت يعني ذنب الجهاز ولا ذنب البنت؟؟؟

[سـارونهـ]

اوكي صح انه مو كل الأستاذات زي بعض في الكويسة وفي البطالة

وبعدين حبيبتي لاتقووولي مستحيل الغلط يكون من الجهاز
هو آلة يعني ممكن في اي لحظة يصير فيه شي ويصحح غلط

وبعدين الانجليزي اللي خلانا نقول كذا انه أغلب البنات درجاتهم فيه واطية
يعني البنات اللي مشاء الله بلابل انجليزي جابوا 17و19
وغير كذا في شعبة يقولوا انه كل البنات جابوا 8 و9 وبنت وحدة بس جابت 12
يعني كلهم الغلط منهم مو من الجهاز أو الأستاذات

واللي يحير أكتر انه الترم اللي راح دخلنا أول اختبار ومحنا مذاكرين وجبنا درجات عالية
اجل كيف اللحين لما خلاص تعودنا على الانجليزي وصار سهل بالنسبة لنا

شي ثاني وهو الأهم في الموضوووع
لما رحت طلبت ورقتي حقت الانجليزي من رئيسة القسم
ماأعطوني غير ورقة التضليل مارضيو يعطونا ورق الأسئلة
لييييييييييييييييييييييييييه ....؟
لأنه الوضووع في شي يعني هما الغلطانين ومايبغوا يبينوا
يبغوا يطلعوا الغلط فينا احنا <<<<<>وهذا هو النظام اللي حنمشي عليه طوول مابندرس في دي الجامعة