لكل متضرر الفرق بين الفيزياء للترم الأول و الترم الثاني !!

[amar131315]

المشاركة الأصلية كتبت بواسطة (سبحان الله) انا استغرب من البنت اللي ترد وتحشر نفسها في مواضيع الاولاد ؟ لهاذي الدرجه فاضية انتي ؟ واقول للي كاتب جبت a+ ومبسوط وقاعد يطقطق علينا ياعساك ماتذوقها في موادك الترم هذا الله يكفينا شر هالاشكال واتوقع صوتنا وصل للمنسق عن طريق المنتدى وفهم انه غير مرغوب فيه ولا احد طايق وجهه ومعوضين خير جميعا

ردك هذا اكبر دليل عل ضعفك اقول بدل الكلام ذا , روح اسأل الي جابو 30 الترم الحالي وسوي مثلهم اذا ما تبغا البنات !

[@! ALGHAMDI !@]

أخوي abdulrahman moh ممكن تشرحلي أنا ليش رآح أطبل للدكتور رغم إني لا مدحت ولا ذمييت فيه ..؟

ثاني شيء لما أقول واللي جابو 30 أقصد إنهم أكيد وما نختلف إنهم شدو حيلهم و اجتهدوا و حلو تمارين أكثر من غيرهم ,,

ذحين لما يجي واحد يقول الأسئلة من برا المنهج و من زحل و من المريخ و كذا , طيب معقولة 28 طالب تحصلو على (30 ) عرفو يجاوبوا على أسئلة المريخ و زحل !!

هذا قصدي لما أقول اللي جابو 30 وليس لها أي مقصد ثاني زي ما الكل بيفسر

و أضل مسؤول عن كلامي ولست مسؤول عن تفسير البعض له

و العوض في الجايات للجميع

[talal-m]

المشاركة الأصلية كتبت بواسطة dr.ray ي عزيزي حط ف بالك انو كل واحد حياخذ الي ربنا كاتبه له ,, ممكن يكون في صعوبة ف الاسئلة ولكن المفترض خلاص تنسى الدرجة ذي وتخلي الاختبار ذا حافز لك انو الاختبارات الجايا تجيب الفل مارك حقك ما راح يضيع وبالنسبة للمنسق حق الفيزياء ماله حق يسوي الشي ذا ولكن ما تدري ممكن نهاية السنة يعطيكم 10 درجات بونس او اكثر ف ما يحتاج السب والزعل ع شي فات لا حيقدم ولا يأخر واخيرا حاب اقلك انو لا تخلي وكالة "يقولون" تلعب عليك لأن منهج الاحياء نفس حق الترم الي راح انا سألت المنسق تبع المادة انو الترم ذا حيكون في حذف او لا بحكم اني سمعت نفس الكلام ف حبيت اتأكد وقلي بالحرف "نفس الي كان محذوف الترم الي فات حيكون محذوف الترم ذا ولكن السنة الجايا حيختلف المنهج وحيكون اقل من السنة ذي" ... مختصر الكلام الناجح هو الشخص الي يستفيد من فشله ويخليه حافز له ويستمر في الاجتهاد لانه دايما اجتهاد + فشل = نجاح ولا تحاول تبرر لنفسك لانو الاعذار تفتح لك ابواب وكلها تؤدي الى التثبط والتخاذل ولكن اتمنى تروح لأي طالب من خطتكم جاب 30 وتسأله كيف جابها وحاول تستفيد .. طبعا انا لا بدافع عن المنسق ولا بحط الغلط فيكم ولكن حبيت بس اعطيكم نصيحة انو حتا لو جبت ف الاختبار ذا 0 لا تستسلم واجتهد وصدقني تقدر انتا وغيرك تجيبو a+ والله يوفق الجميع ويرزقكم اعلى الدرجات في الدنيا والاخرة

الله يسعدك ع الدعوات الجميلة ♡ وللامانه انا درجتي 30 بس ظلممم لبقية الطلاب ولاصحابي الجميلين الاختبار كان مرره مررره صعبة ولو فيه اي احتجاج انا اول واحد :) وكمان ما تعتبر ثلاثين حجة ع بقية الطلاب!

[abdulrahman moh]

انتهى النقاش يالغامدي هذا طلال جايب (((((((((30 ))))))) ويقولك ان الاختبار كان صعب وانه اول من بيحتج عليه


فهمت الان ان الدكتور حسبي الله عليه ظالم وحاقد .؟؟؟؟ ولا لسى راسك ميبس

[faisal11176]

انا جايب 27 الحمد لله بس لو جا زي الترم الاول احتمال كبير اجيب 30

[@! ALGHAMDI !@]

الله يسعدك ويوفقك يا talal-m و بإذن الله الفل مارك في جميع المواد <3

[Dr.Ray]

المشاركة الأصلية كتبت بواسطة talal-m الله يسعدك ع الدعوات الجميلة ♡ وللامانه انا درجتي 30 بس ظلممم لبقية الطلاب ولاصحابي الجميلين الاختبار كان مرره مررره صعبة ولو فيه اي احتجاج انا اول واحد :) وكمان ما تعتبر ثلاثين حجة ع بقية الطلاب!

وياك ي رب اكيد مافي احد ما يبغا الخير لغيرو الا اذا كان يعاني من مشاكل نفسية ونقص ف الذات , اولا مبرووك الفل مارك وعقبال ما تجيب زيها ف كل المواد ,, ثانيا بغض النظر عن الاختبار هل كان صعب او لا .. السؤال هنا : هل كان ف اسئلة من خارج المنهج ؟؟ اذا الجواب كان نعم ف لكم كامل الحق ف الاعتراض وباذن الله تلاقوو التعويض من المسؤول كائن من كان لكن لو الجواب لا ف أتمنى من الجميع يعذرني بسبب انو مافي حجة او سبب مقنع للاعتراض لان المنسق مش مجبور او مطالب بأن يضع اسئلة صعبة او سهله .. ولكن من وجهة نظري الشخصية اشوف لو ان المنسق وضع الاسئلة بنفس مستوى الصعوبة الي كانت عليه للترم الاول افضل من باب المساواة والعدل ولكن

ما كل ما يتمناه المرء يدركهُ ... تجري الرياح بما لا تشتهي السفنُ

لسا في دوري ثاني ونهائي ومحد عارف ممكن يزودكم ب بونس خيالي ف خلوو ظنكم بربكم كبير وربنا ما حيضيع تعب احد وكل واحد حياخذ الي مكتوب له

وبالتوفيق لكم جميعا ~

[بنت ناس وقلبي ألماس]

السلام عليكم ورحمة الله وبركاته

أعضائنا الأعزاء

وفقاً لنظام المنتدى يمنع التعرض لأعضاء هيئة التدريس بالسب أو الشتم ... الخ

قوانين المنتدى


لذلك تم حذف المشاركات المخالفة

فنأمل منكم الإلتزام بالقوانين


والله يوفقكم ويعوضكم بالخير الكثير

[* تركي *]

/



- أردت توضيح نقطتين -من غير إطالة- لأنه من الضروري جداً يستوعبها الطالب (الجامعي) وحطوا تحت كلمة جامعي ألف خط. أنا ماني جاي أتفلسف عليكم إلا بالعكس حاس فيكم لأني بيوم من الأيام كنت طالب وياما تضررنا وياما انظلمنا وياما رسبنا وياما نجحنا والحمدلله الأمور تمشي على قد اجتهادك انت ومو على أعذارك !!

1/ كونك طالب جامعي وفي تعليم عالي لا بد ولازم وضروري ومهم جداً تكون الأسئلة على قولكم (من زحل والمريخ) ، ولكن مو في التحضيري بل لاحقاً في مواد التخصص. فإذا كان الإختبار فعلاً يحتوي على أفكار جديدة كلياً و أنا أقول (كلياً) فأعتقد إنهم صعبوها عليكم من غير حاجة !

2/ هذا أمر و انتهى ، اختبار وراح سواء ظُلِمت أو لم تُظلَم ، حوّل كل تركيزك للإختبارات الدورية الجاية. اخرج من دائرة لوم الآخرين وارجع ادخل دائرتك انت. الآن انت كنت تذاكر بطريقة معينة ومانفعت فجرب تغيرها مثلاً حل أسئلة الكتاب !! مثلاً درس معين حاول تفهمه ف اليوتيوب أو ف قوقل وابتعدوا تماماً عن الخصوصيين ياشباب والله هم الي يضيعوكم لأنه المدرس الخصوصي يحصرك ويركز على نوع معين من الامثلة والتمارين بحكم تكرارها ويهمل إنه يعطيك الفكرة الشاملة الواضحة الي تخليك جاهز تحل أي شي ممكن يجيك !


- موفقين ي جماعة و عسى الله يعوضكم خير.