الأسئلة والاستفسارات عن كلية طب الأسنان ..

[مسيو ماديلاين]

Dr.nanoOok ~

والله اتوقع يعتمد على توفر الواسطة !!
بس انو ما سمعتو عن احد حول هذي معلومة مفيدة ..
غريب أمر هالبلد .. والله قبل ما الواحد يفكر بكفاءاته لازم يدور على ظهر يسنده !

شكراً دكتورة الله يسعدك ..



السندوي3 ~

تحضيرية ؟؟ يعني عليها اتنافس ع المقعد وكأني ما سويت حاجة هنا !
إن شاء الله رح اشوف اذا عميد القبول يبي يستهبل بعد ما درست اربع كليات عشان اوصل اسنان وقتها لازم ادور أحد نعرفه مافي غير كذا ..

وشكراً لك والمعذرة ع التأخير ..

لكم مني أجمل تحية ..
ومبارك عليكم الشهر ..

[mjoOodh]

بخصوص دورة المصطلحآت اللي يعملوها الدكآتره
غير اللي مشرفين عليها طلاب البشري
قريت بمنتدى البشري انهآ مَ اتلغت وحتكون بتآريخ 23/ 7 / 2011

هل هذي الدوره مثل اللي بيسوها طلاب البشري خآصه فيهم
والا تشملنآ احنا طلاب الاسنان ؟؟

[shosho0o]

المشاركة الأصلية كتبت بواسطة mjooodh بخصوص دورة المصطلحآت اللي يعملوها الدكآتره غير اللي مشرفين عليها طلاب البشري قريت بمنتدى البشري انهآ مَ اتلغت وحتكون بتآريخ 23/ 7 / 2011 هل هذي الدوره مثل اللي بيسوها طلاب البشري خآصه فيهم والا تشملنآ احنا طلاب الاسنان ؟؟

انا ما اعرف إذا اتلغت ولا لأ ،،،،،،،،،الدوره اللي بتعملها الجامعه تكون شامله جميع التخصصات الطبيه و حتى الدوره اللي بيعملوها طلاب و طالبات البشري بتكون شامله جميع التخصصات بس الفائده الاكبر تكون للبشري أنا العام حضرت كل الدورتين و الحمدالله استفدت منهم ...

[fss8]

ممكن احد ينزل جدول سنه ثانيه حق دفعه 2010بالاوقات

[* رولا *]

المشاركة الأصلية كتبت بواسطة fss8 ممكن احد ينزل جدول سنه ثانيه حق دفعه 2010بالاوقات

تفضل من هنا
مع العلم أن الجدول للفصل الدراسي الثاني

http://dentistry.kau.edu.sa/Pages-%D...5-31-1432.aspx

[مَـزٍآج ..}..]

الجداول تنزل في موقع الكليـه الرسمي . .

اصبروا هيا تنزل قبل الدرإأسه بأسبوع تقريباً

[Dr~NanoOok]

بالنسبة لمادة "الفاوندمنتال" الأساسيات .. كانت موجودة بخطتنا بسنة أولى
وهي عبارة عن مقدمة وملخص عن جميع مواد سنة ثانية
وكانوا جميع الكليات الصحية بياخدوها .. "مادة موحدة"

أما الآن فقط الطب البشري صاروا بياخدوها وخلوا من ضمنها دراسة المصطلحات الطبية

لكن على أيامنا كانت المصطلحات مادة لحالها .. وتعتبر من مواد الانجلش

كنا ناخد الانجلش
reading , writing , grammer, reading in medicine , medical terminology


___________________________


هذه بعض الاستفسارات جاتني عن طريق الرسائل الأكاديمية ..

سـ1: قرأت انه السكرب أنا ملزمه البسه وعرفت لونه فهل اشتريه من الان ولا أحسن أصبر لأن ممكن يغيرو لونه ؟؟؟

اللون خلاص صار موحد لطب الأسنان وما حيتغير ..

وكل سنة الكلية تجيب كمية من السكرب وتبيعه للطالبات "وخاصة لسنة ثانية" بأسعار أقل من الأماكن برا

الأفضل تستني ولا تشتري من دحين.. والأسبوع الأول داوموا ببنطلونات ولابكوتات عادي

سـ2: سمعت أنه في مقابله .. ايش هي طبيعتها وكيف اجهز نفسي لها ؟؟ وفيه كتب أو مواقع ممكن تفيدني؟؟

المقابلة ليهم ثلاث سنوات ما طبقوها.. وأنا دفعتي ما عملولنا مقابله فيها

لكن على كلام دفعة 07 اللي أكبر مني .. أنها مقابله فقط شكلية .. يعني ما حتأثر على دخولك الكلية
والأسئلة تكون عامة يشوفوا فيها ضخصيتك وطريقة تعاملك وتصرفك
وبعض الأسئلة العلمية أغلبها اخدتوها خلال التحضيري امكن

سـ3: بعد ما اخلص الـ6 سنوات ان شاءالله رح اكون تحت مسمى طبيبة أسنان عامة .. أقدر أتوظف وبعدين اختار التخصص اللي ابغاه وادرسه في الوقت اللي يعجبني ؟؟ وايش هي طبيعة عمل طبيب الأسنان العام؟؟

ايوا تقدري تتوضفي على طول بدون تخصص تحت مسمى طبيبة عامة
لكن دحين ومع كثيرة الطلبة الخريجين فما صاروا يفضلوا أخد دكاترة بدون تخصص أو دراسات عليا

بالنسبة للتخصصات.. فبعضها موجود عندنا بجدة وبعضها بالرياض
لكن الأفضل تتخصصي برا لكثرة المجالات وجودة التدريس هناك

عمله حيكون عادي.. تعملي كل شي من علاج تسوس وتنضيف وخلع وعلاج عصب لأنك اتدربتي عليها كلها خلاص
لكن ما تعملي جراحة أكيد :p



وأهم سؤال هو دا :p

مممممم آخر سؤال عنك انت هههههههههههه قد مرت عليك فتره كرهت فيها الدراسه وفكرتي بأفكار سلبيه يعني مثل انك طفشتي وتبغي تحولي...إلخ من التعب والضغط بس مووو جد ؟؟ لأنووو أنا من النوع اللي اذا انكررررف مزبووووط اكره نفسي وأنا أحب أكون في راحه نفسيه على الدوااام خخخخخخخخخخخخخخخ..وايش تسوي في هذه الحاله؟؟

ههههههههههههههههه تصدقي اذا قلتلك دا شي مررره طبيعي وبيحصل للكل !
في حالة يأس وتعب تحب تجي الأفكار السوداوية اللي مدري من فين

الكرف ما حتشوفوه كثير بثانية.. فلا تخاوفوا
لكن الطب معروف فيه تعب .. ومافيه لكاعه وسهولة القسام الأدبية مثلا اللي احفظي وخلاص !

لكن لازم تعودي نفسك .. وتخلي نفسك قوية قدام هذه المواقف
وتتهيئي نفسيا لمواجهة مرضى ودكاترة وعيادات !


بالتوفيق لك عزيزتي وللجميع يارب

[dr.loge]

السلام عليكم
دحين لو دخلت طب اسنان
اتخرج دكتوره اسنان بس
يعني لو كنت ابا تقويم ولا شي لازم ادرس بعد ال 7 سنين
ولا كله في ال 7 سنين
لمن قرات قالو تتخرجي اخصائيه اسنان وجراحه وجه وفكين
صح الكلام دا ؟؟؟؟؟ظ
ممكن احد يفيدني اش حتخرج
وشكرااااااااااااااااااااااااااااااااااااااااااااا
لاني خايفه مره وبفكر بين الاسنان والبشري ومتردده

[Dr~NanoOok]

وعليكم السلام ورحمة الله

اهلا بك أختي ,,

بعد اكمال البكالوريوس 7 سنوات تتخرجي طبيبة عامة
بعدها تتخصصي احد التخصصات بالأسنان .. وتكون مابين 2-5 سنوات

والتقويم اذا حابة تتخصصي فيه.. لازم تكملي البكالوريوس 7 سنين بعدين تتخصصي لمدة 3 سنين أعتقد

وعشان تقدري تحددي أي القسمين مناسب لك
أقري عنكم قد ما تقدري ..
والقسم موجود فيه مواضيع عديدة حتساعدك للتعرف على الأسنان

وبالتوفيق لك

[dr.loge]

تسلمي اختي لكن سؤال تاني
طبيبه عامه يعني ... اش الي اقدر اسويه للمريضين ...
كشف يعني وتنظيف ولا ايش !!!!!