كيف أحصل على تصنيف أخصائي نفسي ؟ (الخطوات )

[بدر2000]

السلام عليكم مساء الورد بالنسبة للدفع في إجراءات إداريه قبل الرسوم بعد ماتاخذ الخطاب حق طلب التصنيف تروح المستشفي ويعطونك خطاب لا أداره التديب والابتعاث بحي الصحافة خلف مستشفي السعودي الألماني بعدها يعطونك رقم حسابهم البنكي في بنك ساب تقدر تدفع علي دفعتين بس اقل شي 3000لا زم تحتفظ با الإيصال اهم شي وبعد ما تدفع تروح الشون الصحيه مخرج 14 شارع الامير متعب وانت متجه شمال يعطونك خطاب ثاني ومعاها إيصال وترجع لا أداره التدريب ثاني مره ويعدون خطاب للمستشفي يفيدون بأنك دفعت وتبداء التدريب وبتوفيق

[سقراط الغريب]

المشاركة الأصلية كتبت بواسطة كارا لو سمحتوا جاوبوني انا طالبة سنه تحضيريه تعليم عن بعد السنه الجايه اذا اراد الله حولت انتظام وحابه اتخصص علم نفس بس متردده الكل يقول راح ياثر على حياتك ؟؟ وكمان لو اتخصصت علم كم احتاج سنه واتوظف خلاص حابه اعرف الخطوات كيف وكمان لو توظفت يخلوني بمستشفى عادي ولا نفسي ابغى اعرف كل شيء عن علم التفس وكمان اذا عندكم اسامي لكتب تثقفني ادوني وشكككرااا ❤️❤️

أولاً أختي الفاضلة عمر ما كان تخصص علم النفس له تأثير على مستوى الشخصية للمتخصص بل أنه يعطينا اكثر نضج وتطوير للذات وكيفية التعامل مع الازمات النفسية والشخص المتأثر هو منغمس في عادات تمثل نفسه أو انجرف وراء الخزعبلات عن علم نفس ويعتقد أنه يجيد فهم الشخصيات ويشك بكل أنواع التعاملات من المحيط الاجتماعي وذلك بسبب توهمه الخاطئ حيال ذلك ..!

بالنسبة للوظيفة هذي بيد الله سبحانه اذا مكتوب لك رزق تتوظفين بعد التخرج مباشرة بعد سنة بعد عشر سنوات كله في علم الغيب ..!

بالنسبة لموقع الوظيفة ممكن في مستشفى عام حكومي أو مستشفى خاص بالصحة النفسية أو مستشفى الولادة والاطفال على حسب التوجيه الذي صدر في تعيينك ..!


أنصحك بكتاب اسمه (50 كتاب في علم النفس ) مؤلف هذا الكتاب الحقيقة وضع سرد رائع بحيث يفهمه الغير متخصص بعلم النفس فأتوقع أنه مناسب لك كثيراً وتجدينه في مكتبة جرير .


تمنياتي لك بالتوفيق يامصون ..

المشاركة الأصلية كتبت بواسطة algand السلام عليكم جميعا انا سجلت بدورة bls بكرا بمدينة الملك عبد العزيز الطبيه للحرس الوطني وتحديدا في جامعة الملك سعود الصحيه للحرس الوطني الدورة يوم واحد والاختبار بنفس اليوم سؤالي : مين يعرف طريقة اختبار بما ان الدورة بالانقلش .!!؟ وسؤالي الثاني ..: مين يعرف تدريب الصحه النفسيه للبنات ..اقصد قسم خاص للبنات او قروب بنات بس ..!؟ الله يوفق مين يجاوب علي ويسعده بدنيا والاخره

وعليكم السلام ورحمة الله وبركاته ..

الاختبار سيكون بنفس مضمون الدورة , ولكن كان بإمكانك اختيار دورة باللغة العربية ..


والله بالنسبة للقروبات الخاصة بالبنات طالبات جدة أرى تجمعات لهم بالتدريب ولكن منطقة الرياض لا أعلم ..

المشاركة الأصلية كتبت بواسطة بدر2000 السلام عليكم مساء الورد بالنسبة للدفع في إجراءات إداريه قبل الرسوم بعد ماتاخذ الخطاب حق طلب التصنيف تروح المستشفي ويعطونك خطاب لا أداره التديب والابتعاث بحي الصحافة خلف مستشفي السعودي الألماني بعدها يعطونك رقم حسابهم البنكي في بنك ساب تقدر تدفع علي دفعتين بس اقل شي 3000لا زم تحتفظ با الإيصال اهم شي وبعد ما تدفع تروح الشون الصحيه مخرج 14 شارع الامير متعب وانت متجه شمال يعطونك خطاب ثاني ومعاها إيصال وترجع لا أداره التدريب ثاني مره ويعدون خطاب للمستشفي يفيدون بأنك دفعت وتبداء التدريب وبتوفيق

يا مساء الياسمين .. مشكور على الافادة , وأستغرب في بعض ادارات التدريب في مرونه لكل شهر ألف ريال ..

[كارا]

شكككرااا ماقصرت اخويا سقراط الغريب ❤️❤️

[سقراط الغريب]

المشاركة الأصلية كتبت بواسطة كارا شكككرااا ماقصرت اخويا سقراط الغريب ❤️❤️

العفووووو

[algand]

الحمد الله اليوم اخذت شهادة الbls
كان مره متعاونين واسلوبهم حيل راقي وسلس
كانت الدورة باللغتين مدمجه مع بعض
والاختبار كان جزئين عملي وتحريري
والتحريري ايضا باللغتين لك حرية الاختيار
وقدمو لنا الشهادات فورا بعد الاختبار
باقي لي الان التدريب الميداني وما زلت ابحث عن قروب بنات
اتمنى من لديه اي معلومه الافاده بها باسرع وقت ممكن
......................................
وحابه اخص بالشكر للاخ الكريم سقراط بطرحه هالموضوع ..
لانه حيل افادني وكان مرجع مهم بالنسبه لي ومن معلوماته وخطواته
اجتزت الكثير من العقبات.
حيل اشكرك .. وجزاك الله كل خير وجعله بميزان اعمالك بأذن الله

[أبوسيار]

اخوي سقراط

فعلا صدر قرار جديد التدريب يكون تحت اشراف استشاري
سواء كان اخصائي استشاري او طبيب استشاري

للاسف المسؤلين في هيئة التخصصات يحاولون يضيقون علينا
بقرارات ونظمه لا لها اول ولا اخر

[سقراط الغريب]

المشاركة الأصلية كتبت بواسطة algand الحمد الله اليوم اخذت شهادة الbls كان مره متعاونين واسلوبهم حيل راقي وسلس كانت الدورة باللغتين مدمجه مع بعض والاختبار كان جزئين عملي وتحريري والتحريري ايضا باللغتين لك حرية الاختيار وقدمو لنا الشهادات فورا بعد الاختبار باقي لي الان التدريب الميداني وما زلت ابحث عن قروب بنات اتمنى من لديه اي معلومه الافاده بها باسرع وقت ممكن ...................................... وحابه اخص بالشكر للاخ الكريم سقراط بطرحه هالموضوع .. لانه حيل افادني وكان مرجع مهم بالنسبه لي ومن معلوماته وخطواته اجتزت الكثير من العقبات. حيل اشكرك .. وجزاك الله كل خير وجعله بميزان اعمالك بأذن الله

الحمد الله وعقبال تبشرينا بالحصول على التصنيف كأخصائية نفسية ..

بالتوفيق يا مصون ..

المشاركة الأصلية كتبت بواسطة أبوسيار اخوي سقراط فعلا صدر قرار جديد التدريب يكون تحت اشراف استشاري سواء كان اخصائي استشاري او طبيب استشاري للاسف المسؤلين في هيئة التخصصات يحاولون يضيقون علينا بقرارات ونظمه لا لها اول ولا اخر

اذا صدر هذا القرار فعلاً فهذا تخبط مهني فادح الحقيقة

كيف يتم تدريب خريج علم النفس من قبل طبيب نفسي وهذا من الامور الخاطئة ويخالف المعايير العالمية ..!

شي جديد علي يا أبو سيار ولكن اذا على طبيب نفسي في أبها أكيد موجود عندكم متوفر المتعارف عليه أنك صعب تحصل استشاري في علم النفس ولكن في الصحة النفسية عندكم لازم يكون استشاري في الطب النفسي .

وفي منطقة أبها لديكم الاستشاري في الطب النفسي الدكتور موسى آل زعلة في كلية الطب بجامعة الملك خالد اذا كان بامكانك التواصل معه يبدو أنه سيفيدك عن امكانية التدريب لدى استشاري في الطب النفسي في أحد المستشفيات بالمنطقة ..

ويارب نسمع أخبار طيبة يا ابوسيار لاحقاً وتقول انك بديت بالتدريب ..

بالتوفيق يارب ..

[لقيت روحي]

عشان كذا انصح في مستشفى الامل
التدريب كان تحت اشراف الاخصائي الاول \ سعد العلوني ..
الله يوفق الجميع

[سقراط الغريب]

^
^

حددي في أي منطقة .. يعطيك العافية ..

[لقيت روحي]

مستشفى الامل بجدة
حي النعيم
تقاطع شارع حراء وطريق المدينة المنورة ..
او خلف قاعة ملكة الليل ..
ممكن تفتحوا غوغل ماب وعلى طول راح يطلع الموقع لكم

وعلى فكرة باقي شواغر للتدريب ( نساء )