تجمع طالبات المستوى الخامس انتساب--استفســـارات فقط

[ام حمدان]

الله يسلمكم جميع
ترى اكتب وانا مرهقه واذا لقيتوا كلامي مو مفهوم حاولوا تفهمونه :)

ااااااااااه وش اقول سوما وكم بنت من المنتدى كانوا معاي اول بأول
بحكيكم الجزء المتعلق بالجامعه والي بعده اعذروني في امور مااقدر اقولها عالعام
رحت الله يسلمكم وبدأ المطر اول ماخرجت من البت امي ماكانت راضيه اني اروح ولا ابوي قالولي انتظر يمكن ينزل شي ولا يرسلون لكم رسايل-- قلت انتوا مساكين الجامعه ولافكرت فينا اصلا
المهم عاندت ورحت واخوي عنده امتحان برضو فأضطريت اروح بدري على 11 وشوي تقريبا وكان المطر بدا مع خروجنا وبعد مامشينا بشوي الي تجي لاخوي رساله من جامعته بأنه تم تأجيل اختباراتهم لموعد بيتقرر لاحقا(يدرس بجامعه اهليه مو في جامعتنا المصون )
المهم كمل طريقه للجامعه والمطر كل ماله يصير اغزر وانا اقوله ماعليك كمل طريقك إن شاء الله بيوقف المطر وماراح يصير شي
وصلنا عند البوابه وكانت المياه ماليه الشارع والمطر قويييي كلم اخوي السكيوريتي الي عند البوابه وقاله كيف الوضع داخل وهل تأجلت الامتحانات ولا كيف قال خل اختك تنزل تسئل بنفسها ماعندي خبر
ونزلت اجري ههههه فشله عشان لا اتبلل لكن تبللت
ودخلت البوايه وسئلت على طول موظفه الامن في تأجيل ولا لا وانا اناظر من خلال الباب تبع البوابه المنظر مرعببببب
البنات كلهم خارجين من المباني وبعضهم خوفوني مرره وجوههم تحزن الي تبكي والي منهاره ووحده شفتها عينها متعوره مدري من ايش المهم واروح واجي على ذا الموظفات لعل وعسى وصلهم خبر لكن ماش ماوصلهم شي(انا مااقدر اروح اتأكد بنفسي لانه المطر غزير ومافي سيارات توصلني للمبنى) الشي الوحيد الي سمعته وصلهم من خلال التليفون تبع وحده منهم سمعت صوت وحده تكلمهم تقول الادارة الطبيه صار فيها تسرب مويا
وشوي الا اشوف شي مغيم اسود ماادري هو دخان ولا سحب رماديه ولا وشو وبعد بشوي اسمع كم بنت داخلين البوابه مفجوعين ويقولون في حريق في الثامن ومدري وش بعد صار في 420 اظن سمعت وحده تقول طفت الكهربا وخرجوهم منه
المهم كل ماجيت اسئل الي يدخلون من فين جايين وايش الي احترق ولا وحده منهم عطتني وجه الي تخرج مفجوعه تخرج على برى على طول --ماالومهم من الي شافوه
وموظفات الامن يقولون ماجنا خبر كل ماسئلناهم ويقولون مانتوقع انه فيه اختبار خلاص الدنيا مليانه مويا
حتى انه البوابه تغرقت مويا وشفت رجال الدفاع دخلوا على بالي انهم فالبدايه حريم هههههه واحنا كاشفين ووقفين عند الباب تبع البوابه وعرفت ساعتها انه في مصيبه صايره وشكله صح الثامن احترق او شي جنبه لانه الدخان كان جاي من ذيك الجهه وانا هنا اعلنت انسحابي قلت بلا امتحان بلا هم اخوي طول ذا الوقت ينتظرني واهلي قاعدين على احر من الجمر وتلفوني ماوقف اتصالات صاحباتي يسئلوني كيف الاوضاع و اهلي كلهم يدقون يتطمنون علي وانا مالحقت على عمري وطلعت الحين راح انشب انا واخوي برى وماعاد بنقدر نوصل لانه اكيد الطرق اغلبها بيتقفل وهذا الي حصل
ونشبت انا واياه واضطرينا نوقف في الحي الي مقابل للجامعه من جهة بوابه غربيه اظن انه الفيحاء على امل انه تخف الامطار ونقدر نمشي بس كل مالها تزيد
وبعد كذا عشنا صراع وابوي جا وعاشه معنا مع اني قلتله لاتجي وتمرمطنا في الشوراع اغلبها مقفله ومناظر تخوف والمويا الين نص السياره وحالة الشوراع حاله وشفت كم حادث مناظر مروعه لا يمكن انساها
في كم شي ماذكرته لانه خاص شوي بس هذا الي اقدر اقوله

سامحوني دوشتكم

نور انا اتصلت عليك الساعه وحده الا شوي ومارديتي فكرتك رجعتي ونمتي او حاطته سايلنت

لو ادري انك فيه كان عشت المغامره معك

الله لايعيده من يوم

والله يستر من الجاي

[إلهام]

يالله يــــآ نور الحمد لله عـ سلآمتكـ يـــــــآربــ
ألحين أكلم بنت خآلتي كآن عندهآ اختبآر وخرجت 1 والجو كآن مرره يخوف تقول والمويه لمآ الركب حتى تروح البآص وصآحبآتهآ ودوهم الأندلس مو ل والبنآت مررررره تعبوآ من المويه
وألحين مره تعبآنييين من البرد في الأندلس ( بسبب التكييف ).. ولسى مآفي أحد يقدر يوصلهم بيوتهم وأهآليهم مره قلقآنين ويحآولوآ يتوآصلوآ مع البنآت

الله ييسر لهم يآآآآربـــــ ...~

[SσσσMαα]

المشاركة الأصلية كتبت بواسطة إلهام ودوهم الأندلس مو ل والبنآت مررررره تعبوآ من المويه وألحين مره تعبآنييين من البرد في الأندلس ( بسبب التكييف ).. ولسى مآفي أحد يقدر يوصلهم بيوتهم وأهآليهم مره قلقآنين ويحآولوآ يتوآصلوآ مع البنآت الله ييسر لهم يآآآآربـــــ ...~

لا لا لا لا لا لا كذا زودوهااااااااااااااا ليه حرام تكييف وملابس مبلوله وبالسوق ايش الكلام ذا ما اصدق هذا يصير فيه بلادنا الغاليه

[nour al3mr]

^

يب التمـآس الكهرباء في الـ 3 أعتقد + الثـآمن + وعلى ماقالوا البنـــــــآت 13

الله المستعـــــــآن .. أهم شيء سلامتكم مو مشكله ..

والاتصــــــــآل ما انتبهت الا بعدين .. مع زحمة المكالمـآت و الجوال طفت بطـآريته + غرق بالمويـآ ><


العبــــرة في أحداث اليـوم ..~
نجرب شيء جديد في الحيـــــــــــآة ماورانـآ شيء .,.

لأنه إذا ربي كتب يصير لنا شيء راح يصير حتى لو كنـآ في وسط بيوتنـآ ..

الأمـــــــــآن من الله مو في المكـــــــــــآن ..

= )

[nour al3mr]

يسلم ربي عمـــرك إلهـــــــآم ..

اي والله وأنــــــا وصلت حرارتي 39 + دمـوع من الزكــــــــــآم ..
< هذا بشارة انتهاء الاختبارات الحمد لله ..

آآآآآآهــــــــــــــــــــآ ..
صاحبتك من ضمن هذه الشله .. ياقلبي عليهم ..

الله يعينهم على السواق اللي سوا فيهم كذه ..

الله يردهم لأهـآليهم ســـآلمين ويقر أعينهم ..

=(

[إلهام]

يالله أم حمدآآآآآآآآآن ....
إذً الوضع جدآآآآ كــــــآن صعب.. لآ حول ولآ قوة إلآ بالله
على أمل إنو يتعدل ليوم السبتــ

....~

[ام حمدان]

المشاركة الأصلية كتبت بواسطة إلهام يالله أم حمدآآآآآآآآآن .... إذً الوضع جدآآآآ كــــــآن صعب.. لآ حول ولآ قوة إلآ بالله على أمل إنو يتعدل ليوم السبتــ ....~

في اشياء ماذكرتها بعلمك عليها بعدين انتي والبنات عالعام مره ماتنفع
نور ياقلبي الحمدلله على سلامتك عشتي تجربه صعبه ومريضه بعد ربي يشفيك ويحفظك ويحفظ الجميع يارب

[my-nana]

الحمد لله على السلامه حبيبتي لك ولجميع البنات اللي راحوا
صراحه منامس والرسائل تهل ع الجوالات بالتحذيرات والجامعه ولا هنا من جد مخرفين بتروح ارواح باسبابهم
حسبي الله الله يحمينا

[ام حمدان]

بعد مارحعنا بالسلامه وتهزئت بسبب عنادي وشجاعتي الي مره وقتها غلط --ماحد قالك تعاندين كان انثبرتي في بيتكم ابركلك
قالي ابوي انه الساعه 1 وشوي اتصلت وحده من موظفات الجامعه عليه تقوله لاتجيب بنتك اختبارات اليوم تأجلت (لان رقم ابوي هو الي مسجل في بياناتي)وابوي استلمها يقولي معاطاها فرصه تبرر حط حرة خوفه علي وعلى اخوي فيها المسكينه هههه
ووصلتنا رساله الي وصلت للكل --مره بدري صراحه تعبوا انفسهم كان ماارسلوها احسن

[my-nana]

والله الحال مره مؤسف بس مانشروا شي بس اللي تورط بالخط غصب شاف العجايب
على فكره انتبهو حتى لو توقف المطر مو معناته مافي خطوره بالتجول اصلا لو قدرتو تتجولوا من البحر اللي غطى جده بكبرها
انتو يابنات مايجيكم رسائل من stc ومن الأرصاد ومن الدفاع المدني طبعا ع الجوالات ؟
والله من امس وحنا رساله ورى رساله ماشاء الله هالسنه احسهم مهتمين بالتحذيرات شوي
وبالنسبه للبنات المحتجزات واللي بالمول الله يردهم سالمين بجد حالتهم حاله
دعواتكم لهم
بس كيف بيروحون وطريق المدينه متوقف تماما والطرق حركتها متوقفه ؟