قبول الطلاب والطالبات الغير سعوديين

[ريما الماس]

تسلمين
المنتدى منور بوجودك

[تولاينا]

بنات انا مكتوب بالاوراق الفصل الدراسي الاول عام 1433/1434

مافي عندي لا 2010 ولا 2011

وبعدين عندي سؤال ايش الفرق للي يقدمو عن طريق السفارة...

وع فكرة بنات سمعت خبر مررررررررررررة عجبني يمكن تقولو قديم..

لكنه بالنسبه لي اول مرة اسمعه ...

يقولو ان طالبات الانتساب اذا جابو معدل 3,5 وما فوق في الترم الاول يسير عندهم اعفاء رسوم صح هالكلام ؟

[مدااااااااااوي2010]

مبروك اذا كان صحيح ومبروك لك علي تفائك الجميل ويارب يكون صحيح وهلا

[ريما الماس]

بنااااااات الي عندها كتاب
ممتاز اذاكر منه للقدرات تقولي اسمه
والله اني شايله هم القدرات
نسبتي مره واطيه وودي اقدم
ع الجامعه هذه السنه

[رمز التفاؤل]

ثانكس يا قلبو انتي =)

وبالنسبه للتاريخ 2010 نفس البقيه

بس انا حابه استكمل الاوراق تبعي لا اكثر هع

[مـ جدة ـلاك]

متأكدين يابنات انو التقديم بس عالنت

يعني مافي استماره نعبيها ومدري ايش

[حيــــــاة]

تولاينا عزيزتي
ايوة صح الاعفاء اذا كان معدلك عالي تقدمي عليه ويعفوكي من الرسوم وممكن كمان تقدمي على تحويل انتظام وان شاء الله يحولوكي انتظام
.
.
وبالنسبة لشركة dhl اذا ما استلموا اوراقكم لازم تدقوا على الجامعه وتستفسسروا منهم عشان لا يروح الوقت عليكم
.
.
ريما الماس عزيزتي
ادخلي على منتديات يزيد مره راح تستفيدي في مذاكرة القباس

.
.
ملوكة تقديمنا خلاص كذا مافي حاجة
لاني لمن سألت العميد قلي القبول من نفس البوابة الالكترونية وماقال ان في شيء ثاني
بعدين بعد مايجي القبول في ورقة الموعد نطبعها عشان ندخل بها الجامعه
بس الحين احنا كذا تسجيلنا كامل بإذن الله

وبس وبالتوغيف للجميع

[Do not be sad]

المشاركة الأصلية كتبت بواسطة حيــــــاة عزيزتي ليش ما تسجلي في ام القرى عندكم ترى يقبلوا غير السعوديين وكمان يقبلوا موزون من 86 في تسهيلات عنكم مرة في التسجيل خذي رقمهم من الاستعالامات وكلميهم او خلي احد من اهلك يروح يسأل بالتوفيق بس حبيت افيدك

اكيد راح اسجل فيها اذا ما انقبلت في السفارة
لكن تقديمهم شهر 11 وتسهيلات ام القرى للاجانب بس لانو ما يقبلوهم غير في الاقسام الدينية
الله يعيننا

[Do not be sad]

المشاركة الأصلية كتبت بواسطة حيــــــاة السفارة اذا تبي تكلميهم كلميهم من الساعة 8ونص تقريبا الين 12 الظهر واذا ردوا قولي لهم حولوني على الملحق الثقافي للمعلومية الملحق الثقافي مايكون موجود الا 9ونص تقريبا واكيد انا اذا عمدي معلومه راح انزل هنا

الله يسعدك ياارب وانا اذا كلمتهم راح اكتب لكم

[Do not be sad]

المشاركة الأصلية كتبت بواسطة رمز الأخوة do not be sad ايه البنت الي اعرفها ماشاء الله دفعت الف ودخلت الجامعة الله يووفقها ياارب,, ولا تلخبطين قصدي الألف للسفارة مو للانتساب,,زي ماقالت حياة هذاك تسجيل انتظام وانا سجلت وان شاء الله خيير,, وفي كمان صفحة ثانية تسجيل للانتسااب,, طيب كيف اعرف االاسماء المرشحة,,!!! ذحين الي يرشحوهم في السفاارة ويخلوهم يدفعوا الف,,ينقبلو! والي مادفعوا يعني تسجيلهم مو أكيد!!! ياارب خييير ,, حياة الله يجزيييك خييير,,اول ماتعرفي حق السفارة خبرينا ضرووووري,, ربي يجزييكم خييير ويوووفقكم,,

الله يوفقهم وعقبالنا ياارب
ايوا انا عارفة قصدك الف السفارة ,,
اذا اتصلو علينا وقالو لنا مرشحات ادفعو واتوقع في هذي الفترة باذن الله واللي ما اترشحو اكيد ماراح يكلمو كل المتقدمين فعشان كدا انا قلت لكم يعني اذا وحدة كلموها تقول لنا عشان نعرف والاسماء ما اتوقع ينزلوها في الموقع غير على اول السنة الميلادية زي ما عملو السنة الماضية
وان شا الله ننقبل كلنا ياااااااارب