اتفضلو حطو اسئلتكم في اخر تجمع في الانجلش ... :)

[أنثى نرجسية]

::

\/


نونْ حَرآمْ عليكِ واللهْ مآآخوّفْ هدآ وـآنآ مو مسلحَة آخوّف هههههههههه ..

علَى عينيْ ورآسِي آنتِ وـآلترآ والكلْ ويلّآ نِشُوفْ التَحدّي كيفْ عنْ مممممْ عَنْ ـآلليْ تبْغيهْ حتّى لوْ مُسدسْ ههههه

يَلآ آبْغَى آصْحَى بُكْرآ آشوفْ الصفْحَآت قليلَة << تهدَد


عَلَى فِكْرَة فيْ حُكُومَة عليَآ بـ تْرآقِب كمَآنْ



::


\/

[الفنانة]

المشاركة الأصلية كتبت بواسطة nado0osha يابنااات ياحلويين فين الاقي شرح شابتر 6 في الجرمر وحدة من البنات سالت وقلتولها في بس ماني لاقية في شرح خوخا الا بس انواع الجمل انا ابغا شرح بارت 3 وبارت 4 بلييز اذا في شرحها ابغا احط يعطيني الرابط تعبت وانا ادور واذا مافي ياريت تتكرمو وتشرحو ليا لأني بصراحة لولا الله ثم شرحكم ....كان جبت العيد في دي المادة

لا ياحبيبتي ان شاء الله مانشوف العيد الا مرتين في السنة : الفطر والاضحى قولي امين

طيب اوكي راح أشرح .. انثى خليكي مركزة

((A))
Clauses of time and condition : Present or Unspecific time

أول شي يقلك انه الجمل المتعلقة بالزمن والشرطية في الحاضر او في وقت غير محدد نستخدم معاها :
When , whenever , if

*When, whenever
تربط بين نشاطين او وضعين موجودين في نفس الوقت أو يصيروا ورا بعض بالزبط
*If
تربط بين نشاطين أو وضعين بالوقت او بعلاقة السبب-النتيجة

الامثلة :
When
يقلك المضارع البسيط غالبا يستخدم في كلا الـ clauses في دي الجمل ..
وممكن كمان نستخدم الـ modal auxiliaries اللي هيا will وشلتها ..
الجملة التابعة الديبيندنت ممكن نبدأ او نختم الجملة بيها :)

Whenever
زي when اللهم انه دي تستخدم لتأكيد الفكرة ... يعني زي مانقول ( كل مرة .. كل مرة )

If
برضو الجمل اللي معاها شبيهة بالجمل اللي قبل .. اللهم if تعطي معنى اضافي:the main clause هيا نتيجة أو تاثير الـ if clause


((B))
Clauses of time and condition: Future Time

يقلك انه التايم كلوزس مع ....after, before, when تربط جملتين عن تخطيطات مستقبلية او احتمالات :)

الجملة مع if, unless تبين علاقة سبب-نتيجة ..
النشاط او الوضع اللي في الجملة الرئيسية هو النتيجة للفعل اللي في الجملة التابعة .. مثلا:
if the weather is nice, I will go to the beach

نجي تركيب الجملة :
(.....after, before, if, unless)
, (S1 + V1(simple present / present perfect+
(S2 + V2 (future / modal

الـ dependent clause ( اللي يكون فيها if واخواتها) دايما الزمن فيهh simple present
الفعل في الـmain clause ( اللي هوا النتيجة) دائما في الـ future
ويقلك كمان ممكن نستخدم الـ modal auxiliaries وطبعا الفعل بعدها في المصدر (بدون اي اضافة)
في حالات معينة ممكن نستخدم present perfect عشان نأكد انه دا الفعل صار واكتمل بالتمام
الـ dependent clause ممكن نبدأ بيها الجملة .. زي مااناكاتبة فوق في تركيب الجملة ... (لاننسى نحط comma ) ..
وممكن نختم بيها الجملة :)

[أنثى نرجسية]

::


\/


كفييتيْ وَ وفيتيْ يآفنّآنــة آحِسّهَآ آنوْ منجيييدْ كِدَآ بـ الفِهِم للجُمْلَة تِجِي .. يعنيْ بـ النيّة ..!


مليآآأآأآرْ شُكْرآ ~ ..



::


\/

[الفنانة]

المشاركة الأصلية كتبت بواسطة أنثى نرجسية :: \/ ممممْ طيّب فنآنَة هيّآ آرْبَعَة جُملْ شوفيهَآ .. When i plan a trip , always get as much information as possible When i finish this project , i will take some time off :: if it’s possible , we make our travel plans in advance if the weather is nice , i will go to the beach :: \/

الجملة الأولى :

بالمعنى هوا هنا ماخصص وقت محدد .. يقول كل مرة يبغى يروح في رحلة .. يجمع معلومات
معناته راح نستخدم القاعدة الاولى .. اللي هيا simple present في الاتنين :)
كل ما اخطط لرحلة .. اجمع كل المعلومات الممكنة :)

الجملة التانية :

برضو بالمعنى :
لما أخلص من مشروعي دا ، حآخد بريك
اللي هيا القاعدة التانية حقت الفيوتشر :
الـ clause الاولى simple present
والتانية : استخدم will اللي هيا تعبر عن المستقبل :)

الجملة الثالتة:

برضو بالمعنى ..
هنا تنفهم بدي الطريقة ..
لما يكون فيه فرصة..(في اي وقت) نخطط بشكل منظم اكتر لسفراتنا ..
القاعدة الاولى ..


الجملة الرابعة :

إذا كان الجو حلو ، حأروح البحر
القاعدة التانية طبعا .. لانه يقول .. إذا ..( طبعا هوا مو عارف اذا الجو حيكون حلو او لا)

اهم شي حاولي انك تفهمي الجملة .. وبعدين طالعي الاحتمالات الممكنة .

ان شاء الله اكون ساعدتك
احس باحساس غريب .. لانه دا الشي يعتمد عليكي اكتر من انك تتبعي قاعدة معينة

[بيو كيميائية ^_^]

ايش مسوين بنات إن شاء الله خلصتوا مو مثلي

[الفنانة]

زهرورة وطي صوتك اتهزأنا من نرجسية ههههههههه

انا لسا مع الفوكابلري :)

[بيو كيميائية ^_^]

اوه سوري ايش صاير
هذا سؤال عادي هههههههههه

أنا صراحة أخاف منها

[~Aspirant~]

الله يسعـــــــــــــــــــــــدك يالفنانة

قولي آمين

فرجتيها علينا الله يفرج همك

[الفنانة]

وي تسلمي قلوبي ..
آمين ولك كمان وللجميع
حبيت البينك والاسود ;)

اي شي احنا حاضرين

[أنثى نرجسية]

::


\/



آيوَآ يآ فنّــآنَة كلْ مآلهآ بتضبطْ معآيَآ حبّة حبّة .. مآقَصَرتِ


يآجمآعَة آشْ الحِكَآيَة حقتْ آخوّف هههههههه ترآ والله آليفَة


يِـ الله بـ التوفيقْ للجميعْ آسمعوَآ كلآمْ آنْ نآونْ لآآووصيــكمْ




::


\/