تجمع طلاب الهندسة الكهربائية ( Electrical Engineering Students Group )

[i Engineer]

السلام عليكم

ممكن اعرف المواد اللي تنزل في الصيف هندسة كهربائية

لاني طالب زائر


وشكرا


مستعجل ياشباااب

[وسيم الإتحاد]

يا إخوان ,,, أنا أبغى مساعدة في موضوع مشروع التخرج والتدريب الصيفي ,,,

أنا متخصص إلكترونيات واتصالات ومع نهاية هذا الترم أخلص ثلاثة سنين في الجامعة إن شاء الله

أبغى آخذ التدريب بعد نهاية السنة الرابعة والمشروع مع بداية السنة الخامسة (( لأني سمعت إنه على مدار ترمين )) وانا أبغى أخلص إن شاء الله في خمسة سنين

المهم ...
في خلال الترم الصيفي الجاي + السنة الجاية (( بترميها الاول والثاني )) أبغى أخلص إن شاء الله كل المواد إللي تفتحلي المشروع والتدريب ,,,
طبعا من خلال الأودوس (( الفاشل )) كان مبين لي إنها (( ee 366 و ee321 )) وطبعا لازم المواد إللي تفتحلي هذي المادتين مثل الجافا وee 360 وغيرها ,,,

لكن جاني واحد من الشباب يقول الأودوس غلط وفي مواد أخرى لازم تخلصها ,, واحد ثاني قالي لازم كل المواد إللي أرقامها في (( 300 )) لازم تخلصها


أرجو الإفادة (( وآسف على القصة الطويلة ... لكن أبغى إللي يجاوبني يكون فاهم القصة كاملة ))

وشكرا ,,,

[Eng.Makrof]

سلام شباب .. انا طالب هندسة مستجد وحاب استفتسر عن مواد تخصصات الهندسة الكهربائية

انا سمعت انو الاختباارات تعجيزية لدرجة انو الواحد قد ما يزاكر ويتمرن ويبذل جهد ما يبدع في الاختبارات ويجيب درجة a او b

انا عن نفسي منجذب للكهربا مرة بس مش عارف اي تخصص فيهم كلهم مغريين .. ف قلت اشوف اي تخصص دسم وايت سلس عشان احدد ايش ادخل وشكرا ..

[الباش مهندس faisal]

^^^
ياشباب في احد اخذ النيوميركل مع الدكتور علاء جوده؟؟ ياريت يقولنا كيف المادة معاه ومعملها وتوزيع الدرجات فيها كيف وهل الماده صعبه او سهلة؟؟ زي ايام الفهيد الله يرحمة الله يجزا اللي يرد علي خير ويوفقه وينجحه ويحققلة الي في بالة في هذة الجمعة المباركة ,,,

[Del-Piero-10]

المشاركة الأصلية كتبت بواسطة الباش مهندس faisal ^^^ ياشباب في احد اخذ النيوميركل مع الدكتور علاء جوده؟؟ ياريت يقولنا كيف المادة معاه ومعملها وتوزيع الدرجات فيها كيف وهل الماده صعبه او سهلة؟؟ زي ايام الفهيد الله يرحمة الله يجزا اللي يرد علي خير ويوفقه وينجحه ويحققلة الي في بالة في هذة الجمعة المباركة ,,,

جدا سهلة لا تشيل همها ... الترم الماضي اخذتها والله يجزاه خير الدكتور علاء اخلق ومحترم وطيب ومتفهم

[Ahmed2007]

ياشباب ممكن تفيدونا من ناحية الدكاترة نبغى ناخذ فكرة سنوسي وعجور في البيسك 250 ؟
مين احسن وزي كدة ياريت تفيدونا

[Del-Piero-10]

المشاركة الأصلية كتبت بواسطة ahmed2007 ياشباب ممكن تفيدونا من ناحية الدكاترة نبغى ناخذ فكرة سنوسي وعجور في البيسك 250 ؟ مين احسن وزي كدة ياريت تفيدونا

انا اخذت عند سنوسي لكن انصحك خذ عند عجور ... سنوسي مشكلته في التصحيح لو الحل النهائي غلط يروح عليك السؤال كامل ... الاثنين كلهم اخلاقهم حلوه وفلة بس افضل عجور وبالتوفيق

[mamh]

ياشباب ابغى رايكم في هذا الجدول
في البداية كنت محتار بين الجافا وماث 205 بس الماث 205 تفتحلي مواد


ie201
phys202
arab201
math205

13 ساعة

علما اني منزل في الصيفي هذا ماث 204 وثقافة 201


ياليت تفيدوني ^^

[Eng. Ahmed]

السلام عليكم
كيفكم يا شباب

بغيت اسأل كم الحد الاقصى من الساعات يعطون الطالب الخريج؟

وهل تجمع ثلاث مواد بجدول واحد وهي من 4 ساعات ؟

وبالنسبه لمشروع التخرج هل يتعارض مع اوقات باقي المحاضرات ام انهم يختارون وقت يكون متاح للجميع , ولو نزلته في ترم 1 هل اقدر انزل مواد بوقته ؟

ولكم خالص الشكر وبالتوفيق ياااارب

[Eng. Ahmed]

المشاركة الأصلية كتبت بواسطة Eng. Ahmed السلام عليكم كيفكم يا شباب بغيت اسأل كم الحد الاقصى من الساعات يعطون الطالب الخريج؟ وهل تجمع ثلاث مواد بجدول واحد وهي من 4 ساعات ؟ وبالنسبه لمشروع التخرج هل يتعارض مع اوقات باقي المحاضرات ام انهم يختارون وقت يكون متاح للجميع , ولو نزلته في ترم 1 هل اقدر انزل مواد بوقته ؟ ولكم خالص الشكر وبالتوفيق ياااارب

,,,,,,,,,,,,,,,,