هنا التواصل طلاب ماجستير الاحصاء

[snowystorm]

المشاركة الأصلية كتبت بواسطة أم بنــدر طيب يابنات نبغى اسئلة اختبار القبول للماستر وعلى ايه نركز في المواد..

الدعوة تجننننن وفي إبتسامة كبيرة بوجهي وزي الأطفال أكتب وأمسح من كثر مااتلخبط خايفة أحد يسبقني هههه الله يسعدك ويشفيك ويجعله طهور ونور ورفعة درجات لك ويعطيك لين يرضيك على هذه الدعوة...
أم بندر ياحلوة الأسئلة ع سنتي كانت إختيارية (تعاريف) وإثباتات هذا اللي فاكراه ..بالنسبة للمذاكرة والله ياحبيبتي لاخليت ولابقيت ذاكرت 12مرجع رياضيات وإحصاء زي المجنونة لأني ماكنت عارفة ايش وضع الأسئلة وما أحد رضى يفيدني من البنات اللي كانوا مقدمين معايا (شريرين) فأشتريت مراجع من خورازم وجلست اذاكر وانقبلت انا وكم وحدة معايا مرة عسولين الحمدلله..عموماً حسيتها أغلب من مادة إستدلال إحصائي...وبالنسبة لأسئلة أول العام كانت الدكتورة تتكلم فيها وانا عندها وتقول لازم يكون ضمن الأسئلة إثبات ولازم مسألة ...أكيد دلوعة غير حتفيدك لأنها من الدفعة الجديدة (دلوعة غير عرفتيني :) هههه وإلا لساتك )

موفقّة أم بندر ونسمع منك أخبار حلوة

[أم بنــدر]

حياك الله اختي snowystorm ماشاء الله عليكي ربنا يفتح عليك فتوح العاارفين...

بس انتي عارفة مواد الجامعة كثيرة يعني والاحصاء معروف بكثرة القوانين وصعب اني اذاكر كذا مرجع..

لو كانت مادتين او 3 مقدور عليها لكن اذا اكثر اتوقع مرة صعب الوضع...

ياليت تفيدونا يابنات

[snowystorm]

المشاركة الأصلية كتبت بواسطة أم بنــدر حياك الله اختي snowystorm ماشاء الله عليكي ربنا يفتح عليك فتوح العاارفين... بس انتي عارفة مواد الجامعة كثيرة يعني والاحصاء معروف بكثرة القوانين وصعب اني اذاكر كذا مرجع.. لو كانت مادتين او 3 مقدور عليها لكن اذا اكثر اتوقع مرة صعب الوضع... ياليت تفيدونا يابنات

ياحبيبة قلبي أنا على سنتي ما أحد فادني بالمراجع اللي يفترض أذاكر منهم لكن بعد كذا لاحظت د.جنات ربنا يسعدها كانت تقول للبنات المتقدمين المراجع اللي يذاكروا منها وحتجي منها الأسئلة ومرة من المرات أفتكر السكرتيرة قالت لطالبة تسأل شوفي موقع القسم حتلقي نازلة فيه المواد ...لحظة أشوفلك فيه لو قدرت أنزلهم ليكي هنا

[snowystorm]

يلا ابغى دعوة من قلبك تكون حلوووووووووووة أدعيلي وأنتي ساجدة بليز انه ربي يحقق لي كل اللي في بالي ...إبتزاز عيني عينك

خذي ياقلبي هذا نسخته لك من صفحة القسم وانتي كمان أسأليهم عشان تتطمني
(((اختبار القبول لطلاب وطالبات الإحصاء والإحصاء حاسبات يقيس تحصيل الطالبة في خمس مواد وهي 211, 312, 321, 422, 351 . بينما يتم اختبار الطلاب والطالبات المتقدمين من قسم الرياضيات في ثلاث مواد وهي 201, 211, 312 *.)))

بالتوفيق حبيبتي

[دلوعه غير]

المشاركة الأصلية كتبت بواسطة أم بنــدر حياك الله اختي snowystorm ماشاء الله عليكي ربنا يفتح عليك فتوح العاارفين... بس انتي عارفة مواد الجامعة كثيرة يعني والاحصاء معروف بكثرة القوانين وصعب اني اذاكر كذا مرجع.. لو كانت مادتين او 3 مقدور عليها لكن اذا اكثر اتوقع مرة صعب الوضع... ياليت تفيدونا يابنات

اهلين أم بندر

أنا دفعة 2010

الاسئلة حقتنا كانت

اختياري: يشمل تعريفات ونظريات
وجاتنا كم مسألة(حلول) : يعني زي moment geniration function
وبصراحه مني فاكره مره مزبوووط
وجاتنا كمان فراغات: مثلا توزيع f لو كم درجات حرية
و ............

بس اغلب الاسئلة في المواد: 312-321-
وانصحك بكتاب دكتور جلال الصياد حق نظرية الاحتمالات

وانتي اسئلي دكتورة جنات اكيد حتفيدك في المراجع

ولا تنسي تدعيلي :)

[دلوعه غير]

المشاركة الأصلية كتبت بواسطة snowystorm (دلوعة غير عرفتيني :) هههه وإلا لساتك )

في بالي 7 اسمااااء :)

شفتي كيف ذكيه

يلا قوليلي اول حرف من اسمك وانا اكمل الباقي ^_^ ،،،،

بس ما قلتيلي ايش معنى قلتي اني بحرف ج ؟؟؟!!!

[أم بنــدر]

ربنا يجبر بخواطركم ياااااارب ويسهل امووركم...

بس عاد تصدقوا 351 مرة القوانين كثيرة تبعتها و321 و422 شي مرة صعب خخخخخخخخخخخخ

الله المستعان وربنا يسهل امري ادعوووووولي خلاص دحين 3 مرة اقدم حسيت نفسي فاااشلة

[دلوعه غير]

المشاركة الأصلية كتبت بواسطة أم بنــدر ربنا يجبر بخواطركم ياااااارب ويسهل امووركم... بس عاد تصدقوا 351 مرة القوانين كثيرة تبعتها و321 و422 شي مرة صعب خخخخخخخخخخخخ الله المستعان وربنا يسهل امري ادعوووووولي خلاص دحين 3 مرة اقدم حسيت نفسي فاااشلة

انا 351 مررررررره ما مسكتها لان قوانينها كتييييييييييير مرررررررره

ويبغالك تتأكدي من دكتورة جنات اذا حتذاكروها أو لا،، لأنو سنتنا ما جا منها شي،،

أما 321 مهم جدااااااا تذاكريها لأن اغلب الامتحان اذا مو كلووو مركز على 321 و312

أما 422 برضووو أتأكدي من د-جنات

وبإذن الله تبشرينا بقبووولك

[الركن الشمالي]

المشاركة الأصلية كتبت بواسطة دلوعه غير انا 351 مررررررره ما مسكتها لان قوانينها كتييييييييييير مرررررررره ويبغالك تتأكدي من دكتورة جنات اذا حتذاكروها أو لا،، لأنو سنتنا ما جا منها شي،، أما 321 مهم جدااااااا تذاكريها لأن اغلب الامتحان اذا مو كلووو مركز على 321 و312 أما 422 برضووو أتأكدي من د-جنات وبإذن الله تبشرينا بقبووولك

321 الجزء الأول (المقدرات) من كتاب الصياد أم 422 الجزء الثاني من الكتاب( أختبارات الفروض)
أما الجزء الثالث 351 الطرق اللا معلمية (مهم جدا ويغني عن الكثير).
أو كتاب (أسس نظرية التقدير )للدكتور : عبدالله الشيحة من جامعة الملك سعود وهو مترجم من الكتاب
Mood, A.M., Graybill, F.A. and Boes, D.C. Introduction to the Theory of Statistics, McGRAW-HILL, Singapore

كما أنصحك بالاتصال على الدكتور بندر الزهراني مع بداية الدراسة (عن طريق هاتف مكتبه).وهو راح يفيدك ويعطيك المراج المهمة.
والله يسعدك و يسهل أمرك

[أم بنــدر]

جزاكم الله خييييييييييييييييير وربنا يسعدكم ويسخر لكم الطيبين..

الله يكرمكم ويكرمنا ويحقق لنا احلامنا ياااارب