الأسئلة والاستفسارات عن كلية طب الأسنان ..

[Dr~NanoOok]

بالنسبة للمنتدى

كل دفعة ليها منتدى خاص بيها للتواصل مابين دفعة البنات والأولاد
نحط فيه كل شي من معلومات ومحاضرات وتلخيصات ....

وغالبا يكون خاص بينا فقط .. وما نخلي الدكاترة يطلعوا على الأشياء اللي فيها
عشان بعض الدكاترة لما يشوفوا أن الطلبة مركزين على حاجة أو مراجعينها أكثر
ما يجيبوها في الاختبار !!

عشان كده تشوفوا المنتدى هنا فاضي.. ومافي معلومات دراسية
وكل الطلبة بيروحوا منتداهم الخاص
(أضمن وأامن للدفعة )


وإن شاء الله على بداية السنة الدفعات الأكبر منكم حيجوا ويكلموكم ويقولولكم كيف تعملوا منتدى وكل شي

فلا تاخدوا هم .. خلوها مع بداية الدراسة

[M!Šs JỏJỏ]

المشاركة الأصلية كتبت بواسطة dr~nanoook بالنسبة للمنتدى كل دفعة ليها منتدى خاص بيها للتواصل مابين دفعة البنات والأولاد نحط فيه كل شي من معلومات ومحاضرات وتلخيصات .... وغالبا يكون خاص بينا فقط .. وما نخلي الدكاترة يطلعوا على الأشياء اللي فيها عشان بعض الدكاترة لما يشوفوا أن الطلبة مركزين على حاجة أو مراجعينها أكثر ما يجيبوها في الاختبار !! عشان كده تشوفوا المنتدى هنا فاضي.. ومافي معلومات دراسية وكل الطلبة بيروحوا منتداهم الخاص (أضمن وأامن للدفعة ) وإن شاء الله على بداية السنة الدفعات الأكبر منكم حيجوا ويكلموكم ويقولولكم كيف تعملوا منتدى وكل شي فلا تاخدوا هم .. خلوها مع بداية الدراسة

جزاك الله خير :)
قمورة مو مرة شايلين هم بس اشوف احسن انو من دحين نعملوا وكدا
انو نبدا دراسة واحنا مرتبين ومنظمين كل شي
انا عن نفسي ما اعرف اعمل منتدى وفي نفس الوقت ما ابغاا اشغل غيري انو يعملو وعندو مزاكرة

ويسلموووو

[Dr~NanoOok]

بالنسبة للوقت .. بالبداية كنا نلاحظ صعوبة وانه ما يمدي لكثرة الاسئلة
تقريبا 120 سؤال mcq's غير المقالي

بس بعدين اتعودنا وصار نص الوقت يجي واحنا مخلصين ^^

و اكثر رقم قياسي وصلناه للان هو 160 سؤال هههههههههه
سباق مع الزمن !

بس تقدروا تنظموا نفسكم وتحلوا الاسئلة السهلة باقل من دقيقة وبشكل سريع
يصير الوقت الباقي استغلوه في الاسئلة اللي تحتاج اكتر من دقيقتين

وبالنسبة للاسئلة المقاليه اتركولها وقت كافي عشان تقدروا تكتبوا براحتكم كل المعلومات اللي عندكم عن السؤال

[~RAN~]

امم جاء سؤال في بالي فجأه

هل ممكن في دكتوره تدرسنا سنه ثانيه

وممكن تدرسنا مره ثانيه في سنه ثالثه او رابعه وهيك ؟
او حتى دكتور

[M!Šs JỏJỏ]

سوري ع كتر الاسئلة s:

* في الاختبارات اسئلة الاولاد والبنات موحدة ؟
* ايش افضل جهاز لتسجيل المحاضرات ؟
* ايش فايدة اللجنة العلمية وموجودة في طب الاسنان ولا بس البشري ؟

جزاكم الله كل خير واتمنالكم الخير في الدنيا وآخرة

[Dr~NanoOok]

المشاركة الأصلية كتبت بواسطة M!Šs JỏJỏ جزاك الله خير :) قمورة مو مرة شايلين هم بس اشوف احسن انو من دحين نعملوا وكدا انو نبدا دراسة واحنا مرتبين ومنظمين كل شي انا عن نفسي ما اعرف اعمل منتدى وفي نفس الوقت ما ابغاا اشغل غيري انو يعملو وعندو مزاكرة ويسلموووو

طيب كيف حتجمعوا كل أفراد الدفعة وتخبروه على المنتدى
وايش ممكن تحطوا في المنتدى قبل ما تدرسوا او تاخدوا شي ؟

فلا تستعجلوا

المشاركة الأصلية كتبت بواسطة M!Šs JỏJỏ سوري ع كتر الاسئلة s: * في الاختبارات اسئلة الاولاد والبنات موحدة ؟ * ايش افضل جهاز لتسجيل المحاضرات ؟ * ايش فايدة اللجنة العلمية وموجودة في طب الاسنان ولا بس البشري ؟ جزاكم الله كل خير واتمنالكم الخير في الدنيا وآخرة

ولا يهمك يا عسل .. اسألي زي ما تبغي وخدي راحتك =)

الاختبارات دايما تكون موحدة ما بين البنات والأولاد
وممكن نفس الدكاترة بيدرسوكم

وعلى سنة ثالث ورابع وما بعدها
كل الدكاترة يكونوا مشتركين ما بينكم انتوا و الأولاد

~

سجلوه بجهاز التسجيل الخاص .. ويكون mp3
حتى الأنواع الرخيصة اللي بحدود 100 ريال تعتبر جيدة
بس حطوها في مكان قدام و الصوت واضح

بس لا يشوفوها الدكاترة لأنهم ينزعجوا .. وبعضهم يمنع التسجيل

~

احنا بالأسنان عاملين نظام ثاني لينا
( ودفعتنا اللي اخترعت هذا الشي ^_^ )

وهو تقسيم مجموعات لكل مادة دراسية
وكل مجموعة عبارة عن 2-5 أو أكثر من الطلبة

شغلهم هو كتابة الملاحظات من المحاضرة.. واعادة تنسيقها وانزالها بشكل رسمي للدفعة كلها
و يروحوا للدكاترة ياخدوا الشيتات منهم عشان تنطبع للدفعة
أي أسئلة اختبارتا ساققة.. تلخيصات وأشياء مهمة يدوروا عليها ويعطوها للدفعة

وهكذا

ومن جد الموضوع بكده صار مررره مرتب.. والناس اللي بالجروبات يعتمد عليها وبتنتج عمل رائع
وماشالله دفعتنا أغلبها درجاتها عالية دايمة << ما انكر انهم مررره دوافير "^^
لكن للتعاون و حب المساعدة ومشاركة المعلومات ليها أثر كبييير

ماشالله بسنة ثالث وهي أصعب السنين
أغلب درجات الدفعة عالية .. وفقط اثنين من الدفعة رسبوا
مع ان كل سنة تقريبا 5-10 طلبة على الأقل رسوب !

وبسنة رابع اتعاونا أكثر .. حتى ما بيننا ودفعة الأولاد
من جد كل لما يزيد التعاون.. يزيد العطاء.. والنتائج المبهرة !
والحمدلله أفضل النتايج كانت بنهاية هذه السنة ^_^


زي ما قلت من قبل ..

اتعاااااونوا وخلوا قلوبكم على بعض
وربي حيعطيكم على قد نيتكم و حيرضيكم

[M!Šs JỏJỏ]

جزاك الله كل خير ما قصرتي
ربي يسعدك وينور دربك وتكوني احسن دكتورة اسنان في الدنيا
مرة مرة شكرااااا :)

[~RAN~]

عندي استفسار

بما انه اغلب موادنا سنه ثانيه مواد بشريه
رحت شفت الكتب الي عندي في البيت
وطلعت كم كتاب وحابه اسأل اذا راح تفيدني او لا

وهذي صورها مع اسمائها ورقم الطبعه


biochemistry
الطبعه الثانيه




clinical anatomy
الطبعه السابعه



color textbook of histology
الطبعه الثانيه




atlas of histology



pharmacology


ولسه في كتب كثير بس ماتوقع انها تفيدنا في طب الاسنان
~

[Kaira]

بالنسبة للكتب في سنة تاني مررررررررة مااحتجنا للكتب
يعني زي أول كتاب دا بايو كميستري
وكنا ندرس من أوراق وشيتات الملاحظات إلي كنا نكتبها مع الدكاترة ..
الكتاب يشرحلك بالتفصيل وبوضوح أكتر لو ما فهمتي نقطة معينة في الدرس
بس الشيتات كانت كااااافية وشاااااملة ويااااادوب تكفي نزاكرها من كترة الكلام إلي فيها ^^"
حتى الصور موجودة تكون في الشيتات لأنو الدكاترة يآخدو الصور من الكتاب دا نفسو ويشرحو عليها
يعني pathway معين وزي كدا ..
أنا عن نفسي ما احتجت للكتاب الحمدلله ..

بالنسبة للـ Anatomy برضو كنا ندرس من شيتات وأوراق وكنا نرجع للكتاب بس للصور ..
في أطلس اسمو Grays Anatomy >> أتوقع كدا السبيلنغ صح ^^" مررررررررة كويس دا الكتاب للصور
ودكتورات كتيييير نصحونا بيلو
كمان في كتاب تاني مررررررررة كويس اسموNetter's غلافو رمادي وكتيييييير بنات أشتروه عشان الصور خاااصة في الترم التاني مع جزء الــ Head & Neck وكمان جزء الــ Neuroanatomy
لكن كمعلومات وكدراسة ندرس من الشيتات حقت الدكاترة بس ^^
وطبعا أسئلة الكومون حقت السنوات السابقة جدا مهمة ولا تخافو راح نساعدكم من دي الناحية ^_~ ..

برضو نفس الكلام للــ Hitology & Embryology نكتفي من الشيتات والأوراق والملاحظات إلي نكتبها ..

ومافي أطلس للـ هيستولوجي ^^..
بس كان في كتاب رسم راح يقولوكم عليه الدكاترة أول ما يدخلولكم تشتروه عشان ترسمو معاها كل كلاس ..

الــ Pharmcology دا مو في سنة تاني
راح تآخدوه انشاالله في سنة تالت ^^..

وأي سؤال تاني أو استفسار أنا حاضرة ^^

[~RAN~]

^
جزاك الله خير ياعسل ^^
وان شاء الله ربي يوفقك ونشووفك افضل دكتوره يارب ~