||طُـمـوحـات و همم تُعانق سماء المجد♥ :كُل ما يخص المعدل الجامعي:

[haneen k]

صح الي ياخد f ماياخد مرتبة شرف

طيب انا اخدت f في الرياضيات و حرجع ادرسها

برضو ماراح يعطوني مرتبة شرف لو جبت معدل

[نــورهـ]

السلام عليكم و رحمة الله و بركاته ..

حيا الله الجميع و أعتذر ع تأخري في الرد , كنت بعيدة الفترة السابقة عن المنتدى لظروفي و جاري الرد على الجميع سواء في هذا الموضوع أو على الخاص ما يصير خاطركم إلا طيب ..

المشاركة الأصلية كتبت بواسطة haneen k صح الي ياخد f ماياخد مرتبة شرف طيب انا اخدت f في الرياضيات و حرجع ادرسها برضو ماراح يعطوني مرتبة شرف لو جبت معدل

ايوة أختي اللي يأخذ f ما يأخذ مرتبة الشرف حتى لو معدلك عالي للاسف ..

ربي يوفقك و يعوضك خير :) ..

[نــورهـ]

المشاركة الأصلية كتبت بواسطة أنجليكا ربنا يخليكِ يا حبيبتي ، والله من بعد كلامك غيرت خططي تماما وقلت خلاص باخذ السنه كامله وأمري لله ، ف أخذت ورقه وقلم وكتبت المواد الحره والإختياريه إلي متاحه لي وطلعت بعدد لا بأس به من المواد وقلت الترم الأول باخذ 6 مواد ، 5 منها أساسي ووحده حره كلهم 3 ساعات ، والترم الثاني باخذ 8 مواد كلهم حره وإختياري 3 ساعات كذا مجموع المواد عندي 14 ماده .. كم ممكن يرتفع معدلي لو أخذت فيهم كلهم a وكم وحده مثلا b ؟ عشان ما أكون متفائله بزياده للتذكير : حالة الطالب فعال المعدل 3.36 الساعات المسجلة 120 الساعات المجتازة 117 ساعات المعدل 120 وعشان مااتعبك معي كل شويه ، ممكن تقوليلي كيف تسوي الحِسبه هاذي ؟! الله يكتب أجرك يارب ورمضان كريم

حياكِ الله أختي و كل عام و إنتِ بخير و عافية :) ..

أوك الترم الأول يوصل~ مادتين جيد جدًا مرتفع و أربع مواد امتياز فقط يوصل 3.55..

الترم الثاني بناء على الترم الأول~ الخمس مواد امتياز فقط يوصل 3.67..

كل ما شديتي حيلك و حصلتي على درجات عالية حيرتفع معدلك بإذن الله ..

حبيبتي حساب الطريقة يدويًا مفصلة أول الموضوع و ممكن إلكترونيًا هنــآ ..

آآمين و إياكِ يا رب و الله يوفقك و يكتب لك الخير..

[نــورهـ]

المشاركة الأصلية كتبت بواسطة memo.s السلام عليكم د.نورة معدلي حاليا 4.14 الساعات المجتازة 56 وماعرف كم ساعة باقي لي دورت بالاودس ماعرفت من فين اطلعها انا رايحه للمستوى الخامس باقي لي على التخرج سنتين ونص سجلت للترم الجاي 5 مواد كلها 3 ساعات ماعدا مادة ساعتين ممكن أوصل معدلي ل 4.50 امتياز ؟

المشاركة الأصلية كتبت بواسطة memo.s الساعات المجتازة 56 لكن لمن دخلت على خطتي تبع التخصص مكتوب المجتازة 35 والمتبقية 93 هل في امل يوصل المعدل للممتاز ؟

و عليكم السلام و رحمة الله و بركاته ..

حياكِ الله :) ..

تقريبًا يوصل للامتياز بس أهم نقطة كل موادك الجاية امتياز مرتفع ..

حسبت لك هذا الترم يوصل إلى 3.39 ..

كم عدد المواد الباقية و ساعاتها؟ ..

الله يوفقك و يبلغك ما تطمحي له :) ..

[نــورهـ]

المشاركة الأصلية كتبت بواسطة آميرة الحلاآ السلام عليكم .. د / نورة انتي سبق وحسبتي لي معدلي بس ماانتبهت للساعات المسجلة .. واسفة جدا اني هتعبك معاي تااني .. احس فيه لخبطة فهميني ايش الفرق بين الساعات المسجلة وساعات المعدل والساعات المجتاازة ؟ واحسبي لي معدلي الساعات المسجلة : 84 ساعات المعدل: 71 الساعات المجتازة 65 ساعات المعدل المطلوبة : 128 المعدل : 4.02 باقي لي على الخطة 21 سااعة .. كل مادة 3 ساعات اقدر ارفع المعدل : 4:50 انا بأخذ قد مااقدر مواد حررة .. طموحي ابي اوصل للإمتياز .. يارب مايكون استحالة .. وجزاك الله خير وجعله في ميزان حسناتك

و عليكم السلام و رحمة الله و بركاته ..

حياكِ الله و كل عام و إنتي بخير و سعادة :) ..

الساعات المسجلة هي عدد ساعات المواد اللي سجلتيها سواء نجحتي أو رسبتي فيها ..

الساعات المجتازة هي اللي نجحتي فيها فقط ..

باقي لك 21 ساعة كل مادة بثلاث ساعات يعني سبع مواد و بحسابها يوصل معدلك إذا كانت كل درجاتك امتياز مرتفع إلى 4.22 , أما امتياز فقط يوصل إلى 4.17..

الترم الآول لسى بدايته ما عدى منه إلا شهر يعني عندك فرصة تبذلي أقصى جهد و تصرفي كل طاقتك في إنك تحصلي على الامتياز المرتفع في كل المواد ..

خذي مواد حرة لكن أهم شيء يكون مضمون فيها الامتياز حتى ما تخسري اللي وصلتي له + اختاري المادة بعناااااية حسب دكتور المادة و مدى سهولتها لانها حرة مو تخصص عشان تبذلي فيها وقت كبير و تتعبي ..

آمين و إياكِ يا رب و الله يوفقك و يفتح عليك فتوح العارفين :) ..

[نــورهـ]

المشاركة الأصلية كتبت بواسطة آميرة الحلاآ هل في امكانية ارفع معدلي للإمتياز وكم احتاج مادة حرة اضافية ؟ وكم ترم احتاجه ؟ اقدر اخذ اكثر من 6 مواد في الترم الواحد .. ؟

أكون صريحة معك لا ما يوصل للامتياز و لعدة أسباب ~

ما يمدي تأخذي ستة مواد حرة في ترم واحد لان ما بتلقي 6 مواد سهلة و تناسب جدولك + مضمون فيها الامتياز ..

بأكد لك على شغلة إنك تحافظي على اللي في يدك و تنتبهي عليه لا تضيفي إلا بعد ما تعرفي عن المادة تمام التمام ..

+

المعدل ما يرتفع ارتفاع كبير في الاترام الاخيرة لان يصير الميزان ثقيل ممكن تدرسي خمس مواد و كلها امتياز لكن الارتفاع أربع نقاط و كأن مادة مو محسوبة و ممكن تدرسي ستة و يرتفع ثلاث نقاط أو تدرسي ستة و يرتفع ست نقاط و الارتفاع هذا يختلف من معدل للثاني كله حسب عدد ساعاتك - درجاتك - عدد ساعات مواد الترم الواحد ..

و الله ما أتمنى كلامي يحبط أي شخص يقرأ هنا لكن حتى تكوني في الصورة و أكون واقعية و صادقة معك ..

إن حصلتي ست مواد مضمونة و سهلة و سمحوا لك ع الترم الثاني أضيفيها أو حتى ثلاث مواد أهم شيء ترتفع نقاط معدلك و توصلي لشيء قريب من الامتياز ..

أسأل الله لكِ التوفيق و نجاح يتبعه فلاح , دائمًا ادعي بنجاح يتبعه فلاح و رزق و بركة و توفيق جدًا مهم ..

[نــورهـ]

المشاركة الأصلية كتبت بواسطة سنيني يَم موضوع رائع وجداً مفيد ماقصرتي دكتوره نوره حبيت اسألك بخصوص معدلي للأسف معدلي 2.32 قدر الله وما شاء فعل ابغا ارفعه عالأقل اوصل جيد الساعات المجتازه 91 والساعات المطلوبه 128 باقيلي 13 ماده تقريباً حاخذهم على ثلاث اترام كل ماده 3 ساعات ماعدا وحده ساعتين والحره باقيلي ماده والاختياريه مادتين كم تتوقعي يرتفع معدلي وكم ماده تنصحيني آخذ كل ترم لانو سمعت لو كانت قليله ودرجات حلوه هالشيء حيرفع المعدل انا كنت اخذ 6 وهالشيء سببلي ضغط

المشاركة الأصلية كتبت بواسطة سنيني يَم لا مو نفسها المسجله 120 الساعات المجتازه 91 المواد ايوا شامله الحره والاختياريه

هلا أختي كل عام و إنتي بخير و عافية :) ..

الترم الأول 5 مواد~ إذا كل المواد امتياز فقط يوصل 2.57 ..
الترم الثاني5مواد~ بناء ع الترم الأول - 2.78 ..
الترم الثالث 3 مواد~بناء ع الترم الثاني - 2.90 ..

حاولي تضيفي مواد حرة زيادة حتى توصلي إلى معدل الـ 3 ..

ربي يوفقك و يبلغك ما تطمحي له :) ..

[نــورهـ]

المشاركة الأصلية كتبت بواسطة حلم قريب السلام عليكم أبى أرفع معدلي ل 4.50 قبل التخرج حاليا معدلي 3.98 الساعات المجتازة 65 و والساعات المتبقية 63 عندي مادتين حرة لسه ما أخذتهم ومادة عامة وباقي المواد تخصص وكل المواد سواءا حرة وعامة وتخصص من 3 ساعات وعدد المواد كلها 21 مادة كيف أقدر ارفع معدلي ل4.50 ؟ و هل بإمكاني ؟ وكم مادة آخذ كل ترم عشان يرتفع المعدل ؟

و عليكم السلام و رحمة الله و بركاته ..

حياكِ الله أختي و كل عام و إنتِ بخير و سعادة :) ..

أبشري لكن كم عدد الساعات المسجلة عشان أقدر أحسب ؟..

موفقة يا رب ..

[نــورهـ]

المشاركة الأصلية كتبت بواسطة بحوور! السلام عليكم ورحمة الله وبركاته جزاك الله خير على الموضوع المفيد والقيم واستفدت من معلومات ماكنت أعرفها قصة الضفدع راقت لي :) ، وأعتقد أن جميع طلاب باستطاعتهم التفوق يتطلب مجهود وأيضا يتطلب من بعض الأستاذة الشرح بدقة خاصة في مواد حسابية كما أتمنى أن أكون أصم عندما أتعرض ل أحباط لكن أحيان عندما لا نعبر عن غضبنا أو مشاعرنا لمن يحبطنا أو يجعل مطبات في طريقنا في الغالب هم : يسممون أفكارنا " وياليت الجميع أصم في مثل هذي المواقف لرفع لفائدة والأجابة على بعض تساؤلات معدل تراكمي : 2,79 معدل الفصلي : 2,33 الساعات المجتازة: 81 الساعات المسجلة :87 الساعات المعدل : 87 البرنامج الوحدات المطلوبة: 122 الوحدات المجتازة :81 المقررات المجتازة : 28 بقى لي التخرج إن شاء الله سنة وترم عندي 14 مادة كلها 3 ساعات ومادتين فقط 2 ساعة من ال14 طبعا معدلي أول سنة في جامعة كان 3.31 ، السنة الثانية 2,56 أعتقد والأن المعدل : 2,33 هل من ممكن أن يصبح 4 ؟

و عليكم السلام و رحمة الله و بركاته ..

حياكِ الله أختي و كل عام و أنتِ بخير و سعادة :) ..

و إياكِ يا رب الله يسعدك , صدقتي المجهود من الطرفين لكن يظل المجهود الأكبر ع الطالب ..

ياليت الجميع يكون أصم أمام كل ما يسمع كمان عندي مبدأ حتى التحفيز ما أنتظرهـ من أحد لازم أنا أحفز نفسي بنفسي و أعطيها و أعاقبها و أكائفها يعني أبني و أحتوي نفسي من كل النواحي بيدي بعد الله ..

الترم الآول~ 5 مواد إذا كانت الدرجات امتياز مرتفع يوصل 2.68 أما امتياز فقط يوصل 2.64..

الترم الثاني~ 5 مواد إذا كانت الدرجات امتياز مرتفع يوصل 2.91أما امتياز فقط يوصل 2.88..

الترم الثالث~ 4 مواد إذا كانت الدرجات امتياز مرتفع يوصل 3.08 أما امتياز فقط يوصل 3.06 ..

للاسف لا ما يمدي توصلي 4 لكن تقدري ترفعي معدلك إلى معدل الـ3 و في حالتك جدًا مهم + شدي حيلك بأكثر جهد عندك لان ممكن يرتفع أكثر لأن فيه احتمالات أكثر مما حسبت..

ربي يوفقك و يبلغك كل خير :) ..

[نــورهـ]

المشاركة الأصلية كتبت بواسطة Rahaf mohammed" السلام عليكم دكتوره حابه اسالك انا خلصت التحضيري ومعدلي 4 وتخصصت دراسات طفوله وابغى اعرف كيف ممكن ارتب جدولي بحيث يوصل ل 5 او قريب منها انا حطيت لغه عربيه 2 وعدد ساعاتها 3 وثقافه 2 عدد ساعاتها 2 اخلي ذي المادتين او احذفها اذا م تاثر ع المعدل ؟ وهذي الخطه http://childhood-studies.kau.edu.sa/...%B1%D8%B1.aspx يعني اذا تعرفي اش اللي ممكن يرفع المعدل كثير قوليلي الله يسعدك

و عليكم السلام و رحمة الله و بركاته ..

عندك فرصة كبيرررة ترفعي معدلك بسبب إن ساعاتك المسجلة قليلة بكذا المعدل يرتفع أسرع + لسى في بداية المستويات بعكس المستويات الآخيرة يكون الارتفاع بسيط ..

أشجعك و بقووووة ع انك تشدي حيلك لا تخلي مادة تعدي من بين يدينك إلا بإمتياز و لا ترضي بأقل

كل شيء تضيفيه في جدولك له تأثير , ترفع معدلك بالدرجات العالية و تنزل المعدل بالدرجات المنخفضة ..

ما أعرف في مواد تخصص الدراسات لكن قاعدة عامة المواد اللي ساعاتها عالية + درجات عالية ترفع المعدل و العكس صحيح لكن مو معناهـ المواد اللي ساعتها قليل ما ترفع لا كل شيء له تأثير ..

شوفي هذا الرد جدًا ممتاز هنآ ..

الله يوفقك و يبلغك كل ما تتمني و تطمحي له و شدي حيلك :) ..