ماحصل في الدورة التأهيلية الخطه ( أ ) لعام 1430 هـ ." لـلــطـــالـــبــــات ".

[tth]

ياصبايا ياحلوين الا رحووووو الدوره ايش حصل اليوم في الجامعه

[BIRA]

وانا بعد بسجل معاكم بالرياضيات

[shy rOoOs]

شكرا حبيبتي فروووحه
إن شاء الله الف سلامة عليك

يسلمووو

[Salha]

ســلآموووه

الي تقول وش حصل اليوم أنا اقولـك ياغاليـه

أخذت حاسب . طبعا نفس الحكايه نشرح الكتآب هع يعني مفيش تحديد ذاكري من الكتاب
والانقلش مع استااذه ملآك خلصناهـ وقالت الثلثاء الي هو آخر يوم بيكون مراجعه للقرآمرر وللحين كل شي معانا للأسـف
يلآآ ربي يسهلها ,

بررب

[محبة لغموضي]

مســآء الخيــر آخواتي ..

آول شي حــآبة آتآســف لآنو توني مسجلة ودآشــة المنتدى


يعطيهم آلف عــآفية البنـآت مآقصرو الصرآحــة


بقولكم المختصر المفيد

بالنسبة لمآدة الحآسب

كنت مرة خآيفة منو وشايلة همو بس وقت شفت الكتــآب والدروس تطمنت ههههه


آســتاذة الحآسب قالت انهم ما بيركزو في التفاصيل الصغيرة اللي تحتاج تطبيق عملي فهادا صعب

تقول لو تطبقو { الوورد ـ الآكسل ـ الآكسس ـ الباور بوينت ـ الآوت لوك } في جهازك بيتركز في مخك

والصرآحة انا جربت الطريقة وفعلا حسيت بسهولة المادة

هي تحتاج تطبيق .. والآشيــاء الدش { يعني الكلام } نحفظها مافي مجال ههههه

طبعا مافي حذف




بالنسبة لمادة اللغة الإنجليزية

فلا تخــافون هي جدا بسيطة آهم شي تركزون ع المفردات الموجودة في كل وحدة { vocabulary }

لو فهمتو معانيهم بيكون شي حلو .. لانهم بيجيبونها فراغات واختاري الكلمة الصحيحة لمعنى الجملة


والقواعد تزاكريها تمام .. بالنسبة للقراءة فهادا بيعتمد عليكم ..

استاذتنا حلت معانا التمارين اللي في الكتاب ..

وقالت انهم لزمو عليهم ما يخرجو من محتوى الكتاب وقت تنزيل الآسئلة ..




بالنسبة لمآدة الثقــآفة فآنــا مع الآستــاذة زينب حبيب الله .. بجد عسل وماشاء الله شرحها حلووو وتخرجي من المحاضرة

فااااهمة ..

قالت انو الكتاب كلو معاكم لانو مو هي لوحدها بتحط الآسئلة .. لجنة اللي بتحطها

وقالت لا تحفظو الكتاب صم من الجلدة للجلدة كدا صعب
قالت لنا طريقة حلوة ..
قالت اقرئو الكتاب وكآنهــا قصة وانسو انها مادة وعليكم اختبار فيها
بالفعل لو مثلا قرينا قصة او خبر في الجريدة وواحد سالنا مو حنتذكر التفاصيل وايش صار ووو ... الخ ؟؟

قالت ذاكروها زي كدا

بالنسبة للدكتور مازن اظن اسمو مازن بخاري مو ؟؟

قالولي بنات انو ينط ويقولهم هادا كيف يجي صيغة السؤال وهادا مهم
ما ادري ما بحب زي كدا
لانو الصراحة ما نضمن




بالنسبة لمآدة الريــآضيــآت

الآستــآذة منيه جدا عسل ماشاء الله عليها تفهم ولو ما فهمنا تعيد مره ومرتين ..

طبعا حاجات آساسية ولا تخافو جدا سهلة خاصة اللي تخصصها في الثانوي كان ادبي
الرياضيات يبغالو فهم واستيعاب ولازم تحضرو الشرح صعب كدا من دون حضور
انا علمي واحسو صعب من دون حضور هههه



وآخيـــــــرا مــآدة اللغة العربية وما آدراكم ما العربية تهي

والله شآيلة هم العربي اكثر من باقي المواد
مررره دسم ودش

والصرآحة الآستــآذة اللي انا معاها مو شي تشرح بسرعة وتسيب اشياء مهمة ونقاط ما تقولها

انا عن نفسي وقت فتحت الكتاب وذاكرت شوي لقيت الكتاب يفهم احسن منها هههه

سووري ع الكلام بس هادي الحقيقة وما ابي احطمكم بنات .. ما ادري يمكن لآني آكره المادة





آذكركم آنو مافي آي حذف في كل الموآد

بس بنآت آبي آستفسر عن شي الصرآحة انصدمت وقت سمعت الخبر

صحيح انو خطة {ب} بيدرسو عن بعد ؟؟!!
واحنا الترم الجاي ما حنكمل انتساب عادي يعني كلو تعليم عن بعد ؟؟!!

رجاااء وحدة آمورة وبنت خير تتآكد من الموضوع لآنو الصراحة مو حلو كدا

كفاية انو حنا يا الإنتساب دوامنا 3 اسابيع


آن شاء الله لو صار شي في الآيام الآخيرة بقولكم عنها ..


دمتم بود

[سـجـايـا]

اللي تسأل عن الاختبارات متى موعدها تبدأ 1/2/1431 إلى 6/2/1431


وهذا رابط موقع الجامعة عشان تتأكدوا


http://admission.kau.edu.sa/AccessPa...ng=AR&SYS_ID=8

[سـجـايـا]

محبة لغموضي مشكوره ع التقرير


وزي ماقلتي الحاسب يابنات جدا سهـل النظري تحفظوه ،، أنا عن نفسي ماأحب أحفظ الحاسب أحب أفهمه ..><

والجزء العملي من رأيي إنك تجلسي ع الكمبيوتروتفتحي الكتاب وتطبقيه مره واثنين وعشرة وتعرفي كل طريقة وفين مكانها وراح تفهميه إن شاء الله أنا يوم كنت في المعهد أدرس كذا كنت أذاكره لأن أغلب البرامج

تتشابه بس كل برنامج وله وظيفة معينه وشوفوا كمان نماذج اسئلة امتحانات الاعوام الماضيه عشان تعرفوا طريقة الأسئلة ( وكل طالبة تذاكر بالطريقة اللي تريحهـا وتفهم عليهـا بس هذا رأيي وطريقتي في المذاكره)


والعربي كمان سهل أغلبه أخذناه في التوجيهي بس يبغاله مذاكره بتركييز وفهم وهنا ماشاء الله في مواضيع عن العربي

راح تستفيدوا منها إن شاء الله


والرياضيات كمان شكله سهل وأنا أدبي مو علمي أنا مسكت 3 الابواب الأخيره حسيت إنها سهله من زمان اخذناها بس يبغالها مذاكره بتركيييييز وفهم كل يوم أمسكي باب وذاكريه مزبووووط وبعد ماتخلصي المنهج راجعيه كل كم يوم عشان

يثبت في مخك وتفهميه أكثر وراح يكون سهل إن شاء الله


أنا إلى الآن حاسه إن المواد إن شاء الله سهله وواضحه ولسه باقي شهرين ع الإختبارات يعني تقدري تذاكري المواد

إن شاء الله بالراحه أبدأو اعملوا لكم جدوال وذاكروا ع الأقل مايجي قبل الاختبارات بثلاث أسابيع أو أسبوعين إلا وإنتوا

مخلصيين إن شاء الله بس تراجعوا والله يوفقنا جميعـا يارب ويسهل لنا الدراسه



والسمووحه

[رومندا]

بنات يلا التجمع وينكم

الي تبغى نشرح الرياضيات ونذاكره مع بعض تسجلوا الحين وتختاروا متى نبدا

[ام لقمر]

انا معاكم في الرياضيات .......والوقت نشوف الاغلبيه شنو يناسبهم بنسبالي الليل على الساعه 8ونص بنتي نامت
والحمل الله يقومهم بالسلامه العام كنت انا العلامه الفارقه في القاعه من يجون يقولون الحامل على طول اعرف نفسي..والصدفه الحلوه اني مثلكم في التاسع بس الحمدلله امتحنت ةطلعت النتايج وبعدين ولدت

[محبة لغموضي]

هــلآ وغــــلآ رومندآ

مآ فهمت كيف بتشرحي الريآضيـآت بالمنتدى ؟؟!!


انا الصرآحة فاتتني محاضرآت آول بابين بس اول باب ما يحتاج قرآتو وفهمتو لآنو آخدناها



يعطيكي آلف عــــآفية ع المبآدرة الجميلة

دمتي بود