متابعة الحذف والاضافه

[سوسة النت]

مشكورييين حبايبي اللي رديتوا علي
يارب يكون الجدول اكيد
والله موعارفة لها حل دي الجامعة؟؟
الله المستعان

[yaser20]

انا طالب مستجد وجاني بالاوديس الحذف والاضافة وماني عارف يعني ايش اسوي

ساعدوووووووووووووني ارجوووووووووووووكم..

[الــ في منتهى ــرقه]

المشاركة الأصلية كتبت بواسطة yaser20 انا طالب مستجد وجاني بالاوديس الحذف والاضافة وماني عارف يعني ايش اسوي ساعدوووووووووووووني ارجوووووووووووووكم..

يعني اذا موعاجبك شي في الجدول تقدر تغيرو وقت المحاضره او يومها او....

اذا كانت الشعب متاحه ( في مكان فاضي في الشعبه)

تحذف اللي موجوده وتضيف اللي تبغاها

بس تتأكد انو في مكان في الشعبه ومافيها تعارض مع ماده تانيه ( يعني المادتين مو نفس الوقت )

وان شاء الله اكون ساعدتك

[aljumanah]

المشاركة الأصلية كتبت بواسطة yaser20 انا طالب مستجد وجاني بالاوديس الحذف والاضافة وماني عارف يعني ايش اسوي ساعدوووووووووووووني ارجوووووووووووووكم..

لو كنت سنة تحضيرية فجدولك جاهز مايحتاج تحذف وتضيف..

بس لو كنت متخرج من السنة التحضيرية وهذي أول سنة تخصص لك.. فخذ هذا الموضوع ممكن يفيدك مرة.. وأي سؤال احنا جاهزين

http://www.skaau.com/vb/showthread.php?t=9147

[{،،Rind،،}]

بنااااااااااااااااااات ابغى احد يساااعدني من امس الى اليوم وانا بس فاضل عندي مادة ابغى انزلها بالجدول لكن الشعب حقتها مو راضية تنزل عندي مع العلم انها الى الان ما قفلت وربي جااااااااااااااني المرض .. قولولي وش الحل ؟؟؟ من امس لليوم وما اتغير شيء !!!!!!

انت كنت كذا من امس
سبتو ودخلت اليوم..

ولقيتو تعدل ويطلعلي الشعب
يعني عاااتي اصبرييي

[{،،Rind،،}]

ياجماعة انا اضفت المواد ورتبت الجدول بس المواد اللي اضفتها لسه موجودة بقائمة المواد المتاحة (في صفحة الحذف والاضافة ) ماني فاهمة يعني هم ماضافوها لي ولا ايش بس لم افتح على الجدول الاقيه زي ما رتبته والله مو فاهمة ؟؟ بالله الليعندها فكرة تقولي

عااااتي حتي انا نفس اللشي

بس لو ظغطتي عليها ما تطلعلكـ شعبها ...

عاتي طنشي....خخخخخخخخخ

[{،،Rind،،}]

اوووووووووهـــ اخيرااااا ارتحت


خلصصصصصصصصصصصصصصصت
ولله الحمد والمنهـ

[.,.نيــــــــــــــــــــران.,.]

انت طالب مستجد يعني سنة اولى؟

ماتقدر تحذف وتضيف جدولك جاهز خلاص

[fedoo_dedoo]

الحمد لله نزلت 17 ساعه بعد حرب دامت يوم 10 ساعات

سقط فيها العديد من الجرحى


" كان معكم مراسلكم fedoo من قسم الحذف والاضافه جامعه الملك عبدالعزيز .... جده

[بنت الخليج..]

المشاركة الأصلية كتبت بواسطة fedoo_dedoo الحمد لله نزلت 17 ساعه بعد حرب دامت يوم 10 ساعات سقط فيها العديد من الجرحى " كان معكم مراسلكم fedoo من قسم الحذف والاضافه جامعه الملك عبدالعزيز .... جده

شكــراً لك مراسلنا fedoo من قسم الحذف والإضافة من جامعة الملك عبدالعزيز
اتمنى لك التوفيق..
هههههههههههههههه