أي إسفسارات هنا.. لتفادي المواضيع والزحمة..والكل حيفيدكم..(girls&boys)

[حنين الود]

المشاركة الأصلية كتبت بواسطة تويتي بليز ابغا مساعدتكم ابغا ملخصات واسم الكتاب لمادة : Reding 1 , Writing 1 , Lissining 1 , Franc 1

ملخصات مواد القراءة [ Lane - 212 & Lane 215 ]

[yanaso]

الفرق بين ادب انقلش وانقلش عام؟
وفي الكليه ايش اللى بتدرسو بالزبببببببببط
ويعطيكم العافيه

[حنين الود]

المشاركة الأصلية كتبت بواسطة yanaso الفرق بين ادب انقلش وانقلش عام؟ وفي الكليه ايش اللى بتدرسو بالزبببببببببط ويعطيكم العافيه

إحنا في القسم بندرس إنجليزي عآآآم يعني أدب وترجمة ولغويآت ..لسى مافتحوآ المسآرآت إلى الآن ..يعني تدرسي اللغويآت بموآدها والترجمة وموآد الأدب شكسبير ومودرن وفكشن ودرآمآ وكللل شي .. كلهم مع بعض.. يعني كوكتيل
الفرق بين الأدب الإنجليزي والأدب العآم ..إنو المفروض الي يدرسوآ أدب يتعمقوآ بدرآسة انوآع الأدب من فكشن ودرآما وإلخ..مايدرسوآ ترجمة ويتعمقوآ فيهآ ..والإنجليزي العآم يدرسوآ لغويآت وترجمه وأدب ..

[doll]

تسلمي يا حنين يا عسل ، خلاص لو كنت أبغى شيء في السنتاكس راح أجي عندك يا أبلة حنين ^_^ ...

[joudy Abbout]

هاااااااااااااااي بنااات

كيفكم اخباركم ان شاء الله تمام

بصراحه ابغى اسألكم لانكم عندكم خبره اكتر من بنات الكليه

ابغى اسال عن التربيه الميدانيه لبنات الانجلش بما اننا صرنا زيكم

يعني حنروح لمستشفى ولا وت ايفر المهم ابغى افهم ايش الموضوع بالزبط

هل هو مختلط اش الوظيفه الي حقوم فيها وكم المده

وفي اي مستوى لانو بصراحه مااظن اهلي يرضوا الوضع مززري

الله يستر بس

ومررره شكرا الله يسعدكم يااارب

[حنين الود]

^
^
^
^
لآآآ أبدآ مآفي إختلآط تقدري تطلبي التطبيق في معهد .. أو في مركز اللغه لو كآن معدلك عآلي .. وبرضو في المكتبه المركزيه لو كنتي من طآلبآت الجآمعة .. وغير كدآ ممكن تتدربي في الجمعيآت الخيرية بس أعتقد إنو الأفضليه لبنآت علم الإجتمآع مو متأكده بس بصرآحة فيه أمآكن كتيره برضو المستشفيآت أعتقد فيه أقسآم بس نسآئية ..نسيت والله إيش إسم المستشفى ..بس إسألي قبل ماتطبقي في نفس المكآن وأنا أفضل المعآآآهد أفضل من البنك أو المكتبه المركزيه لأنو فيها إستخدآم للغة ..

[joudy Abbout]

الله يسعدك ياحنين الود

ويدخلك الجنه ويريحك زي ماريحتيني

ويارب مايغيروا النظام ده ع سنة تخرجي

مرررره يسسسلمو ياقمر

[سوسو2]

اختبار السينتاكس مع نهى الشرفا من البدايه لووووين يعني لصفحه كم

بليييييييييييييييز بنات لاتطنشووووووووووون كالعاده

[Pationate Bo0osha]

السلام عليكم ورحمة الله وبركاته, كيفكم يا بنات؟ إن شاء الله تمام وعال العال والمذاكرة 100% يا رب

حبيباتي....قلت أبغى أسألكم شوية أسئلة تهمنى قبل ما أبدأ مشوار مذاكرتي والله المستعان

.........يوم الخميس إللي فات رحت أشتري الكتب والكلام داه...وحبيت أسألكم على حاجات تخص الكتب !

زي مادة مقدمة في الأدب..رحت إشتريت an out line of English Literature و Sound and Sense ( وكل كتاب كان من مكتبة !
) ولمن رحت أبغى أشتري الكتاب الثالث( The Norton Introduction to literature) إللي ناقصني من مكتبة أخرى بحيث كانت آخر وجهتي لمكتبة خوارزم إللي في حي الجامعة...المهم..لقيت زوجي جاب لي ملزمة من ملازم خوازم إللي متعودين عليها بحيث فيها فقط إللي إحنا مطالبين بيه كإنتساب وإللي موضح في الخطة الدراسية حقتنا! فسؤالي هو: هل هذه الملزمة تكفي للمذاكرة منها وهل هي واضحة بحيث إني ماراح أحتاج الكتب إللي إشتريتها حقت "المقدمة في الأدب" وخسرت نفسي عليها ؟؟؟

والسؤال الثاني يخص كتاب مقدمة في الترجمة, كنت أبغى أتأكد من صحة الكتاب إللي معايا وهو إسمه ( أسس الترجمة) للدكتور عزالدين محمد نجيب....والراجل قال لزوجي بأنه هو هذا كتاب الإنتساب لأنه كتاب الإنتظام غير عنهم!!! وغلاف الكتاب من برة فيه كدة واحد فرحان شايل في يدينه الإتنين كتب وحدة مكتوب عليها (English )والثاني ( عربي)!!!(( أبو شكل الوصف بس))) هههههه ...ولون الكتاب أبيض, فكنت حابة أتأكد من صحة الكتب هدي إللي معايا (وسلامتكم)

الله يعطيكم العافية يارب ويعينكم على المذاكرة

[سلاف]

هلا وغلا فيك

بالنسبه للادب هو ملزمه اللي قالك عليها
تحتوي على 5 شورت ستوري
1 فيكشن
1دراما
7 بوتري

انا لسه ماخذت الادب بس ملزمه صديقتي معي نزلتها السمستر الماضي
وشفت معاهم كتاب صغير اعتقد اسمه الاوت لاين

هذا غير ملزمه السمري اللي الاستاذه تديها البنات ايام الدوره

هذى فقط فيما يخص الادب
وغيري ان شاء الله ياكدلك كلامي


بالنسبه للترجمه الكتاب صحيح اللي معاك

واااه من الترجمه مره ماعندي اسلوب فيها واخذت f :(


انتي اخذتي مناهج البحث والا لسه؟؟؟
ابغى اسالك كم سؤال عنها


ربي يوفقك