~| استفســــــآرات الطــــــــآلبات .. حيّــــآكن |~

[Banana|]

المشاركة الأصلية كتبت بواسطة noona.. السلام عليكم .. بنآت أنا اليوم الحمدلله قبلوني في التخصص , وخلاص مكتوب في الأودس لغات أوروبية - انجليزي ^^ لكن عندي مشكلة ! إنو ماهي راضية تطلعلي مواد التخصص في قائمة الإضافة يعني كأني اسميا انجليزي مو فعليا :( !! مني عارفة لييه ؟؟؟؟ إيييييش أسسوي :( ؟؟؟؟؟

اذا كنتِ نفس حالتي .. حطوك بقسم ثاني وبعدين حولوك إنجليزي ..
فـ احذفي كل المواد حقت القسم القديم واضيفي مواد الانجليزي بنفسك .. ^^
أنا كذا سويت ..

[كلي إحساس]

السلام عليكم ورحمة الله وبركاته
بنات أبغى أسألكم عن أ. شادن الحزيم كيف أسلوبها وشرحها هي حتعطيني ريدنق2
وكمان أ.رشا قزاز ليسينينق 2 بليييييييييز اللي أخذت معاها تقولي الله يوفقكم

[Lo_OLy]

صبايا طلعت لي ماده الاورال مع مس رشا ؟؟

اللي تعرفهاا بليز تفيدني

[nour al3mr]

الله ينور دربك

صح لازم تحذف الجدول القديم

لكن و ماظهر الرمز أصلا عندك و صارت مواد التخصص باللون البني في قائمة الاضافة فهنا المشكلة اللي لازم تروحي لها الجامعة ^^


ولما تسوي جدولك اتاكدي انه مايكون في تعارض بالاوقات لانه لو في تعارض مابتنضاف لك المواد = )

[noona..]

نوري , الله يبارك في عمرك يآرب <3

ايوة اعرف انو رمزها lane بس مهي ظاهرة لي ! :(


بنآنآ , يب يب نفس حالتك كنت في قسم واليوم حولوني انجليزي الحمدلله ..
حذفت مادتين اول بس برضو مهي راضية تطلعلي المواد حقت الانجليزي !
:/

[Cramilla]

المشاركة الأصلية كتبت بواسطة إلهام الله يكتب اللي فيهـ الخير طيب ليه مو كآتبه شعبهآ بالغلط

روحي في صفحتها لآخر خيار >> سكجول (الجدول)
كاتبة فيه الشعب

[nour al3mr]

^
من هنا لِـ الحمعة لو مازبط يصير الله يعينك ع الروحة للجامعة

منها تضيفي الكتابة 1 لانه لازم من الجـآمعة ^^

[Cramilla]

للي يسألو عن مس رشا في الأورال
من تجربتي>>

حيكون عندكم كتاب فيه تمارين تسمعوا و تحلو و تتناقشوا في المواضيع المختلفة
ركزوا معاية انه المناقشة و المشاركة مهمممممممممممممممممممممممممة لأنها مادة استماع و تحدث
و تحاسب عاللي يتكلموا و يشاركو
و إذا ما شاركتو تحملو اللي يجيكم

و فيه 3 بريسينتيشينات ،، الأول يكون عنك عن نفسك.. بس ركزي في جانب واحد من حياتك او تجربة صارت لك و اتكلمي عنها في 3 دقايق ،، و العرض التاني ممكن تعملي له باور بوينت و برضو 3 دقايق أو 5 حسب ما تقول لكم.. و يكون موضع عام اي شي تختاريه ،، بس لا تجيبي مواضيع مكررة،، جيبي شي شيق لو قلتيه لأحد يتحمس انه يسمعه
تحاسب على حركات الجسد لو كنتي متوترة او واثقة،، و سرعة كلامك لازم ما تكوني مرة سريعة او بطيئة ،، و اخطاء الجرامر كمان انتبهو،، و تحاسب اذا اتعديتي او نقصتي الوقت
يعني تعملي عرضك و تتدربي عليه في البيت و توقتي لنفسك
و مافيه اي شي صعب
و قبل الاختبارات تعمل لكم موك كويز و تدريب ع الاستماع و تحل معاكم
بشكل عام الكلاس ممتع و مرررررة ما يخوف معاها
و بالنسبة للعرض الثالث،، لما اخدته معاها كان 3 عروض بس الترم الماضي قللتهم و خلتهم 2

و للي يقولوا احتمال مس اشواق تدرس دراما،، انا اتمنيت دا الشي صراحة بس مارح تدرس دراما،، حتدرس مقدمة في الأدب

[فلسوعه]

السلام عليكم ورحمة الله وبركاته
أتمنى تفيدوني عن عبير عامر صالح العامري
أخذت فرنسي عندها
كيفها ؟
طيبه وعسل والا العكس ؟
وكيف شرحها وأسلوبها ؟
ومن ناحية الاختبار معاها كيف ؟
أبغى التفاصيل الله يسعدكم
انا ما أعرف شي في الفرنسي خيــــــــــر شر
حتى الحروف ما أعرفها
طمنوني هل أقدر أمشي في ذي الماده
طبعن فرنسي 1

وجزاكم الله كل خييييييييييير

[Lo_OLy]

المشاركة الأصلية كتبت بواسطة cramilla للي يسألو عن مس رشا في الأورال من تجربتي>> حيكون عندكم كتاب فيه تمارين تسمعوا و تحلو و تتناقشوا في المواضيع المختلفة ركزوا معاية انه المناقشة و المشاركة مهمممممممممممممممممممممممممة لأنها مادة استماع و تحدث و تحاسب عاللي يتكلموا و يشاركو و إذا ما شاركتو تحملو اللي يجيكم و فيه 3 بريسينتيشينات ،، الأول يكون عنك عن نفسك.. بس ركزي في جانب واحد من حياتك او تجربة صارت لك و اتكلمي عنها في 3 دقايق ،، و العرض التاني ممكن تعملي له باور بوينت و برضو 3 دقايق أو 5 حسب ما تقول لكم.. و يكون موضع عام اي شي تختاريه ،، بس لا تجيبي مواضيع مكررة،، جيبي شي شيق لو قلتيه لأحد يتحمس انه يسمعه تحاسب على حركات الجسد لو كنتي متوترة او واثقة،، و سرعة كلامك لازم ما تكوني مرة سريعة او بطيئة ،، و اخطاء الجرامر كمان انتبهو،، و تحاسب اذا اتعديتي او نقصتي الوقت يعني تعملي عرضك و تتدربي عليه في البيت و توقتي لنفسك و مافيه اي شي صعب و قبل الاختبارات تعمل لكم موك كويز و تدريب ع الاستماع و تحل معاكم بشكل عام الكلاس ممتع و مرررررة ما يخوف معاها و بالنسبة للعرض الثالث،، لما اخدته معاها كان 3 عروض بس الترم الماضي قللتهم و خلتهم 2 و للي يقولوا احتمال مس اشواق تدرس دراما،، انا اتمنيت دا الشي صراحة بس مارح تدرس دراما،، حتدرس مقدمة في الأدب

كراميلا .. الله يسعدك و يريح بالك ياقمر

طمنتييني لبى قلبك