أمطار الاربعآء 22/2/1432 //~

[Dr.Shaikhah]

يآالله صور تفجّع

[Creative909]

الصور مرررة مؤثرة

حسبي الله على كل من أخطأ العالم تموت وهما ماهم مهتمين

شوفوا أيش اللي صار معايا أمس أول ما مطرت رفضت إدارة الجمعية الخيرية يمشوا موظفاتهم لكن لما صارت المطرة تنزل بقوة خوفت واتصلت على أهلي
عشان يأخذوني لأنو موقع شغلي في الرويس
وكانت من ضمن المناطق المتضررة من السيول المرة اللي فاتت
طبعاً جلست في السيارة 4 ساعات ماقدرنا نتحرك
ولا قدرت أدخل للجمعية لأنو المطرة صارت أقوى

وعلى العصر لما وقفت المطرة دخلت للجمعية
وطبعاً أكبر مسئولة كانت في الجمعية ما تصرفت لا اتصلت على الدفاع
لا وتقول هيئوا نفسكم لأنو احتمال تباتوا في الجمعية
كلوا عشان ماأحد يحملها مسئولية عشان ما مشتنا من بدري
طبعاً شوفي أنواع الرعب قفلوا الأنوار كلوا عشان خايفين من الالتماس>>> المطرموقفة من أول على أيش الاستهبال
لا ولمن اتصلت وحدة من الموظفات ع الدفاع كان واضح من ملامحها أنها زعلت
لمن عرفت بإتصال الموظفة كأنها تقول من نظراتها فضحتيني
لمن كلمنا الدفاع سألنا فيه بلاغ من الجمعية الخيرية لتحفيظ القرآن الكريم
قال: لا
وقال هذا بلاغ مهم ،تخيلوا عندنا مدرسة أطفال مستأجرة وياحرام لو تشوفوا أشكال الاطفال تقولوا كانوا حصار حرب<<<< الله لايكتبها لنا

في البداية انبسطنا أنو الدفاع حيسعدونا وانتظرنا ساعة تقريباً كل مامر هليكوبتر
نوقف ع الشبابيك وفي النهاية جانا مسئول من الدفاع على قارب مطاطي وكان ماراح نخلي المبنى من الموظفات واحتمال كير تمشوا يوم الخميس نحن انهرنا
وقال لنا: حنجيب مؤنة >>> الأخ ضارب مشوار والمشكلة عندوا رقمنا

لا يفوتكم أيش المؤنة اللي جابوها كرتونين موية الله يفشلهم
والله لو أقدر كان كبيتها على وجههم
(تكفينا الموية اللي برى) >>> صار عندنا فوبيا من الموية
شكل الجمعية كاننا في جزيرة ولو تشوفوا المركز الطبي الدولي ما كأنها على مرتفع

بعض الشركات أخذوا موظفينهم اللي محتجزين وودهم فندق سوفتيل الحمراء ونحنا
غنم على ما أظن محنا موظفات زي العالم والناس
المشكلة الرواتب شيء يفشل
وقال أيش قضاء وقدر
وجلسنا طول الليل على حال ايعلم فيه إلا الله
نفسياتنا تعبت ولو أعرف أنو بيد حقوق الإنسان شيء
كان وريت كل مسئولة متهاونة
وكلوا كوم هيئة الإغاثة العالمية اللي في الرويس ع الساعة 12 في الليل مشوا
الناس اللي دخلت تحتمي بالمبنى بعد الله
وقالوا لهم مالنا صلاح دبروا نفسكم
ياعلم النس ماصار فيها خير بعد ماكنت أقول مافي زي أهل جدة>>> طبعاً مش الكل

وفي النهاية وصلنا بيوتنا اليوم الصباح الساعة 10 ونص
ماني مصدقة أنو شوفت بيتنا مرة ثانية
لكن اللي يداوم لهم يوم السبت يكون غنمة
آآآآآآآخ قلبي مرررررررررة تعبان من اللي صار

آه ياقلبي لا تحزن

[مـــلآك]

مآأقووول الا حسبي الله ونعم الوكيل
مآأتعضوا من الي سار السنه الي فاتت
في ذمتكم ياامانة جده وربي يجآزي كل ظالم
حسبي الله ونعم الوكيل

[The Heaven]

لا حول ولا قوة الا بالله جده ضاعت واحنا لو سكتنا راح نضيع هذي ارضنا يا ناس لين متى هالاشكال
تنهب فلوس الشعب لين متى وهالاشكال تموت الشعب الين متى وهالاشكال تغرق جده

[خوخه 2009]

يارب رحمتك
لا حول ولا قوة الا بالله

[حنين الحب]

يارب صبرنا وخد حقنا من الظالم

[عاشقة الأهلي]

لو من الملك عبدالله الله يحفظه أغير البطانة الفاسدة الجداويه كلها خلااااااااااااااااااااص ما فيها أمل ولا أمانة

[emperor222]

الله يعينكم يأهل جدة الحمد الله اني رجعت الرياااض الاسبووع اللي راااح عندنا امطرت 12 سااعة والحمد الله ولا كأن شئ صاااار لازم محاااسبة المقصرين ولا احفاادنا بنقلهم انه كانت في مدينة اسمها جدة الله يستر عليكم يأهل جدة

[عموريAHLI]

عـــاجل : السعودية ترسل مساعدات عاجله الى الشعب اللبناني لتأثره نفسياً بمشاهدة سيول جده

عقبالنا

[lushi]

حسسسسسسبي آلله ونعم الووكيــــــــــل ..

إلى متـــــى ..~؟