دليل القبول بجامعة الملك عبدالعزيز

[nour al3mr]

^
و عليكم السلام و رحمة الله و بركـآته

أضغطيها و هنا الطريقة :)
http://www.skaau.com/vb/showthread.php?t=701988

[بسكوتةة]

صباح الخير .. أنا صغرت الملفات قبل ارفاقها باستخدام برنامج الرسام

هل يؤثر ذلك على جودتها و تصبح غير واضحة ؟

الله يسعدكم جاوبوني مالي حيل احذفها و ارجع ارفق مرة ثانية

مشكووورين

[nour al3mr]

المشاركة الأصلية كتبت بواسطة بسكوتةة صباح الخير .. أنا صغرت الملفات قبل ارفاقها باستخدام برنامج الرسام هل يؤثر ذلك على جودتها و تصبح غير واضحة ؟ الله يسعدكم جاوبوني مالي حيل احذفها و ارجع ارفق مرة ثانية مشكووورين

يسعد أوقاتك بالخيــر
أفتحي الصورة لو شفتيها ماهي وآضحة فلازم تعيديها بأنك تضغطيها
شدي حيلك الشغلة تستاهل التعب

[بسكوتةة]

مشكورة اختي نور ربي يجزاكي الجنة
بعد ما صغرتها احس شكلها ما فرق عن الصورة الأصلية واضحة
بس اخاف توصلهم الصورة مو واضحة
حطيت الحجم المطلوب تماما
و ما اعرف طريقة غير برنامج الرسام يضغط الصور
بس سمعت انه الرسام يخرب الصور

[nour al3mr]

و يسعدك طول العمـــر
لا ما يخرب الجودة ماعليك لأنها قياسـآت ثابتة و كلهم يؤدوا نفس الغرض لكن البرآمج الأخرى أفضل
المهم أنه لما تفتحي الصورة تلاقيها وآضحة ماهي مغبشة أو الكلام ما ينقرأ و يبغاله مجهر :$
و راح توصل لهم مثل ما عملتيها بالضبط :)

[ريما القرني]

السلام عليكم ورحمة الله وبركاته
أختي بتسجل هذي السنه وجميع بياناتها كامله لكن في إرفاق الصوره والشهادة والهوية
وتم إرفاق الصورة الشخصية والهوية معادا الشهادة الثانوية لانه إحنا خارج جده وأختي نسيتها في جده وما نقدر نرجع في هذي الفتره
السؤال هل يجب إرفاق الشهادة قبل تأكيد الطلب أو عادي بعد التأكيد
ومتى اخر موعد لتأكيد الطلب
وشكراً مقدماً

[ريما القرني]

الله يسعدكم احد يرد عليه ضروري عشان اذا لازم أرفقها قبل تأكيد الطلب نرجع لجده

[nour al3mr]

المشاركة الأصلية كتبت بواسطة ريما القرني السلام عليكم ورحمة الله وبركاته أختي بتسجل هذي السنه وجميع بياناتها كامله لكن في إرفاق الصوره والشهادة والهوية وتم إرفاق الصورة الشخصية والهوية معادا الشهادة الثانوية لانه إحنا خارج جده وأختي نسيتها في جده وما نقدر نرجع في هذي الفتره السؤال هل يجب إرفاق الشهادة قبل تأكيد الطلب أو عادي بعد التأكيد ومتى اخر موعد لتأكيد الطلب وشكراً مقدماً

و عليكم السلام و رحمة الله و بركـآته
لازم أختي ترفقها و ما بتقدر تأكد الطلب لو ما أدرجتها لأنها من المرفقات الضرورية و الإلزآمية
حتى لو أحد في جده يقدر يدرجها أو يصورها لكم و يرسل الصورة ع الجوال أو الإيميل و تكملوا الإرفاق
التأكيد يوم 13 و ممكن يستمر لِـ 15

[Cute!]

ردوو سريع جزاكم الله كل خير

انا بسجل اختي بس يمكن صورة الشهاده والهويه ماتوصلني الا بعد 12 الليل،، يقفل ادخال البيانات ولا عادي ادخل الين يوم 15 ؟؟؟؟؟؟

[أموورة الكون]

السلام عليكم
بسال
دحين انا صورة الشهاده والبطاقه بالجوال لان الماسح مو راضي يشتغل وارفقتها
يعني عادي كدا اصورها بالجوال وارفقها ولا لازم بالماسح الضوئي ؟؟ لاني خايفه تنرفض ومايحسوبها