{ملتقى الاستفسارات عن الحذف والاضافة وتنظيم الجداول}-طالبـات الإنتساب ّّ

[nour al3mr]

المشاركة الأصلية كتبت بواسطة zizou~ سلام عندي استفسار لو سمحتو ;) , انا قدمت عالتحويل لانتظام و لسا منتظرة ,, و مشان معدلي ما ينزل هالترم اخترت مواد عندي فكرة عنها من قبل (قلت احسن ما اعتذر و بالاخر ما يجي التحويل ) .. متل العلوم الطبيعية , الفرنسي , الثقافة ,الاستماع و التحدث ,, في مشكلة لو ما اتبعت الخطة الدراسية ؟ و عادي اني اخترت الفرنسي يلي هنا حاطينو بالأخر ؟ او لازم اتبع الخطة يلي محطوطة ؟

وعليكِ السلام و الرحمة

يب خذي مواد حـرهـ و عامة كمان لو تبغي و خلي مواد التخصص لاتآخذيها الآن

و الفرنسي كمان ممتع لو درستيه كإنتظــــــام

عادي لو قدمتي الفرنسي الآن :)

موفقة

[راغده]

طيب اخت نور ادري اني كرهتك في المنتدى بس والله مالي غيركم عندي سؤالين
انتي متاكده انهم بيحذفون لي الدراما والفكشن يعني اذا بيخلونها خلاص بتنحل مشكلتي هذا السؤال الاول
السؤال الثاني اقدر ارسل للاستاذه جميله مشكلتي على ايميلها يعني عادي تتفهم والا ماينفع اكتبلها بالطريقه هذي يعني اقصد ودي اسرد لها المشكله كلها وهي تحلها بمعرفتها والا هي عصبيه وماتقرا ايميلات الشكاوي؟

[nour al3mr]

^
الله يسعدك أنتِ تنوري بأي وقت

جربي ارسلي لها في حال مرهـ ماقدرتي تجي لكن أفضل أنك تحضري لانه ساعتها المكتبيه للانتساب فقط الاحد و الثلاثاء فلو ما شافت ايميلك راح تتأخري للأحد الجـآي

و يب ممكن تنزل لك مقدمة في الأدب لكن فكشن و دراما ما اعتقد تتركهم لانك مادرستي المقدمة

[ѕυрзя пıdσ]

راغده حاولي تروحي لمس جميله لو تقدري
بالعكس جدا جدا متفاهمه و تسمع للبنت اذا اتكلمت وفهمتها مشكلتها

استغرب من الي يقولو عصبيه و ماتسمع لاحد ، اشوف انها تحل ازمتنا في الجداول
واذا مانفع الحال حتشوفلك الافضل و الانسب ليكي من خبرتها

ربي يوفقك ويكتبلك المواد الي فيها الخير يارب وتعديها بنجاح

[راغده]

والله يابنات اني من قريه بعيده جدااا تبعد800كلم عن جده عشان كذا برسلها عشان تضيفلي العلوم بحاول اشرحلها الوضع وإن شاء الله ربي يسهلها
والله يوفقكم
والله اللي يضحك ان الدراما والفكشن محاضراتها شغاله عندي في السنترا والمواد اللي مفروض اخذها متعارضه مع بعض وفي الاخير تطلع هالمحاضرات عالفاضي
الله يعينا بس ويسهلها ويجعل في ذلك خير ويوفقكم

[ام حمدان]

راغدة

عزيزتي مشكلتك حلها عند مس جميله مثل ماذكرولك الاخوات

إن شاء الله بتتفهم وضعك جربي اول راسليها لو ماتقدري تروحي

وفي رسالتك اشرحي وضعك باختصار وإن شاء الله بترد عليك وان تاخرت في الرد حاولي تروحي لها

لانه صراحه شي غير مضمون انهم يخلونك تدرسي مواد مع متطلباتها ومغامره انك تذاكري شي ممكن ينحذف من جدولك في اي لحظه

الله يسهل امرك

---

بانسيه

واي طالبه تبغى تضيف علوم
هالرقم سبق وجربته يردوا عليك ويضيفوا لك الماده إن شاء الله قوليلهم انك ماتقدري تجي جده وبتنضاف لك
وحده تعليم عن بعد وانتساب مطور
6952000
تحويله 26716


بس ترى برضوا مس جميله ممكن تضيف لك اياها لو طلبتيها عالايميل


موفقين

[external]

نور العمر وام حمدان الله يجزاكم خير بخصوص الرد على جدولي ويارررررب يوفقكم
طيب عندي استفسار عارفة تقلت عليكم بكتر الاسئلة دحين راحت على محاضرتين السينترا تبع الفيكشن اول واحدة دخلت على الموقع وسجلت الرقم الجامعي والهوية ولما جيت اضغط حضور جاتني رساله you are not scheduled to attend any sessionماادري ليه كمان في الاودس لما دخلت على ايقونة التسجيل في دورات سنترا برضه مكتوب غير مسموح لك بالتسجيل يعني المادة نازلة بالجدول بس مانا عرفة ايش المشكلة ودحين دخلتعلى الموقع وقدرت اسمع المحاضرتين اللي فاتت و دحين انا خايفة يوم الاربعاء تصير نفس المشكلة ومااقدر احضر. ايش تتوقعوا المشكلة من فين؟

[desperate girl]

مرحبا بنات انا نزلولي بالجدول مادة الفكشن والدراما كيف هاي المواد وانا لسه ماخلصت الادب ولاحتى القراءه 2 اش اسوي احذفهم وانزل من مواد اللغويات لاني خلصت اللغويات اش تنصحوني

[nour al3mr]

المشاركة الأصلية كتبت بواسطة external نور العمر وام حمدان الله يجزاكم خير بخصوص الرد على جدولي ويارررررب يوفقكم طيب عندي استفسار عارفة تقلت عليكم بكتر الاسئلة دحين راحت على محاضرتين السينترا تبع الفيكشن اول واحدة دخلت على الموقع وسجلت الرقم الجامعي والهوية ولما جيت اضغط حضور جاتني رساله you are not scheduled to attend any sessionماادري ليه كمان في الاودس لما دخلت على ايقونة التسجيل في دورات سنترا برضه مكتوب غير مسموح لك بالتسجيل يعني المادة نازلة بالجدول بس مانا عرفة ايش المشكلة ودحين دخلتعلى الموقع وقدرت اسمع المحاضرتين اللي فاتت و دحين انا خايفة يوم الاربعاء تصير نفس المشكلة ومااقدر احضر. ايش تتوقعوا المشكلة من فين؟

أبداً ماثقلتي علينا احنا لبعض :)

والله ماعندي علم لانه ما جربت السنترا أبداً
فإن شاء الله يفيدوك الطالبات ربي يكتب اجرهم و إيـآك

المشاركة الأصلية كتبت بواسطة desperate girl مرحبا بنات انا نزلولي بالجدول مادة الفكشن والدراما كيف هاي المواد وانا لسه ماخلصت الادب ولاحتى القراءه 2 اش اسوي احذفهم وانزل من مواد اللغويات لاني خلصت اللغويات اش تنصحوني

يب أنصحك تغيري الجدول لانهم راح يحذفوها من جدولك لما يروقوا و يراجعوا الجداول
ونزلي مواد الصوتيات و الله يوفقك

[white rose]

المشاركة الأصلية كتبت بواسطة external نور العمر وام حمدان الله يجزاكم خير بخصوص الرد على جدولي ويارررررب يوفقكم طيب عندي استفسار عارفة تقلت عليكم بكتر الاسئلة دحين راحت على محاضرتين السينترا تبع الفيكشن اول واحدة دخلت على الموقع وسجلت الرقم الجامعي والهوية ولما جيت اضغط حضور جاتني رساله you are not scheduled to attend any sessionماادري ليه كمان في الاودس لما دخلت على ايقونة التسجيل في دورات سنترا برضه مكتوب غير مسموح لك بالتسجيل يعني المادة نازلة بالجدول بس مانا عرفة ايش المشكلة ودحين دخلتعلى الموقع وقدرت اسمع المحاضرتين اللي فاتت و دحين انا خايفة يوم الاربعاء تصير نفس المشكلة ومااقدر احضر. ايش تتوقعوا المشكلة من فين؟

اظن المشكلة من عند عمادة التعليم عن بعد انا صايرة ليا نفس المشكلة بس في كلاسات العلوم ما تنزل لي ولمن ادخل القيها عدت وبدون صوت ولا عرض كمان ما ادري ليه كذا يغلبونا معاهم الله يهديهم يصير اتصلي عليهم واساليهم او اذا تقدري تروحي لهم هما في المبنى السابع في الجامعة وتحويلاتهم جابتها ليا صديقتي من العمادة نفسها 26499-63892-26373
وطالما بتنزل لك بعد الكلاس يصير الحمدلله شي يطمن وايقونة التسجيل في الاودس لا ما يحتاج تسجيل هيا تنزل دايركت على جدول السنترا وان شاء الله ينحل امرك كلميهم وربنا ييسر امرك ^_^

المشاركة الأصلية كتبت بواسطة desperate girl مرحبا بنات انا نزلولي بالجدول مادة الفكشن والدراما كيف هاي المواد وانا لسه ماخلصت الادب ولاحتى القراءه 2 اش اسوي احذفهم وانزل من مواد اللغويات لاني خلصت اللغويات اش تنصحوني

زي ما قالت لك نور احذفيها و نزلي عزيزتي فونتكس+ مورفولوجي + سينتاكس + القراءة 2 + مادة حرة او اذا كنتي شايلة الريدنغ اكثر من مرة لا قدر الله كلمي مس جميلة تفتح لك مقدمة في الادب وان شاء الله تفتحها عشان الترم الجاي تنفتح لك فروع الادب وبالتوفيق ^_^