هنا.. الاستفسار عن تقديم الدبلوم والماجستير الخاص

[عماد الحسن]

المشاركة الأصلية كتبت بواسطة halloti عندي سؤال؟؟ ابغى اعرف بالنسبه لماجستير تقنيات التعليم ايش حتكون مجالات العمل فيه؟ يعن ازا اخدتو فين ممكن اشتغل وايش حيكون شغلي؟ افيدوني

المفروض إنه مجال تربوي متعلق بالتعليم والإشراف ومراكز مصادر التعلم وغيرها، وغالبية الخريجين هم منسوبي التعليم وحصلنا على المستوى السادس بحمد الله. وممكن العمل في الشركات الخاصة في أي مكان.

المشاركة الأصلية كتبت بواسطة hgvhdri السلام عليكم ورحمة الله وبركاته .. في خانة كشف الدرجات هل المطلوب الدرجات لجميع السنوات او السنه الاخيره فقط ؟؟ واذا كان لجميع السنوات كيف يتم الارفاق والخانه لملف واحد فقط ؟؟؟وشكرا ..

مطلوب الكشف الكامل حتى لو عدة صفحات / والحل وضعه في ملف وورد وتحوليه ثم ترسليه للموقع.

المشاركة الأصلية كتبت بواسطة أنين المشاعر كنت حابة اسأل كم الرسوم في البرامج الخاصة ؟ هل 72 أو 63 أو 36 ألف ؟ كل شوي اسمع رقم وكيف طريقة الدفع هل يكون كل ترم مبلغ أو كلها كاملة تندفع بعد القبول ؟ ضروري الإجابة

تفضلي أختي ،، في الماجستير التربوي بجدة 42000 وفي القصيم 72000
والماجستير التنفيذي بجدة 88000 وفي القصيم وحائل مثله، وبقية التخصصات بينهم ،، والمطلوب دفع تكاليف الفصل الاول وهو ربع المبلغ الله يعينكم.

[عماد الحسن]

المشاركة الأصلية كتبت بواسطة نوووودي احمدك ياررررررررربي ضبط معاي لكن في مشكله الرغبات للماجستير الخاص ماطلعت معاي علما اني حاطه درجه الكفايات -steep وكمان حابه اسال لو سجلت ولا قدرت ارفق درجه الستب مع ملف المرفقات عادي لو طبعت الطلب وسلمته لهم مع ملفي هذا في حاله تم قبولي باذن الله انا وجميع المتقدمين اسفه علي كثره اسالتي ..تحملونا وربي يكتب لكم الاجر ويوفقكم دنيا واخره

الحمد لله على السلامة وجزاكم الله خيرا لدعواتكم. ،، الرغبات تطلع لكم يوم السبت في الصباح بحول الله، وممكن تكتبي درجة التوفل بملف وورد عادي ومعاه التاريخ ورقم البطاقة والدرجة.

المشاركة الأصلية كتبت بواسطة ألايزا سلام عليكم.. انا بسجل في الماستر المدفوع (تقنيات تعليم) والأوراق اللي جاهزة عندي الآن هي: السجل الأكاديمي-دبلوم الحاسب-نتيجتي القدرات والكفايات-وطبعا الهوية وناقص باقي الدورات اللي أخذتها وبرضوه ماعندي حاليا مايثبت خبرتي (7سنوات) وبرضوه ناقصني التوصيات , لأني كنت ماخذه إجازة من العمل وبرجع بعد العطلة هذي. وسبحان الله ماتوقعت درجاتي بالكفايات والقدرات تطلع كويسة !! بعد الإختبارين كنت جداً متحطمة وقلت بعدين أعيد الأختبارين لكني تفاجأت بالنتيجة !! فهل تكفي هذه الأوراق حاليا إلى أن تبدأ الدراسة وأكمل مابقى لي؟؟ أرجو الرد لاهنتوا شاكرة ومقدرة

عليكم السلام ورحمة الله ونرحب بكم جميعاً ونحمد الله على درجاتك الطيبة في القياس
باقي تعملي ملف للسيرة الذاتية فيه كل الشهادات والخبرات والدورات وتحاولي تثبتي الخبرة بأي طريقة الله يعينك أما التوصيات فهي غير لازمة.. وبعدها تأكدي الطلب وربنا يوفقك.

المشاركة الأصلية كتبت بواسطة alghylani لو سمحتم أريد تحويل الملفات إلى pdf ماهي الطريقة لعمل ذلك

افتحي الملف وورد أو الصور ببرنامج وورد 2007 ثم اختاري حفظ باسم وتختاري تنسيق pdf .

[tawfeeQ ^e]

شكرا شواطئ البحر على الافادة

شكرا الاخ عماد على الاجابة ولكن ماهو التخصص المتاح للعسكريين ؟ في البرامج العامة والخاصة ؟ ارجوا الافادة وشكرا

[نوووودي]

السلام عليكم وصباح او مساء الخيرات

عندي سوال بسيط المؤهلات والدرجا وكل حاجه حاطتها انا بملف واحد بصيغه pdf الحين احملها علي كذا او احمل كل ورقه لوحدها

((اخ عماد الحسن واخت شواطئ ))

مشكورين علي هالخدمات اللي تقدمونها لنا من خلال اجاباتكم علي استفساراتنا
ربي يجعلها في موازين اعمالكم ويجعمعنا واياكم في دار النعيم

دمتم بود

[تـــاتـــي]

السلام عليكم ,,

اشكرك على توضيح المعدل ..الله يجزاك خير

عندي استفسار ياليت يتم توضيحه .
انا خريجة من كلية الاداب بالدمام ( تم تحويلها جامعة الملك فيصل) ماهو المطلوب مني لان الكليه التي تخرجت منها غير تربويه واغلب الاقسام المتاحه للماستر تربويه؟؟
هل عند الالتحاق بالماستر يتطلب مني الالتحاق بدورة عشان اقدر اسجل في اقسام تربويه ؟؟

شكرا ..

[رشة عطر]

السلام عليكم


انا تخصصي محاسبة ومن الرغبات اللي ابغاها ( ماجستير ادارة اعمال تنفيذي )

وكاتبين عند الشروط :

2. تكون الأولوية في القبول لمن تتوفر فيه الشروط التالية :
• تخصص علمي أو إداري في مرحلة البكالوريوس . ( متوفر )
• إلمام عن كيفية استخدام الحاسب الآلي . ( عندي المام بالكومبيوتر بس ما عندي شهادة تثبت , عندي شهادتين لبرنامجين مختلفين بس مو تبع الاوفيس )
• خبرة عملية لا تقل عن خمس سنوات فأكثر (إحضار ما يثبت ) (حديثة تخرج )

3. يجب أن يكون المتقدم في وظيفة قيادية بارزة. ( هذا الشرط ما ينطبق عليه .. يعني ما اقدر اقدم ؟ )

مع العلم بانه تقديري ممتاز مرتفع ولله الحمد , ودرجتي في القدرات مش بطالة 80





.

[عماد الحسن]

المشاركة الأصلية كتبت بواسطة tofi_jed شكرا شواطئ البحر على الافادة..شكرا الاخ عماد على الاجابة ولكن ماهو التخصص المتاح للعسكريين ؟ في البرامج العامة والخاصة ؟ ارجوا الافادة وشكرا

الله يحفظكم أخي ،، لا توجد في جامعتنا مجالات خاصة للعسكريين ولكن من حقك التقديم لأي تخصص في الماجستير أو الكتوراه أو الدبلوم ، المهم أن تتوافق مع عملك ونظام الدراسة،، ولابد تحاول باستمرار والله يسهل أمورك.

المشاركة الأصلية كتبت بواسطة تـــاتـــي السلام عليكم ,, اشكرك على توضيح المعدل ..الله يجزاك خير وعندي استفسار ياليت يتم توضيحه . انا خريجة من كلية الاداب بالدمام (تم تحويلها جامعة الملك فيصل) ماهو المطلوب مني لان الكليه التي تخرجت منها غير تربويه واغلب الاقسام المتاحه للماستر تربويه؟؟ وهل عند الالتحاق بالماستر يتطلب مني الالتحاق بدورة عشان اقدر اسجل في اقسام تربويه ؟؟ وشكرا ..

عليكم السلام ورحمة الله، نرحب بكم جميعاً وشكراً لتجاوبكم وهذه الدعوات الطيبة
التربوي مطلوب فقط في ثلاثة أقسم وهي التقنيات والإدارة والإرشاد، وسبب الاقبال عليها أنها تناسب التعليم ودراستها ميسرة كما أنها متوفرة في القصيم،، الدورات التربوي طيبة ولكن أنصحكم بدراسة الدبلوم التربوي لأنه مفيد لكم علماً بأني درسته قبل التحاقي بماجستير التقنيات.

المشاركة الأصلية كتبت بواسطة نوووودي السلام عليكم وصباح او مساء الخيرات عندي سوال بسيط المؤهلات والدرجا وكل حاجه حاطتها انا بملف واحد بصيغه pdf الحين احملها علي كذا او احمل كل ورقه لوحدها ((اخ عماد الحسن واخت شواطئ ))،، مشكورين علي هالخدمات اللي تقدمونها لنا من خلال اجاباتكم علي استفساراتنا ربي يجعلها في موازين اعمالكم ويجعمعنا واياكم في دار النعيم.. دمتم بود

مساء النور أختي الله يسعدكم جميعاً لهذه الدعوات الطيبة ويجعلكم من أهل الفردوس،
المفروض تفصلي ملف pdf حسب طلب العمادة ولا توضع كل الوثائق في ملف واحد،وهذا التقسيم موجود في موقع العمادة الخكوة رقم 5 بعنوان رفع الملفات، ويمكن لكم تصوير كل شهادة من نفس البرنامج ثم لصقها في ملف وورد وتحويلها بشكل منفصل ، وتوجد عدة طرق أخرى لفصل الشهادات.

[غزال نجد]

السلام عليكم لوسمحت في خانة اخر مؤهل اكتب بكلوريوس اودبلوم لان معي دبلوم سنه ونصف تربيه خاصه بعد البكلوريوس وايهم افضل لي توجية وارشاد اوتقنيات تعليم انا معلمه لكن لاافضل ان اضل معلمه ارجو الرد

[cool1]

السلام وعليكم ورحمه الله وبركاته
لوسمحتوا يامشرفين لدي استفسارين :
أنا اختبرت العام الماضي قدرات وحصلت على 65
واختبرت هده السنه بشهر 4
وحصلت على 70
ولكن بالاستماره لم تتغير ومازالت على نتيجه العام الماضي والتي هي 65

هل ستتغير ؟! ومـتـى ؟!
ومتى سينتهي التقديم ؟!

الاستفسار الثاني :
كتبت نتيجتي بااختبار ستب ولكن لم ارفق شهاده الاختبار في المرفقات ..
من أين احصل على الشهاده ؟!
وماهي الطريقه حتى اضيفها لمرفقات شهاده اللغه ؟!

وشكرا

[أحاسيس الفجر]

اخي عماد اختي شواطي


ممكن اعرف كم عدد المقبولين تقريبا كل سنه في الدبلوم العالي

وكمان هل شهادات الشكر والتقدير للانشطه الجامعه
وشهاده حضور دورات

تقبل في ان ارفقهاا في الدورات والخبرات
؟؟؟؟