]| التدريب الصيفي أرامكو 2013 ,*| لـ اِستفساراتكم هنا|*, |[

[عآكس قآنونه]

اللي الاحظ ان اكثر التخصص المطلوب انجليزي.."

واحد من العيال معدله 2.15من 4 تقريباً وووصل له رسالة قبول.."
..
التخصص اول شيء ينظرون له بعدين المعدل.."

وبالتوفيق.."



مشاركات قد تهمك: http://www.skaau.com/vb/showpost.php...&postcount=302
..
http://www.skaau.com/vb/showpost.php...&postcount=287

[Eva160]

المشاركة الأصلية كتبت بواسطة عآكس قآنونه اللي الاحظ ان اكثر التخصص المطلوب انجليزي.." واحد من العيال معدله 2.15من 4 تقريباً وووصل له رسالة قبول.." .. التخصص اول شيء ينظرون له بعدين المعدل.." وبالتوفيق.." مشاركات قد تهمك: http://www.skaau.com/vb/showpost.php...&postcount=302 .. http://www.skaau.com/vb/showpost.php...&postcount=287

سبحان الله، الحمدلله انقبل.
اعرف القبول اقل معدل اللي متخصصين هندسه 2.5 من 4 ، واللي مو هندسه 3 من 4.

[LegendaryS]

صدق أخوي فيه مشكلة لما يرسلوا عليك رسالة على بريد الهوتميل انا ارسلوا لصاحبي رسالة وانا وهو نفس التخصص وانا معدلي اعلى من معدله شوي واستغرب هو وكلمني وقال وصلتني رسال انت كيف ما توصلك وكان بريده [ جي ميل ] , رحت انا بعدها متصل على ارامكوا استفسر قالوا انت مرسلين عليك رسالة من اسبوع والنظام يؤكد على كذا وما وصلني شىء !!

وراح الموظف وارسل مره ثالنية ووصلتني ,,

لذلك ما ادري وش مشكلة الهوتميل مع الرسايل ,,

[alMaJnOn]

السلام عليكم

عندي سؤال بسيط

انا جاتني رسالة قبول واعطوني موعد يوم الثلاثاء الي هو امسس بس ما قدرت اروح هل يعني هذا انه القبول انلغى !!
غير كذا في القبول ما اتوقع انهم معتمدين اعتماد اساسي على المعدل اتوقع انهم معتمدين على التخصص ومن ثم المعدل

انا معدلي ناازل مره وقبلوني بدري بسس تخصصي قليل الطلاب فيه يمكن عشان كذا قبلوني بسرعة

[Unknown Soul]

المشاركة الأصلية كتبت بواسطة برايت فيوتشر انا كل اللي اعرفه انه القبول مش على اساس المعدل المره اللي فاتت كان في بنات معدلاتهم مرتفعه وماانقبلوا وبنات معدلاتهم منخفضه وجاهم القبول .. انا اعتقد والله اعلم انه على حسب التخصص وقد ايش هم محتاجين لنفس القسم اللي عندهم .. وانا متذكره بعد انه من جامعتي قبلوا طلاب كثير كلهم معدلاتهم اقل من معدلي بكثير يعني تقريبا مايجول للثلاثه ونص من خمسه مالكم غير انكم تصبروا لانه حد الان عملية القبول مستمره .. انت عشان ماتضيع فرصة الشركات الباقيه وبماا انه اجباري عندك التدريب قدم في الجهات الثانيه واللي يجيك القبول فيه اول روح له وان شاء الله ربي يكتب لكم اللي فيه الخير ..

المشاركة الأصلية كتبت بواسطة eva160 دحينه دي المسجات اللي وصلت للجميع قبول مبدئي وليس نهائي. الحمدلله معدلك عالي وتمام وتخصصك حلو ماشاء الله، بس زي ماقلت امكن تخصصك دي السنه الاقسام في ارامكو موطالبينها او يكون اكتفى من الطلاب والطالبات المبتعثين على حساب الشركه او اللي تدريبهم تعاوني من الجامعه . زي العام الماضي في مبنى "tower building" كلها تخصص ماليه وبيزنس اللي بيتدربوا في دا المبنى طلاب وطالبات مبتعثين من بريطانيا، واللي تدريبهم تعاوني يعني الجامعه تبعهم نفسها عاملين عقد مع ارامكو، مره ماكان في احد انقبل بالاجراءات اللي احنا بنمر عليها دحينه. عارفه الاحساس اللي انتا تمر فيها لانو انا بامريكا. تخيل تقعد تقريبا 5-6 شهور عشان تعرف ازا انقبلت تدريب صيفي او بحث جامعي مع دكتور في الصيف والنهايه الشركات تقول معدلك مو مره عالي 3.8 من 4. انا بقولك قدم في كل مكان اللي تقدر عليه لا تقعد على مكان واحد والنهايه لاقدر الله ماتنقبل ويروح عليك التاني. انا بالصراحه العام الماضي انا قدمت تقريبا 4-6 اماكن في السعوديه يجيني رفض عشان انا بنت او تخصصي مو مطلوب عندهم ، ودي السنه عملت نفس الشيء مابركز على ارامكو. ان شاء الله ربنا يكتب الخير

الله يجزاكم الخير, بما إنو ما زال ارسال القبول مستمر ودحين عدا أول اسبوع للرسايل فأنا حعطيهم مهلة ثانية الين الربوع الجاي علشان الرسالة, واذا ما ارسلولي في الاسبوع الثاني فخلاص حروح أقدم في الشركات الثانية. ما أحب أضرب مشاوير دحين واروح أقدم في شركات ثانية وبعدين ارامكو ترسلي القبول. أنا لسى عندي أمل فيهم وغير كدا أنا كسلان ._.

[Eva160]

المشاركة الأصلية كتبت بواسطة almajnon السلام عليكم عندي سؤال بسيط انا جاتني رسالة قبول واعطوني موعد يوم الثلاثاء الي هو امسس بس ما قدرت اروح هل يعني هذا انه القبول انلغى !! غير كذا في القبول ما اتوقع انهم معتمدين اعتماد اساسي على المعدل اتوقع انهم معتمدين على التخصص ومن ثم المعدل انا معدلي ناازل مره وقبلوني بدري بسس تخصصي قليل الطلاب فيه يمكن عشان كذا قبلوني بسرعة

طيب روح كلم استاذ خالد السويد على السريع، او ارسلوا ايميل تشرح لو وضعك.
ايوا ازا انتا ماروحت ولا اتكلمت خلاص راح يقولوا شكلوا كنسل التدريب مايبي.

[Eva160]

المشاركة الأصلية كتبت بواسطة unknown soul الله يجزاكم الخير, بما إنو ما زال ارسال القبول مستمر ودحين عدا أول اسبوع للرسايل فأنا حعطيهم مهلة ثانية الين الربوع الجاي علشان الرسالة, واذا ما ارسلولي في الاسبوع الثاني فخلاص حروح أقدم في الشركات الثانية. ما أحب أضرب مشاوير دحين واروح أقدم في شركات ثانية وبعدين ارامكو ترسلي القبول. أنا لسى عندي أمل فيهم وغير كدا أنا كسلان ._.

انا اقولك روح قدم واضرب مشاوير. الشركات ماراح تستنناك خلاص ازا جاء احد قدم عندهم وطلع مواصفاتوا جيده في المقابله الشخصيه ومعدلوا تمام على طول راح ينقبل ويروح عليك المكان.
لا تستنى شيء من ارامكو وتقول اديهم مهله اسبوع بعدينه يسير شهر، لعلوا خير تنقبل في شركات تانيه غير ارامكو عشان تضمن مكانك وتخصصك وتقييمك للتدريب الاجباري، ماتدري لا قدر الله تنقبل في ارامكو في قسم مالها علاقه بتخصصك ويسير لك تقييم من الشركه سيئه وتيجي تقول ماينفع اروح اقدم دي التقييم للجامعه. لانو اعرف وحده من البنات متى بدئوا يدوها شغل على اخر 3 اسابيع على نهايه التدريب واللي قيمها اداها تقييم سيء اتكلمت والنهايه الشخص جاء طنشها ولا اداها وجهه.

[Eva160]

المشاركة الأصلية كتبت بواسطة عاليه, طيب اذا انا مرفقه الملفات احتاج اروح اهم ولالا وهم ماارسلوا لي رساله بخصوص الملفات ؟

في الردود السابقه انا قلت انو التقديم ارامكو دي السنه مايبوا اي مرفقات تتحمل على الموقع, يعني حتى ازا حملتيها بنفسك احتمال ما تتحمل عندهم. هما خلاص راح يخلوا كل المقدمين/ المقدمات يقدموا اوارقهم يا لاقرب مكتب توظيف او عن طريق الايميل.

زي ماقلت العام الماضي طولوا في ارسال مسجات القبول لانو كلو شيء الكتروني.

دحينه بيرسلوا مسجات قبول وتطبيق على دفعات عشان مايسير في لخبطه.

[Eva160]

المشاركة الأصلية كتبت بواسطة عاليه, انا قرأت ردك قبل كذا بس الموظف لما كلمني وقال لي على القبول سألتي اذا ارفقت الملفات وقلت له ايوه ؟ وبعدها ماوصلتني اي رساله بخصوص الملفات اللي خلني استفسر انو كل الموجودين هنا وصلتهم رسايل ! وم

الله اعلم حبيبتي.
لانو حتى انا ارفقت المرفقات، بس طلبوا مني اجي او ارسلهم بالايميل.
ازا كده لازم تستني احتمال يدوكي مسج قبول نهائي مره وحده، لانو العام الماضي مسج القبول النهائي منهم وصل لي على ابريل 19.

ربنا يوفقك ويكتب لك الخير.

[Eva160]

المشاركة الأصلية كتبت بواسطة عاليه, شكراً لك ايفا على كل الردود والمساعده

لا شكر على الواجب حبيبتي.