]| التدريب الصيفي أرامكو 2013 ,*| لـ اِستفساراتكم هنا|*, |[

[Eva160]

المشاركة الأصلية كتبت بواسطة عاليه, طيب اخر استفسار اذا ممكن :/ برايك انتظر او اكلم الموظف افضل في ناس شككتني لما قالت انو فيه ايميلات مابتوصل اجمعين يارب

شوفي حبيبتي عايدي تقدري تتصلي على الموظف وتتأكدي لانو زي ماقلت ارامكو السيستم عندهم تعبان عشان الهكر اللي صار لهم على اغسطس 2012 وهما الى ان لسا مضررين بدا الشيء.

بس ازا لاقدر الله ماارسلوا لك شيء لا تزعلي ولا تفكري كتير زي ليه ناس تيجيهم وانا لا
خليكي ايزي واتزكري كل تاخيرة و فيها خير ان شاء الله

ان شاء الله ربنا يكتب لك الخير

[Unknown Soul]

المشاركة الأصلية كتبت بواسطة Eva160 انا اقولك روح قدم واضرب مشاوير. الشركات ماراح تستنناك خلاص ازا جاء احد قدم عندهم وطلع مواصفاتوا جيده في المقابله الشخصيه ومعدلوا تمام على طول راح ينقبل ويروح عليك المكان. لا تستنى شيء من ارامكو وتقول اديهم مهله اسبوع بعدينه يسير شهر، لعلوا خير تنقبل في شركات تانيه غير ارامكو عشان تضمن مكانك وتخصصك وتقييمك للتدريب الاجباري، ماتدري لا قدر الله تنقبل في ارامكو في قسم مالها علاقه بتخصصك ويسير لك تقييم من الشركه سيئه وتيجي تقول ماينفع اروح اقدم دي التقييم للجامعه. لانو اعرف وحده من البنات متى بدئوا يدوها شغل على اخر 3 اسابيع على نهايه التدريب واللي قيمها اداها تقييم سيء اتكلمت والنهايه الشخص جاء طنشها ولا اداها وجهه.

إنتي ممكن تعرفي ذا الشيء بس معظم الشركات ما يوظفون الشخص على تخصصو بالضبط ويخلوه يشتغل في أي شغلة علشان يخلص عدد ساعاته. كلنا عارفين إنو طلاب التدريب الصيفي يعتبرون عبء على الشركة ويبغون يتخلصو منا في أقرب وقت ممكن. فأنا أتوقع لو قدمت في أي مكان حيحطوني Help Desk أو Call Center أو Receptionist أو أي شغلة تافهة علشان لا أزعجهم في شغلهم الأساسي اللي المفروض يدربوني عليه. أعرف واحد شغلتو كانت إنو بس يقرا Manuals! معظم الطلاب اللي سألتهم عن تدريبهم حق الصيف اللي فات قالو ما استفادو شيء ولا حتى اشتغلو في مجال تخصصهم! حتى بعضهم المشرف عليهم قلهم خلاص تبغى تغيب غيب وأعتبرك انك اشتغلت عندنا واذا تبغى تقييمك يلا خذ ممتاز مع مرتبة الشرف ههههههههه, وبالنسبة للتقارير هذي سهالة حنقعد نألف لهم أي شيء وهذا الواقع الحاصل لمعظم الطلاب. الشركات جدا قليلة اللي تستفيد فيها وبصراحة أرامكو تعتبر شركة تستفيد فيها وهذا من خلال تجارب الزملاء حقون الدفعة اللي راحت فأنا فعلا أحب أستفيد في التدريب فأنا أتمنى ان شاء الله يجيني القبول فيها.
مع الأسف أكثرية الشركات ما عندهم ثقة في الطلاب ومهما يكن حيطالعوك كطالب ما هم دارين انو ذا الطالب ممكن يعرف يشتغل أحسن من نص اللي يشتغلو في الشركة.
على العموم بكرا حشوف وش فيه شركات تستفيد منها في التدريب الصيفي وأتصل عليهم اذا كان عندهم مكان.

[Eva160]

المشاركة الأصلية كتبت بواسطة unknown soul إنتي ممكن تعرفي ذا الشيء بس معظم الشركات ما يوظفون الشخص على تخصصو بالضبط ويخلوه يشتغل في أي شغلة علشان يخلص عدد ساعاته. كلنا عارفين إنو طلاب التدريب الصيفي يعتبرون عبء على الشركة ويبغون يتخلصو منا في أقرب وقت ممكن. فأنا أتوقع لو قدمت في أي مكان حيحطوني help desk أو call center أو receptionist أو أي شغلة تافهة علشان لا أزعجهم في شغلهم الأساسي اللي المفروض يدربوني عليه. أعرف واحد شغلتو كانت إنو بس يقرا manuals! معظم الطلاب اللي سألتهم عن تدريبهم حق الصيف اللي فات قالو ما استفادو شيء ولا حتى اشتغلو في مجال تخصصهم! حتى بعضهم المشرف عليهم قلهم خلاص تبغى تغيب غيب وأعتبرك انك اشتغلت عندنا واذا تبغى تقييمك يلا خذ ممتاز مع مرتبة الشرف ههههههههه, وبالنسبة للتقارير هذي سهالة حنقعد نألف لهم أي شيء وهذا الواقع الحاصل لمعظم الطلاب. الشركات جدا قليلة اللي تستفيد فيها وبصراحة أرامكو تعتبر شركة تستفيد فيها وهذا من خلال تجارب الزملاء حقون الدفعة اللي راحت فأنا فعلا أحب أستفيد في التدريب فأنا أتمنى ان شاء الله يجيني القبول فيها. مع الأسف أكثرية الشركات ما عندهم ثقة في الطلاب ومهما يكن حيطالعوك كطالب ما هم دارين انو ذا الطالب ممكن يعرف يشتغل أحسن من نص اللي يشتغلو في الشركة. على العموم بكرا حشوف وش فيه شركات تستفيد منها في التدريب الصيفي وأتصل عليهم اذا كان عندهم مكان.

انا بالصراحه مااحط العيب على الشركات. العيب يكون على حسب رئيس القسم ونائب القسم والمشرف ازا كانوا من جد فيهم حب لتعليم الطالب/ه للتدريب راح يدوه اشغال كتيره ويخلوك تكمل شغلك في البيت.

هوا في صح في بنات اللي اتعرفت عليهم العام الماضي تقريبا نقول 10 منهم مااستفادوا من تدريب ارامكو بس كانوا قاعدين في مكتبهم وكانو بس يتمشوا ويشتكوا لي مقهورين انو مايقدروا يسووا شيء ويقولوا انو
القسم اللي عندهم اعترفوا هما مغصوبين يكون عندهم طالب/ه للتدريب وهما اصلا مو محتاجين.

ربنا يوفقك ويكتب لك الخير. ان شاء الله نسمع منك اخبار حلوه

[Eva160]

المشاركة الأصلية كتبت بواسطة عاليه, انا ان شاء الله مو زعلانه ابداً والخيره من عند الله اولاً واخيراً انا احس انو الوضع مخربط يعني ناس بتجيهم ايميلات وناس بيتصلوا عليهم الموظيفين يعني مافي نظام وشئ ثابت وغير كذا انا بسمع كلام من كذا شخص ! الله يوفقنا جميعاً ويكتب لنا الخير يارب

العام الماضي كان زي كده القبولات.
زي ماقلت اجراءات القبول يكون عن طريق ليست المركز الرئيسي هما يقوموا بتوزيع الاسماء المقبولين والمقبولات للموظفين. وكل موظف راح يتصرف طريقه ارسال مسج القبول يا يتصل او يرسل مسج تنبيه على الجوال او يرسل على الايميل مره وحده.

ربنا يوفقك ويكتب لك الخير

[ASMA_C]

السلام عليكم

أول شئ أنا الحمد لله ارسلوا لي رسالة القبول المبدئي وحطوا لي موعد يوم السبت علشان يطابقوا الاوراق
بس المشكلة اني ما اقدر اروح السبت *_* هل لو ادرجت الوثائق في النت يكفي أو لازم اروح لهم مع بابا ويوقع وكذا ..
كمان لو رحت يوم غير السبت عادي والا لازم السبت
واذا ان شاء الله انقبلت قبول نهائي وما ناسبني المكان أو القسم اقدر اعتذر والا لازم اكمله لانهم ما حطوا لي مكان التدريب وانا تخصصي كيمياء فما ادري فين راح اتدرب

اسفة من جد على اسئلتي الكثيرة

[Eva160]

المشاركة الأصلية كتبت بواسطة asma_c السلام عليكم أول شئ أنا الحمد لله ارسلوا لي رسالة القبول المبدئي وحطوا لي موعد يوم السبت علشان يطابقوا الاوراق بس المشكلة اني ما اقدر اروح السبت *_* هل لو ادرجت الوثائق في النت يكفي أو لازم اروح لهم مع بابا ويوقع وكذا .. كمان لو رحت يوم غير السبت عادي والا لازم السبت واذا ان شاء الله انقبلت قبول نهائي وما ناسبني المكان أو القسم اقدر اعتذر والا لازم اكمله لانهم ما حطوا لي مكان التدريب وانا تخصصي كيمياء فما ادري فين راح اتدرب اسفة من جد على اسئلتي الكثيرة

مبروك للقبول المبدئي.
يبالك تتواصلي مع استاذ خالد السويد او ارقام مكتب التتوظيف اللي ادوكي هيا في مسج القبول المبدئي. تشرحي لهم وضعك انو مايمديكي تيجي يوم السبت هل يمديكي تيجي الاحد او ترسلي لهم اوراقك عن طريق الايميل او الفاكس.

مكتوب مكان التدريب راح يكون في الظهران، القسم الا الى ان مو محدد. اتزكر عرفت مكان القسم اللي راح اتدرب فيه، قبل 3 ايام على بداية التدريب. يمديكي تعتزري للتدريب.

ربنا يوفقك ويكتب لك الخير يا حبيبتي

[Hudy H.A]

السلام عليكم
كنت اتمنى اكون معاكم في الخطوات الجاية بس دوبو جاني رد انه كان تسجيلي بالمكان الغلط. قدر الله و ما شاء فعل. الحمدلله على كل حال و ربنا يكتبلنا جميعا الخير..
بالتوفيق في تدريبكم وان شاء الله تستفيدو.. وننتظر تجاربكم..

[الورده الزرقاء]

مرحبا.... بالنسبه للرسائل اللي ماتنرسل عالهوتميل،،، ايش العمل ؟؟
انا اكاونتي هو تميل كيف اعرف إذا أرسلوا لي او لا،،، وأنا ادرس خارج المملكة وناقدا أتواصل او أكلم الأستاذ خالد بسهوله ،، أرسلت له وما رد،، ايش الحل ياجماعه؟؟؟؟؟
ياريت احد يساعدنا بهالموضوع رجاءا!!!

[طمُوح .~]

السلام عليكم ورحمة الله وبركاته

شيء غريب من أرامكو!! كيف طريقة قبولهم على أي أساس؟؟
عجزت أفهم ><"
صديقتي تخصصها كيميـاء ومعدلها فوق الـ 4.5 ماشاءالله ، ومع ذلك
أرسلوا لها اليوم رسالة نصهآ
" نعتذر لعدم إعتماد طلبك للإنضمام في البرنامج الصيفي للمرحلة الجامعية
لأن مؤهلاتك لاتفي بالحد الأدنى لمتطلبات البرنامج "
^ كيف يعني مؤهلاتها لاتفي؟؟ أحد يشرح لي السبب! لأنو أنا تخصصي مثلها
لكن معدلي أقل.. مع ذلك إلى الآن ماجاتني رسالة :(

[Eva160]

المشاركة الأصلية كتبت بواسطة الورده الزرقاء مرحبا.... بالنسبه للرسائل اللي ماتنرسل عالهوتميل،،، ايش العمل ؟؟ انا اكاونتي هو تميل كيف اعرف إذا أرسلوا لي او لا،،، وأنا ادرس خارج المملكة وناقدا أتواصل او أكلم الأستاذ خالد بسهوله ،، أرسلت له وما رد،، ايش الحل ياجماعه؟؟؟؟؟ ياريت احد يساعدنا بهالموضوع رجاءا!!!

هل خلصتي 4 سنين وانتي داخله 5 او 6 سنه من دراسه طب الاسنان؟؟؟
انتي في ايت دوله؟؟؟
يسير اقولك خطه كيف تتصلي عليهم على يوم اليوم!!!!ج