برنامج التدريب الصيفي للطلاب والطالبات السعوديين في المرحلة الجامعية(أرامكو السعودية)

[عآكس قآنونه]

المشاركة الأصلية كتبت بواسطة eva160 انا بالصراحه مره مااتواصل مع النساء جرب تتواصل مع دي الرقم 7055 865 3 966+ انا اتواصلت مع دي الايميل talent@rawabiholding.com كده قبل 3 اسابيع وشرحت لهم وضعي، رد عليا راح يحطوني في قائمه التواصل مع الهاتف او السكايب الله يوفقك ويكتب لك الخير

الله يعطيك العافيه .."
وسبب اني تواصلت مع فرح لأن رقمها وصل لي مع محتوى الرساله اللي وصلت لي من قبلهم .."
ولكن انا بعاود التواصل مع الإيميل وبأشوف وش النتيجه معهم .. "

ويعطيك العافيه ويوفقك ."

[hana41]

أنا اتصلت عليهم اليوم و قالوا التدريب راح يكون بالظهران و أنا ما اقدر و مرره ابغى اتدرب بارامكو فرصه مره حلوه و كمان اخذ خبره مررره كويسه .. بس مشكلتي ما اقدر بالظهران حاولت بكل الطرق .. ايش اسوي ؟؟؟

[Eva160]

المشاركة الأصلية كتبت بواسطة hana41 أنا اتصلت عليهم اليوم و قالوا التدريب راح يكون بالظهران و أنا ما اقدر و مرره ابغى اتدرب بارامكو فرصه مره حلوه و كمان اخذ خبره مررره كويسه .. بس مشكلتي ما اقدر بالظهران حاولت بكل الطرق .. ايش اسوي ؟؟؟

بالصراحه انا بابا كان مو موافق في البدايه انو اروح الظهران قال ازا في جدة اوكيه، بعد ماجاء القبول ومكتوب لي في الظهران. كلمتوا و قلت لو دي التدريب راح يفيدني في مستقبلي الوظيفي وراح يكون عندي فكره عن جو العمل ، وقلت لو انا مو لحالي صحباتي راح يتدربوا و كمانه التزاكر والسكن والمواصلات على حسابهم. الحمدلله بعد شهروافق.

اول شيء استخيري ربنا، وبعدها قولي نفس الكلام اللي انا قلتها لبابتي. ان شاء الله ربنا يكتب لك كل الخير.

[AMINAH.A.A]

صباح الخير
ياأصحاب التخصصات الصحية طب بشري
الي انقبل ياليت يتواصل معي
او يوضح على الاقل معدله يعني اكثر من هدا الرقم 4.79 بكثير
علشان اقدر احدد فرصتي بالانتظار بليزز الله يعطيكم العافيه

[sultan al-ghamdi]

السلام عليكم يا حلوين
اذا في امكانية تحطوا رابط ارامكو لمتابعة رسائلهم المخزنة في موقعهم باليوم والوقت ،لأني خايف ما يجيني موعد التصوير واستلام الأوراق الى بريدي

وشكرا لكم مقدما

[حلم ماضي]

https://jobs.aramco.com/sap/bc/webdy...g=SB&sap-rtl=X
هذا رابط التسجيل
واذا دخلت مكتوب
الرسائل امرسله الي
تضغط عليها وتشوف اذا وصلك شي او لا

[Eva160]

المشاركة الأصلية كتبت بواسطة عآكس قآنونه الله يعطيك العافيه .." وسبب اني تواصلت مع فرح لأن رقمها وصل لي مع محتوى الرساله اللي وصلت لي من قبلهم .." ولكن انا بعاود التواصل مع الإيميل وبأشوف وش النتيجه معهم .. " ويعطيك العافيه ويوفقك ."

اتواصلت مع استاذه هناء المعبيدي
Hanaa Almoaibed <Hanaa.Almoaibed@rawabiholding.com>

ارسلت لي دي الكلام

Dear Ebtihal,
Thanks for your inquiry. We will schedule a Skype interview later this week or early next week. However, I will take this opportunity to let you know that we do offer a small monthly reward to our interns but do not offer housing or transportation arrangements or allowance. Do you have a place to stay in AlKhobar.

Best regards,

Hanaa A. Almoaibed
CSR Unit Head
Rawabi Holding

--------------------------------------------------------------------------------

على حسب كلامها لايوجد سكن ولا مواصلات مع شركتهم بس في مكافأه شهريه. بس هيا حابه تعرف ازا عندي معارف في الخبر عشان اسكن معاهم. بالصراحه ماعندي معارف في الخبر.

راح ارد عليها انو ماعندي معارف في الخبر. بس حابه ازا في فرصه اعملها السنه الجايه او في وسط السنه على الاقل يكون في ده الفتره انو يكون انا دبرت سكن اسكن فيها.
--------------------------------------------------------------------------------
الله يوفقك ويكتب لك الخير

[عآكس قآنونه]

المشاركة الأصلية كتبت بواسطة eva160 اتواصلت مع استاذه هناء المعبيدي hanaa almoaibed <hanaa.almoaibed@rawabiholding.com> ارسلت لي دي الكلام dear ebtihal, thanks for your inquiry. We will schedule a skype interview later this week or early next week. However, i will take this opportunity to let you know that we do offer a small monthly reward to our interns but do not offer housing or transportation arrangements or allowance. Do you have a place to stay in alkhobar. Best regards, hanaa a. Almoaibed csr unit head rawabi holding -------------------------------------------------------------------------------- على حسب كلامها لايوجد سكن ولا مواصلات مع شركتهم بس في مكافأه شهريه. بس هيا حابه تعرف ازا عندي معارف في الخبر عشان اسكن معاهم. بالصراحه ماعندي معارف في الخبر. راح ارد عليها انو ماعندي معارف في الخبر. بس حابه ازا في فرصه اعملها السنه الجايه او في وسط السنه على الاقل يكون في ده الفتره انو يكون انا دبرت سكن اسكن فيها. -------------------------------------------------------------------------------- الله يوفقك ويكتب لك الخير

تم التواصل معها .. ووتم كذلك الرد من قِبلها برساله تحوي:

شكرا لرسالتك. أود أن أوضح أن القبول في البرنامج سيحدد بعد اجراء دورتين من التقييم احداها هي دورة يوم السبت و التي ستجمع أكثر من 200 متقدم على البرنامج و لمن يجتاز هذه المرحلة فرصة لمقابلة شخصية لتحديد عدد المتدربين الذين يمكننا استيعابهم في البرنامج، و نظرا لعدد المتقدمين لا يمكننا تأجيل التقييم الجماعي، و نتمنى التوفيق للجميع،،،
..

طبعاً بعدما كنت أطلب بغيير موعدي لتقييم وإتاحة الفرصه لي بالقبول بتغيير الموعد .." لكن ننتظر إلى الفتره الثانيه على كلامها .."

..



وأشكرك على ردكِ , .."

[mr.samie]

الاخت ايفا والاخ عاكس قانونه

انا الحقيقه ما عندي اهتمام بشركة روابي لكن شدني حديثكم وكلامكم عن الشركة واكثر ما شدني المقابلة
انا اول مرة ادري ان في شركة تقابل متدربين وحطوا تحت متدربين خطوووط
انا اعرف شركات كثيرة في مجال تخصصي تدرب وجميعها تعتمد على المعدل التراكمي والسيرة الذاتية
مافي شي اسمه مقابلة لمتدرب فبناء على هذا الكلام فيه احتمالين من كلامكم عن الشركة

الاحتمال الاول وهو المرجح بالنسبة لي ان الشركة فيها واسطات لأن افضل شي للواسطات تعقيد القبول
محد بيكون له حجه ببساطه يقدرون يقولون معدلك عالي كل شي اوكيه لكن ما عجبتنا كذا لله في الله ما عجبتنا

الاحتمال الثاني ونسبته ضئيلة خصوصا في السعوديه انهم مهتمين بالمتدربين لدرجة يتنقوهم بعناية
وطبعا ليه انا ضد هالاحتمال لان اصلا التدريب هو مفيد للمتدرب ويعتبر زي المقابلة الشخصية الطويلة بدل ساعة او نص ساعة مقابلة ادردش معك فيها اشوفك لمدى شهرين او اكثر كيف شغلك وهذا مقياس افضل من المقابلة
فكيف يكون للمقابلة الطويلة مقابلة صغيرة ! خذه على المعدل وشوفه بعدين وهل هو مناسب ولا لا اجل وشلون المتدرب يعرف اذا هو مناسب للشركات او لا اذا ما اعطي فرصة حقيقية وتدرب واثبت نفسه !

وسبب ان هالاحتمال نسبته ضئيلة ان اصلا الشركات لو تركتهم وزارة العمل والله ما يدربون احد
غصبا عن خشومهم مجبورين لا مخيرين يدربون الطلاب واذا رحت للتدريب تتفاجاً بالتنسيق اللي مش حالك لا مسؤول تدريب ولا مدرب يحذفونك بمكتب تقرى جرايد وتاكل فصفص وشاي وتمشي مافيه اهتمام اسم انك تدربت عندهم ويعطونك شهادة تدريب والمشكلة مافيه تقييم حقيقي للتدريب
الجامعة تسلك للشركة والشركة تسلك للجامعة وتخرج يا طالب وهذا وجهي ان توظفت


عموما موفقين وفالكم القبول

[Super Linux]

تم قبولي ولله الحمد

الثقل صنعه

على مين تلعبها قلك راس تنورة

في تمام الساعه 2 الظهر اليوم تم الاتصال على عاصم الي هو انا

سلامو عليكم ورحمة الله وبركاته عاصم اكدلنا الله يطولي عمرك تبي تدرب ولالا

وترا حطيناك ف الظهران قلت ايه هذا الي ابيه راس تنورة ومدري وشو معليش << تكفه

قال ها موافق قلت طبعا وبكل تأكيد وجلس يرطن انقلش يقصد هل انت موافق ولالا

وبعدين كمل رطن بصراحه الي فهمته انه يقول ارسلنا ع الايميل الي وصلك انك موافق

طبعا يقصد الايميلات القديمه تتذكروها ؟

وبعدين قلبنا عربي :) قالي جواب نهائي عشان احجز مقعد بأسمك قلت له تم موافق وبقوه طبعا كالعاده ضحك مدري هو انا دمي خفيف ولا يجاملني خخخخخخ

اممم وش قالي بعد ايه قالي البرنامج متى يبدء ومتى ينتهي بالميلادي طبعا نفس الي مكتوب ف الايميل

وش بعد ايه قالي بالنسبه للسفر راح نجمعكم كل ابوكم طلاب جامعة ام القرى وطلاب جامعة الملك عبدالعزيز ونااااااااسه حقابل كثير اعرفهم ان شاء الله هع

المهم يجمعونا ف المطار وندعس ع الدمام وقال حنستقبلكم احلى استقبال

قلت له يااستاذ لايكون التدريب صعب << مدري وش جاب هالسؤال في بالي

قال لاتشيل هم سهل جدا نحط كل واحد على حسب تخصصه مدري ليه شدد على كلمة على حسب تخصصه

ااممم وبس

الزبده انقبلت قبول نهائي بس باقي الاوراق يقول حنتواصل معاكم متى تخلصوها وتسيذا

موفقين ياحلوين

والله ماني فرحان لنفسي مرا لكن لمن بشرت امي انهم حطوني ف الظهران مرا انبسطة لمن شفت فرحتها وتسيذا انا انبسط واتحمست الله لايحرمني منها

لعيونك ياأمي لو تبيني اسير مدير شركة أرامكو ماعندي اي مشكله ههههههههههه

تشأأأأأأأأأأأأأأأأأأأو