تجمع بنات ادارة سكن ومؤسسات متجدد باذن الله

[نيكييتا]

الي ما نزلت لها المادة لازم تراجع استاذة سلوى انا زي كدا طلع انو الشعب كلها متعارضة و رحت اليوم و زبطت لي وضعي في اقل من خمس دقايق

و اظن الاسبوع دا كلو مافي كلاسات نظرا لأنو لسه في حذف و اضافة + مشاكل الاودس بلس

و بالتوفيق للجميع

[FA10]

نيكيتا

افيديني الله يسعدك

أنا رتبت جدولي وكله تمام ماعدا يوم الأحد والثلاثاء

عندي فاضي من 8 - 8,50 وكمان من 10- 10,50

ف ياليت تفيديني بمادة خفيفة على القلب ^^ اضيفها في جدولي

[نيكييتا]

تبي حرة ولا اختيارية ؟؟؟

[FA10]

ما أعرف ايش الأفضل

بس المهم عندي تكون عدد الساعات لهذا الترم 17 أو 18

وطبعاً ابغى مواد غير العربي 2

وتكون مادة سهلة عشان مااضغط على نفسي من أولها

[نيكييتا]

شوفي اختياري ممكن تاخذي صيانة مرافق أولا لأنها مع نادية عقباوي و المادة نص عملي نص نظري و مررررة ممتعة .. ممكن تاخذي برامج أسرية بس الصدق انا ما اخذتها للان بس البنات يقولو انها ممتعة .. علم نفس مهني برضو خفيفة على القلب و سهلة ... و حاليا انا مسجلة ادارة مشتريات و مستودعات ^ ـ ^

حرة انا الي اخذتها للان سيرة نبوية من قسم تاريخ المادة كلها قصص و معلومات احنا عارفينها من زمان سو المادة مررررررة سهلة و الكل ماخذ فيها درجات جدا عالية ... امم فلك كمان من كلية العلوم كثير مرة يقولو انها سهلة .. و مدخل الى علم الاجتماع برضو يقولو سهلة ... و حاليا انا مسجلة تسويق ملابس و برضو يقولو حلوة و سهلة

و اي استفسارات انا حاضرة ^ ــ ^

[FA10]

مشكورة الله يسعدك :) ♥

بس حابة اسأل لما آخذ مادة حره تنحسب لي وتفيدني ولا بس زيادة عدد وساعات ؟

لأنه أنا ابغى أخلص في أربعة سنوات بإذن الله عشان كذه ابغى آخذ كل ترم 17 أو 18 ساعة

[نيكييتا]

شوفي انا ماشية على الخطة و أهوه هذي اخر سنة ليا و هي الرابعة مافي داعي تضغطي على نفسك لأنو المتضرر بالأخير هو انت

و طبعا الحرة تنحسب لك من المعدل و بالساعات كمان بس زي ماهو في الخطة احنا لنا اثنين حرة بس لكن شوفي في بعض الناس تاخذ مادة حرة و ترجع تعيدها و تعيدها عشان ترفع فيها المعدل بس طبعا حتنحسب لك في الساعات مرة وحدة بس اكيد معدلك حيترفع فيها

ان شاء الله تكوني فهمتي عليا

[FA10]

اهاا ايوا فهمتك مشكوررررة ربنا يوفقك :) ♥

[صدى الآمال]

انا مشيت عالخطه
بس جدولي مضغوط ماعندي بريكات
كمان تاثيث مسكن يوم واحد وطويله المحاضره

[نيكييتا]

عادي ياماما بالعكس لا تاخذي بريكات عشان تقدري تخلصي بدري

و سكن و تأثيثه طويل الكلاس لأنو معمل يا حلوة و بعدين لو خلصتي شغلك قبل الوقت عادي الاستاذة تسمح لك تمشي

و بالتوفيق