عندمآ يتشآبـﮧ إلگل أتميز { أنـــــآ .!

[O-DODY-O]

انا استغرب من تعامل بعض الناس...

لما اشوف طفل صغير يسوي غلط المفروض اول شي اعلمو انو هذا الشي غلط

واعلمو ع,ــالصح

في ناس ما عندهم صبر على طول يمدو يدهم

طيب هوا صغير ايش عرفو ..؟؟

لازم اول شي تعلمو انو ذا الشي غلط وتعلمو ع,ـالصح

زي مره من المرات كنت دوبي جايبه طقم السرير من المغسله

لسا نظيف دوبي فرشتو

جا ولد اخويا الصغير معاه البخاخ حق القزاز <لأنو كان ع,ـالتسريحه

وقام يبخ ع,ـالبطانيه يقول انظف سريرك ههههههههه

قلتلو لاحبيبي ماتسوي كذا..
مسكتو وقفتو ع,ـالتسريحه وخليتو ينظف المرايا

اختي مفجوعه تطالع فيا تقول يابرودك والله لو اني مكانك لاضربو ضرب

قلتلها حرام عليكي

تقول اول مره في حياتي اكتشف فيكي شي كويس <مشكله الناس اللي ياخذو فكره عن الشخص من موقف واحد

[O-DODY-O]

افكر اسوي حلى اليوم

بس ما اعرف ايش...؟؟

يارب يزبط ... لأني مره فكرت اسوي حلى وياليتني ما اتفلسفت طلع خبيييييصه

والله الشكل كان ميه ميه بس الطعم الله العالم بيه

[O-DODY-O]

(ولا تلقوا بأيديكم الى التهلكه)

حقين الثنوي كللللللهم محفرين في اياديهم حروف

قال ايه قال (ومن الحب ما قتل)

ياربي اي حب ذا ؟؟ ذا مرض ذا مو حب...

[O-DODY-O]

خليني معك
في كل درب ٍ أتبعك ..
بـ الحلوة ~..
والمُرّه ~..
سوى ..!!
و بـ إيدي أمسح دمعتك ..!
يااااااا حلم
بـِ ايدي ألمسه ..
ياااااا عمر
مابي أفقدهــ ..!
يا سنين .يانبض .. وقدر ..
يادرب ..ياروح ..ونظر ..
صدّقني :لا جيتك أقول :
أكبر .. غلط ~
~ نسمع عذول
همَّه ,, نموت و نفترق ,,
و وردة هوانا تختنق ..!!

[O-DODY-O]

اليوم يوم جميل جدددددداً

بصراحه احلى يوم ....

الله يحلي ايامي يارب...

[O-DODY-O]

اهم التواريخ في حياتي....~

يوم الاثنين الموافق 17-3-1413هــ

كان يوم ولادتي

يوم ولادتي كانت معجزه كل العالم اتكلمو عن ولادتي <احلفي

ولدرجة انو الدنيا كانت ظلام الساعه 1 الليل انولدت وفجأه كذا طلع نور قوي <ياشيخه

وكل الناس يقربو من المستشفى اللي انولدت فيها ومشيو لما وصلو للنور وشافوني

وااااا كنت معجزه <سبحان الله

كانو محسبين كائن فضائي نزل الارض <ههههههههه

بس اكتشفو اني انسانه

~~~~

يوم الخميس الموافق 16-7-1430هــ

كان يوم وفاة اعز صديقه لي

يوم وفاتها سجله التاريخ بأكمله شهد العالم كله وفاة اعز صديقه لي

اسكنها الله فسيح جناته


~~~~

سبحان الله التاريخين احسهم قريبين من بعض

يمكن لأنها اهم حدثين في حياتي كلها وفي حياة العالم اجمع

[O-DODY-O]

انا مو عارفه ليش؟؟؟

لما اكلم صحباتي ع,ـالمسن يقعدو يكررو الكلام مية مره.....

[O-DODY-O]

اتفجأت اليوم من تفكير بعض الناس....

اتخيلو في حريم ما اتزوجو ولا يبغو يتزوجو

يقولو يخافون يجيبون عيال ويربون ويتعبون واخرتها يكبرو ويسيرو اخس الناس

[O-DODY-O]

اليوم اكتشفت انو مرت سنتين على السيل حق جده

كنت احسبو العام حصل

سبحان الله الايام تمشي بسرعه

-----------

دحين اللي عرفت اننا في شهر 11

[O-DODY-O]

بتعرفو كيف الوضع عندي؟؟؟

اول شي محد في البيت غيري <لا الوضع يطمن

ثاني شي عندي 4 بزارين تقل اعمارهم عن سنتين

وامهاتهم في السوق

مشغلتلهم طيور الجنه على اعلى صوت ومندمجين بقوووووه

بس الصغيره تطفش مرررررررررره

عمرها 5 شهور اخخخخخخخ بس تبكي

وفي وحده بتجنني كل شي في طريقها تحطو في فمها وبس تئاذي