{..تنظيـم الجدآول و اختيـآر المـوآد للفصل الدرآسي الجديد..طـآلبـــــــآت..}

[ام حمدان]

المشاركة الأصلية كتبت بواسطة MIMU شكرا أم حمدان ^^ لقيت قائمة بأسماء المواد الحرة http://artea.kau.edu.sa/content.aspx...g=AR&cid=85687 لكن مالقيت فيها اسماء المواد اللي ذكرتيها ؟؟؟

هذا رابط يخص المواد الحره للطلاب مو الطالبات

لكن المواد الي قلتلك عليها موجوده عندنا والدليل روحي لايقونة الحذف والاضافه وادخلي على قائمة المواد ودوري على رموز المواد الي ذكرتها وراح تلقينها انا اضفت isls212 واذانزل اسم الاستاذه مريم السباعي راح اخليها بجدولي اما اذا احد ثاني يمكن احذفها لانه مااضفتها الا عشانها

موفقه قلبو

المشاركة الأصلية كتبت بواسطة فديت الموت لويدري مرحبا بنات ابغى اسئلكم إن شاء الله ناويه هالترم اضيف ريدنق2--خذ عند ريم سائحي تراعي في الدرجات ورايتنق2-خذي عند مايا اليافي برضو تراعي في الدرجات وثقافه4---ماتفرق خذيها مع اي احد وماده حره --شوفي الموضوع المثبت تبع تجارب الطلاب والطالبات مع المواد الحره واقري ردود الطالبات تبع الانتساب عن افضل المواد الحره واختاري الي يعجبك شوفي هذا الرابط http://www.skaau.com/vb/showthread.php?t=330508 ومقدمه في اللغويات--كل استاذاته كويسات ماتفرق كثير بس الافضل الاء المحمدي اومنى البلوي تتوقعون كذا كويس تراني نص ونص في الانجليزي وحملت الترم اللي راح الرايتنق2 عند حنان الطرازي الله يسامحها اذا كذا الجول اوكي ياليت تقولولي عند اي دكتورات اخذ المواد؟؟؟ وبالاخص الرايتنق مررررررررره صعب واخاف احمله مره ثانيه ويحولوني من القسم واهلي بيذبحوني لا موصعب ابدا بس يبغاله تتدربي كثير على كتابه مقالات منوعه وراح تنجحي فيه وبدرجه حلوه كمان انتي بس شدي حيلك وربي ييسره لك وابغى اعرف هذي المواد لها دوره تأهيليه والاسنترا؟ ريدنق ورايتنق كلهم سنترا والمواد الحره على حسب فيه بعضها سنترا وبعضها لا واللغويات دورتها في الجامعه مو سنترا تكفون افيدوني ترى من جد ملخبطه وماعندي ولا معلومه ومااعرف غيركم بعد الله

انا اشوف ماتحذفي شي وامشي على جدولك لانها كلها مواد ضروري تآخذيها وتخلصي منها عشان تنفتح لك المواد الي بعدها
شدي حيلك فيهم وذاكريهم من بدري وفالك النجاح فيهم كلهم وبدرجات عاليه يارب

[حنين الشوق]

^
^
د.ناريمان راح تمسكهااااااااا ومؤكد

[nour al3mr]

اكتمــــــل نزول بعض أسمــــــآء الاستـآذات في قـــــــــآئمـة الشعب الدراسيــــــــة لطـآلبــــــــــــآت الإنتظـــــــــآم ..

أمـآ البويتـــــري ..

3 شعب للدكتورة نـآريمــــــــآن .. وشعبة لمس سهــــــآم ..

[دانة الحور]

توني تخصصت انجليزي الحمدلله
اش تنصحوني أنزل مواد ياأهل الخبرة مممم حملت رياضيات يعني اللي تنصحني تحطه في الاعتبار

[nour al3mr]

^

مـآشـآء الله تبارك الله ..

ألـــــف مبـرووووووك دآنة على التخصص ..
ويجعله ربي خيـــــر لك ..

المـوآد اللي تنـزليهـــــــــآ موآد البيسك ..
oral 1
reading 1
writing 1
تقدري تنزلي الفرنسي 1
و الريـآضيــآت لو باقي فاكـرة المنهج من الترم المـآضي نزليه .. لو مو حابه تقدري تأجلية وتنزلي ثقافة أو عربي ..

أما إذا شفتي حالك شوي ضعيفة بالأنقلش وتحتاجي لوقت أحذفي احد موآد التخصص ..

وفقك الله ..~

[دانة الحور]

المشاركة الأصلية كتبت بواسطة nour al3mr ^ مـآشـآء الله تبارك الله .. ألـــــف مبـرووووووك دآنة على التخصص .. ويجعله ربي خيـــــر لك .. المـوآد اللي تنـزليهـــــــــآ موآد البيسك .. oral 1 reading 1 writing 1 تقدري تنزلي الفرنسي 1 و الريـآضيــآت لو باقي فاكـرة المنهج من الترم المـآضي نزليه .. لو مو حابه تقدري تأجلية وتنزلي ثقافة أو عربي .. أما إذا شفتي حالك شوي ضعيفة بالأنقلش وتحتاجي لوقت أحذفي احد موآد التخصص .. وفقك الله ..~

الله يبارك بعمرك أختي نور العمروأشكرك لأانك تجاوبتي معي
أنا منتسبة هل هذي المواد كلها عندي؟!!
ولاتخافي عندي خلفية كبيرة عن الانقلش لاني درست تقريبا اربع سنوات أدب انجليزي في كليات التربية ومن خلال سؤالي للبنات المنتظمات بالجامعة يقولوا انو الكلية أصعب والحمدلله هالكلام ريحني لأأنني جربت الصعب ,,
الرياضيات درسته الترم اللي قبله مو اللي فات
الثقافة الشعب تقفلت للأسف full
بنزل اللي قلتي عليه ان شاء الله بأراجع الجامعة يوم الأحد لأأنو الاودس مو راضي يحذف ويضيف!::(

[ام حمدان]

^
^
هذي رموز المواد الي مفروض تضيفيها ياعسل سواء كنتي انتظام او انتساب المواد الي ندرسها نفسها :)

lane211---استماع وتحدث
lane212---قراءه
lane213---كتابه
lanf221--فرنسي
isls201---ثقافه اسلاميه
واقترح الماده السادسه تكون رياضيات خذيها واخلصي منها الحين قبل يتغير المنهج وقبل تطير معلوماته من راسك

وطالما عندك خلفيه تمام في الانقلش ماشالله فلا تخافي راح تشوفي التخصص حلو إن شاء الله بس اهم شي تذاكري من بدري وماتهملي موادك وفالك النجاح بتفوق يارب

بالنسبه للشعب سواء الثقافه او غيره اصبري عليها شوي وشيكي كل شوي على الشعب ووقت ماتشوفي شعب المواد الي تبغيها صارت زرقاء على طول اضيفيها
هي الحكايه يبغالها صبر وسنتره على الاودس

موفقه ياعسل

[دانة الحور]

ربي يسعدك ويوفقك أختي أم حمدان الله لايحرمنا منك ولا يحرمنا من تعاونك
وألاخت نور العمر الله يوفقها ولايحرمنا منها
راح آخذ نصيحتكم إن شاء الله هل في اسماء معينة لأستاذات يعني يشرحون كويس<<اسئلتك كثيرة برا:$

[Danno]

بنااااات بليززز

مين اللي بتروح الجامعه عشان تضيف مادة الفرنسي 2؟

ابي وحده تضيف لي اياه ماقدر اجي جدة :(

[ام حمدان]

المشاركة الأصلية كتبت بواسطة دانة الحور ربي يسعدك ويوفقك أختي أم حمدان الله لايحرمنا منك ولا يحرمنا من تعاونك وألاخت نور العمر الله يوفقها ولايحرمنا منها راح آخذ نصيحتكم إن شاء الله هل في اسماء معينة لأستاذات يعني يشرحون كويس<<اسئلتك كثيرة برا:$

ويسعدك ربي ياعسل
لسى مااعرف مين بيعطيكم لكن من الي جربتهم لمن كنت مثلكم وكانوا تمام
ريم فطاني وريم سائحي --في الليسننق
مايا اليافي --رايتنق
حنان الطرازي -ريدنق
زوري هالموضوع واقري تجارب البنات وانا كمان كاتبه تجاربي مع الي درسوني

http://www.skaau.com/vb/showthread.php?t=329541

المشاركة الأصلية كتبت بواسطة Danno بنااااات بليززز مين اللي بتروح الجامعه عشان تضيف مادة الفرنسي 2؟ ابي وحده تضيف لي اياه ماقدر اجي جدة :(

يابنتي الشعب راح تفتح لك الفتره الجايه إن شاء الله بس يبغالها صبر وسنتره على الاودس واصلا دايم تحصل توسعه في الشعب وكمان تفتح شعب زياده لبعض المواد فراح تضيفي عاجلا او اجلا لاتخافي

اصبري وسنتري على الاودس وراح تضيفي الي تبغيه اغلبنا مثلك لسى مااضفنا الي نبغاه

الله يعين