~| أخبــآر الحذف و الإضـآفة و تنظيم الجدآول لطَـآلبـآت الإنتسـآب|~

[ام حمدان]

^

مقدمه في العلوم حسب مافهمت مابتنزل غير للخريجات :(

بس جدولك الباقي تمام وشوفي لو مااخذتي سينتاكس ممكن تضيفيه بدل العلوم لو مايتعارض عندك مع شي لانه مع استاذه تمام

موفقه ياعزيزتي




---
lola

ايش الي شطحك للمودرن !!

دوري على شي غيره افضل


موفقين

[miss sun shine]

هلا ام حمدان مقدمه فالعلوم انضافلي:) وحذفته ورجعت ضفته بس انا خايفه من كثر المواد اللغوبه لاني اخاف منها:( يعني اتوكل على الله ووانزل سيتاكس:)

[ام حمدان]

^
والله انضاف لك العلوم ؟
طيب كويس

تبغي الصراحه السينتاكس نازل مع استاذه خوله وهي وحده الكل بيمدحها امينه وشرحها تمام واخلاق عاليه فحرام تضيع من يدك انتي ماتضمني انها تمسك الماده الترم الجاي فخذيها الحين افضل ولو خايفه تنضغطي فاحذفي العلوم وخليكي على 5 مواد افضل وترى الفونيتكس والمورفولجي يعتبروا مواد خفيفه فلا تخافي إن شاء الله تلحقي عليهم كلهم
السيره لو كانت مع مس عائشه قيسي فخذيها اما لو غيرها فما انصحك بها

لو جيتي للحق علم نفس نمو اسهل على الاقل اختبارها اختيار من متعدد يعني ماتتعبي في مذاكرته كثير
انتظري اسماء الاستاذات تظهر عندهم وبعدها قرري اي وحده تاخذي


وفقك الله

[miss sun shine]

ام حمدان ماادري شقولك مرررة مشكورة ماتدري قد ايش ساعدتيني كنت مرررة حايسه فجدولي واضفت سيتاكس وحذفت مادة العلوم :) وبشوف السيرة الين تنزل الاسمااء لانه للان مو نازل ولاااسم لمواد التاريخ:(

[آحم آحم هع]

السلام عليكم

بليز ابي نصيحتكم ابي اسهل ماده حره

اللي طلعلي بالخيارات اغلبها تاريخ hist و طلعلي مدخل لعلم النفس وكمان علم النمو

مع العلم اني اخذت سيره نبويه خلاص

بليز ساعدوني

[الملاك الأبيض]

شوفي عزيزتي تقدري تضيفي مواد من قسم التاريخ مثل المماليك والدولة الايوبية وحدة من صاحباتي اخدتها وتقول مررة حلوة وسهلة . وعندك مادة نصوص تاريخية باللغة الانجليزية ملزمتها 17 اسئلتها وصلي وكلمات انقلش ومعانيها انا اضفتها هاد الترم ويقولوا حلوة . وعندك مادة العلوم العربية والاسلامية كمان حلوة وسهلة . او تاخدي مادة علم نفس النمو كتير من صاحباتي اخدوها وينصحوا فيها وكلهم جابوا فيها فوق 90 شوفي ايش يناسبك موفقة يارب
ملاحظة :نزلت لك في المرفقات اول ملف قائمة بالمواد الحرة المتاحة لقسم الانتساب والي تلاقيه في قائمة الحذف والاضافة فهو الي معنا لانو في مواد غير موجودة في القائمة وهاي بتكون بس لطالبات الانتظام او الاولاد . اما ثاني ملف فهو عبارة عن المقررات تبع قسم التاريخ في حال قررتي تاخدي مادة من قسم التاريخ حاولي تطلعي على مقررها اول واذا كان طويل او غثيث لاتضيفيها واذا كان حلو وعامل ريجيم فاضيفيها وحاولي تطلعي على تجارب البنات في المواد الحرة لانو بتفيدك في اخذ قرار اكثر حكمة .بالتوفيق

[lolaa.2]

ام حمدان لاتسأليني ع الشطحات وربي من قوة التبلد ههههههههههههههه ..المهم شوفي جدولي اللي استقريت عليه :
نحو- صرف- علم الاصوات -مسرحيه - مناهج البحث- حلقه بحث في اللغويات <<<كدا سته مواد تمام .. حلقه بحث في اللغويات اخذتها لاني شفتها مع مس خوله بس حاطين اقصى عدد 15 تتوقعي راح يحذفولي الماده :(؟؟

[LAURA H]

يا بنااات ليش كل ماافتح الاوديوس يدخل ع الصفحة الرئيسيه وبعدين يرجعني على الصفحة اللي لازم احط فيها الرقم الجامعي والباسوورد..
انتوا زيي ولا بس انا؟؟

[سهر]

أنا كمان زيك لورا عادي المفروض تعودنا على الاودس وحركاته

[احلى الأماني]

يابنات مو معقوله كل يوم يحدفوووووو الادب الحديث واضيفوة تاني
واليوم الشعبة واقفة عندي خير ؟؟؟؟؟؟؟؟
ايش هدي الجامعه ممكن نفهم ايش المشكلة نبي نتخرج ونرتاح