عندمآ يتشآبـﮧ إلگل أتميز { أنـــــآ .!

[O-DODY-O]

تعرفو حاجه......!!

من يوم ما اتخرجت من الثنوي ما ادري عن صحباتي هما احياء ام اموات

{{..والله هذا حال الدنيا اصدقاء دراسه فقط

وانا كنت عارفه من زماااااان اننا راح ننسا بعض للأبد..}}

[O-DODY-O]

اليوم أنت مني قريب
لم تعد
الدنيا تعنيني

فـ][أنت ][
دنياي
التي تحتويني

[O-DODY-O]

تعرفو ان اغبى انسان هوا اللي يسوي نفسو عاقل وثقيل

هذا اغبى انسان

ليش؟؟؟

لأنو بذي الطريقه يحاول يكمل الاشياء اللي ناقصه فيه

فـــ/ــيخدع نفسو بذي الطريقه

[O-DODY-O]

اااااخخخخخخخخخ مرررررررررررررره تعباااااااااااااانه

[O-DODY-O]

ولد عمي اخويا....}}

طبعاً المحارم معروفين...مافيش حدا ما بيعرفهم

استغرب من بعض الناس ....!

عندهم كل الاقارب يعتبرون محارم

{{.. ولد العم ..ولد العمه..ولد الخال..ولد الخاله..}} <انا ما درست ذا الشي يمكن هما منهجهم غير..

بجد شي غريب عمري ما سمعت ان الاسلام قال كل القرايب محارم

غريبين ذولا الناس ..

للمعلومه..

تراهم سعوديين اباً عن جد

انا مو عارفه ايش الحكمه من ذا الشي؟؟؟؟

اسأل البنت يختي انتي ليش تكشفي على كل القبيله؟؟ <للمعلومه هيا تغطي قدام الناس بس قدام عيال القبيله عااااادي تقعد بدون عبايه وبدون طرحه وبدون شي

تقول انتي اللي ليش ما تكشفي؟؟

غريبين جددددداً

انا جدتي تقول زماااااااان مرررررررره مرررررررره زمااااااااااااان

ايام اجدادها تقول كانو الحريم يجلسو مع الريجال بس يغطو

ودحين كل من هب ودب سار يفتي...

مره كنت جالسه مع 2 من صحباتي

ووحده منهم تدخن اساساً فــ/ــتقولي انها تدخن وزي كذا

قلتلها حبيبتي الدخان حرام اصلاً

ما صدقتني

والثانيه دخلت جوا عيني تقولي انتي كذابه والله الدخان مو حرام انا ابويا يدخن ومستحيل ابويا يسوي شي حرام <دحين ابوها هوا الصح والاسلام هوا الغلط؟؟

راحت هذيك البنت اللي تدخن تسأل ابلة الدين قالتلها انو حرام

{{.. انا استغرب من ذولا الناس .. ما يعلمو عيالهم وهما صغار ايش الحلال وايش الحرام؟؟؟ المشكله تلاقي الاب نفسو يسوي شي حرام <مصيبه والله..}}

[O-DODY-O]

بسرعه مين يبغا يتزوجني بروح بعثه ضروووووري..}}

^ ^
اعلانات معلقه في اغلب المواقع ...

ليش تقللي من قيمة نفسك؟؟؟

عشان تبغي واحد يروح معاكي بعثه بإسم {محرم}

مدة البعثه فقط وبعدين طلقني...}}

والله كثيييييييييررررر نشوف ذا الكلام في المواقع

اول شي ...هيا شايفه انو مالها قيمه.. طبيعي الناس كمان راح ينظرولها نفس الشي

ليششششششششششششش؟؟ حبيبتي تسوي بنفسك كذا؟؟

اعرف وحده اتعرفت على واحد من النت عشان تبغاه يروح معاها بعثه <ما عندها اخوان

وبالفعل اتزوجها وراح معاها البعثه ودحين هيا عندها ولد

بسسسسسس كيف تتوقعو نظرتو لها؟؟؟؟

اكيد بيطالع فيها بإستحقار ليش.؟؟؟؟ لانو هيا من الاساس مسلمه نفسها لأي شخص بس عشان يروح معاها بعثه بإسم {محرم}

الله يحمينا يارب

يارب لاتحطنا بنفس الموقف يارب

[O-DODY-O]

ان شاء الله اليوووووووووووم رايحه مكككككككككككه <والله من زماااااااان عنها

[O-DODY-O]

اااااااااااااا نسيييييييييت

سوري يا اهل الالغاز والله ما فضيت ابداً

دوبي جايه وكمان شويه بروح مكه ان شاء الله

مررررررره اليوم ما فضيت

بس بما انو بكره ربوع وياسلام

وعادي اغيب ما عندي اختبار <وياسلام هههههههههه

وابشرو بعزكم

اجيبلكم ذيك الالغاز اللي تشيب روسكم {تشيييب} <لحد يسأل من اي قاموس جايبه ذي الكلمه؟؟

[O-DODY-O]

واااااااااااا

صحبتي حبيبتي اتزوجت

الله يوفقها يارب

سارلها شهر وانا مادريت الا دحين

بس ما اتخيل بنت صغيره متزوجه <صعبه احسها

[O-DODY-O]

انا اخو صحبتي عمرو 27 اتزوج وحده عمرها 15

اتخيلو بس....