وظائف نسائية في الخطوط السعودية (بكالريوس - ماجستير) جدة

[jana1980]

وعلى فكره الشهادات الانجليزي اللي بيقولو عليها مضروبه دي .. كان بامكانو يـطلب التقرير الاصلي يترسلو مباشرة من مركز gts حق التوفل او المركز المعتمد للايلس لو يبغو يتحققو من صحتها ..

بس اكيد طبعا ما هيعملوها لانو قدراتهم اللغويه اضعف من انهم يتواصلو مع المراكز العالميه المحترمه دي..

[انتظار الوظيفة]

حبيت اضيف انو الشركة جدا مراعيه في شروط الوظيفيه وكمان اذا انتو من البنات جايبين شهادتكم من بري علي طول يوظفوا بنات نصيحه لا تضيعو وقت لانو نازله وظيفتين في جده والتقديم عليها الي ١٠ اكتوبر

[أم محمد حمودي]

المشاركة الأصلية كتبت بواسطة jana1980 من جد عيب انو اختبار زي كده يتحط على اساسو تقييم وظييفي .. عيب .. عل الاقل كانو يحطو الايلس البروفاشينيل ده لو كانو يعرفو الفرق اصلا بين البروفاشينال والاكاديميك .. انو الاكاديميك مستواه اصعب وبيقيس قدرات لغويه اعلى من البروفاشينال اللي بيدخلو الناس اللي مقدمه على وظايف في بريطانيا مو في السعوديه..

I agree with you

[أم محمد حمودي]

مشكوررررررره اخت انتظار وظيفه بس ممكن تشرحيلنا اكثر عن الوظيفه
دوامهم وراتبهم وموقعهم

[انتظار الوظيفة]

في وظيفتين ٢ الي نازله بجده هي مشرف خدمة عملاء و خدمة عملاء
اذا دخلتي علي موقع شارحين لكي الرول حق الوظيفه
اما عن الراتب فما اقدر احدده بصراحه بس الراتب عندهم من ٦٠٠٠ للبكالوريوس فوق غير بدل السكن والتأمين
هذي الشركة تاسست عام ٢٠٠٢ وهي شركة مدعومه من الحكومه وفرعها الرئيسي في الرياض
وجالس تتوسع حاليا في كل مناطق المملكه

[انتظار الوظيفة]

في وظيفتين 2 الي نازله بجده هي مشرف خدمة عملاء و خدمة عملاء
اذا دخلتي علي موقع شارحين لكي الرول حق الوظيفه
اما عن الراتب فما اقدر احدده بصراحه بس الراتب عندهم من 6000 للبكالوريوس فوق غير بدل السكن والتأمين
هذي الشركة تاسست عام 2002 وهي شركة مدعومه من الحكومه وفرعها الرئيسي في الرياض
وجالس تتوسع حاليا في كل مناطق المملكه
اتمني اكون افدتك واي سؤال انا حاضره
والله يرزقنا واياكن خير الوظائف
حبيت اضيف انو الدوام بالعاده يكون ٨ ساعات في اليوم
والدوام الاغلب انو في المكاتب المجمعات ومفصول تمام عن الرجال

[ساره من جده]

انا عن نفسي بدأت اقدم على جامعات برايطانيه والله يوفقني قيدني صليت الاستخاره لدرجه اني قبل مااروح اختبر اخر شي سويتو استخرت لانو عندب احساس وقالولي من قبل الخطوط لعب بزران

[ساره من جده]

اختي jana1980
عندي استفسار بخصوص الدراسه في بريطانيا هل سهل الالتحاق بالبعثه هناك ام لا
انا عندي رغبه اكمل دكتوراه في الانفورميشن سيستم وحابه التحق بالبعثه هناك هل نظام الدكتوراه هناك يحسب التقدير لكل ترم او باس فقط ؟؟ لانو تعرفي من شروط الالتحاق بالبعثه للدراسات العليا اجيب معدل 3.3
وسالت عن الدكتوراه قالولي تجيبي باس بس ابغا اتاكد منك كيف حيكون التحاقي بعد مااخلص اول ترم

[Miss Fulah]

الله يبارك فيكي يااأم حموودي وعقبالك..صراحة ماجاء المسج الا بعد ماحبطونا ..فرحتي ناقصه لان البنات هنا زعلانين ):

جنا وربي قهر انا تغربت وجربت مو من حقه يقول مضروبه يروح يتاكد بنفسه

عالعموم لسا باقي هم اختبار المعرفه والمقابلة الله يستر .. انا كمان تعبت غربة

[عـــهـــود]

وانا للحين م جاني ولا مسج

ي رب عوضني بخير منها و لا تزعلو ي بنات الحمدلله محنا واقفين عليهم ان شاء الله القادم اجمل ~